SHBA i hap rrugën “Kushtetutës së re”: Më pas diskutoni në Këshillin Politik
“Negociatat të vazhdojnë, partitë të përfshihen”
Ambasada amerikane në Tiranë u ka hapur rrugën ndryshimeve kushtetuese sot në parlament, por i fton palët që më pas të gjejnë konsensus në Këshillin Politik. Ambasada i ka dërguar një mesazh kryeministrit Rama për gjithëpërfshirje mes palëve në takimin e fundit të Këshillit Politik për ndryshimet në Kushtetutë. Ambasadorja Yuri Kim ka theksuar se i takon parlamentit që të bëjë dhe kalojë ndryshimet, pasi i ka të gjithë kompetencat, duke shtruar se pikërisht këto “privilegje” PD- LSI i kishin djegur bashkë me mandatet. Por, ambasadorja Kim risjell në vëmendje faktin se brenda apo jashtë Kuvendit nuk mund të injorohen, pasi përfaqësojnë një pjesë domethënëse të votuesve shqiptarë. Ndaj, e prerë ajo ka treguar se do të ndjekë me kujdes të gjitha veprimet e drejtuesve politikë.
“Drejtuesit përkatës kanë deklaruar se çdo veprim i parlamentit nesër nuk i mbyll negociatat e nisura në Këshillin Politik rreth listave të hapura dhe koalicioneve. Ne do të shohim nëse drejtuesit do ta mbajnë fjalën e tyre. Të gjitha partitë duhet të vazhdojnë të përfshihen, në mënyrë që ligjet të cilat do të miratohen në fund, të jenë rezultat i një procesi transparent dhe përfshirës, në interes të të gjithë popullit shqiptar”, - shkruhet në deklaratë.
QËNDRIMI I AMBASADËS SË SHBA
Gjatë javëve të fundit,
VOTIMI
Sot në Kuvend do të kalojë marrëveshja mes PS dhe opozitës së re për ndalimin e koalicioneve parazgjedhore dhe hapjen e listave. Dy opozitat kërkojnë hapje 100%, ndërsa mazhoranca kërkon hapjen e vetëm 2/ 3- ve të listave për deputetë.
ambasadorja Kim ka pasur biseda të shumta mbi reformën zgjedhore me Presidentin Meta, kryeministrin Rama, kryetarin e Partisë Demokratike Basha, anëtarë të Këshillit Politik si dhe me një sërë ekspertësh e të tjerë. Ajo ka nënvizuar tri pika: “Së pari, marrëveshja e 5 qershorit, e cila u arrit nëpërmjet një procesi transparent dhe gjithëpërfshirës, duhet respektuar ashtu siç u ra dakord për të. Së dyti, parlamenti ka kompetencat dhe përgjegjësinë për të marrë në shqyrtim dhe miratuar legjislacionin. Së treti, në të njëjtën kohë, edhe pse ata të cilët ‘ dogjën mandatet e tyre’, bazuar në përkufizimin e kësaj, kanë djegur pretendimet që mund të kishin për kompetenca dhe përgjegjësi në Parlament, nuk mund të injorohet fakti se ata, gjithsesi, përfaqësojnë një pjesë domethënëse të votuesve shqiptarë. Për këto arsye, ne e kemi lavdëruar marrëveshjen e 5 qershorit, të arritur nëpërmjet bisedimeve ndërpartiake. Përshëndetëm miratimin në parlament në 23 korrik të kodifikimit të marrëveshjes së 5 qershorit dhe nënvizuam gjithëpërfshirjen dhe transparencën me të cilat partitë arritën marrëveshjen e 5 qershorit, duhet të jenë norma në marrjen e veprimeve të rëndësishme kombëtare. Partitë duhet të përfshihen në Këshillin Politik me mirëbesim. Drejtuesit përkatës kanë deklaruar se çdo veprim i Parlamentit nesër nuk i mbyll negociatat e nisura në Këshillin Politik rreth listave të hapura dhe koalicioneve. Ne do të shohim nëse drejtuesit do ta mbajnë fjalën e tyre. Të gjitha partitë duhet të vazhdojnë të përfshihen në mënyrë që ligjet të cilat do të miratohen në fund të jenë rezultat i një procesi transparent dhe përfshirës, në interes të të gjithë popullit shqiptar dhe që e çojnë vendin përpara në rrugën demokratike – ky është një detyrim që udhëheqësit shqiptarë e kanë përpara popullit shqiptar”.