“Do t’i fshijmë”, Rama: Koalicionet e shkuara, hile elektorale

Votimi, kryeministri- Metës: Je një shkelës recidiv i Kushtetutës! Nuk të shkarkuam sepse respektuam “Venecian” “PS e gatshme të ulet me opozitën jashtë parlamentare”

Kryeministri Edi Rama lajmëroi dje para votimit të ndryshimeve kushtetuese se do të fshihen njëherë e mirë koalicionet si shpikje shqiptare, që kanë ekzistuar deri me sot, duke deformuar vullnetin e shqiptareve.

“Këtë s’e ka askush dhe këtë sot do ta fshijmë”- u shpreh në mënyrë të prerë z. Rama. Për kryeministrin Rama, ky është një revolucion, një mesazh që u kujdes ta tregojë edhe me shkrimin në kravatën e tij, për shkak se thotë se i japin fund asaj që ai e quan një shpikje shqiptare dhe një hile që deformonte vullnetin e votuesve. “Një hile që nuk e garanton këtë që kodi i praktikave të mira zgjedhore në 2005, i Komisionit të Venecias nënvizon. Ti i thua votuesit ke një trend me 40 parti dhe vota jote nuk i shkon atyre që janë në atë vagon, por mblidhet tek lokomotiva ose tek vagoni i dytë. Dhe vagoni i dytë sillet si lokomotivë pastaj, duke tërhequr zvarrë sa njërin, sa tjetrin sipas rastit”- u shpreh Edi Rama.

LISTAT

Kryeministri e cilëson të lodhshëm procesin e negociatave me opozitën jashtë parlamentit për të gjetur dakordësinë, pavarësisht gatishmërisë së shumicës për të mirëpritur çdo lloj modeli që aplikohet aktualisht në vendet anëtare të OSBE për koalicionet. “Thanë e duan si Letonia, por jo të shikojmë dhe Holandën, shiko se dhe Belgjika. Si ta duan. Jo po si Riza. Si Riza është ekzaktësisht kjo që themi ne. Një grumbullim partish në një sigël. Nuk po heqim të drejtën për t’u bashkuar Luli me Monën. Duke patur

Lulin me Monën bashkë kemi dhe babaxhiken, kemi dhe atë dixhitalin e Lalzit bashkë”- deklaroi Edi Rama. Sa i takon listave, shefi i mazhorancës siguron se përcaktimet kushtetuese nuk pengojnë hapjen 100 për qind të tyre. Dhe ka një mesazh dhe për 10 deputetët e opozitës që votuan kundër ndryshimeve. “Duhet të ulemi të vazhdojmë argumentet”- u shpreh z. Rama.

MESAZHI

Kryeministri një mesazh pati edhe për ambasadorët që u përfshinë në këtë proces. “Miqtë dhe partnerët tanë duhet ta dëgjojnë mirë. I takon shtetit shqiptar të vendosë përmes parlamentit të vetë, se çfarë bën me sistemin zgjedhor. Nuk është një zgjedhje që kemi detyrimin ta ndajmë as me ambasadoren amerikane dhe as me ambasadoren e Bashkimit Europian dhe as me askënd tjetër. Po kur dëgjoj ambasadoren amerikane që thotë do t’i ndjekim me vëmendje drejtuesit politikë, a do e mbajnë fjalën, a nuk do e mbajnë fjalën, sinqerisht nuk më vjen mirë. Ajo fjali është një arsye për çdo person këtu në këtë vend, të mos e bëjë qesharak popullin e vet”tha z. Rama.

REAGIMI

Pas deklaratave të opozitës së bashkuar kryeministri Rama tha se ata duhet të ulen menjëherë me Partinë Socialiste dhe opozitën parlamentare për të punuar për reflektimin në Ligjin Zgjedhor të risive kushtetuese. Rama shprehet se këto ndryshime nuk janë më projekt, por pjesë e ligjit themeltar të Republikës dhe janë të detyrueshme

MESAZHI

“Miqtë dhe partnerët tanë duhet ta dëgjojnë mirë. I takon shtetit shqiptar të vendosë përmes parlamentit të vet, se çfarë bën me sistemin zgjedhor. Nuk është një zgjedhje që kemi detyrimin ta ndajmë as me ambasadoren amerikane dhe as me ambasadoren e Bashkimit Europian dhe as me askënd tjetër”- tha z. Rama.

FTESA

“Kush nuk vjen në tryezë mbetet jashtë vendimmarrjes. Konsensusi 100% është i mirëseardhur, po asnjë pakicë s’e merr dot peng shumicën kushtetuese në këtë proces – vota e sotme duhet të mjaftojë për të mos e provuar prapë”, - tha Rama.

për të gjithë dhe pa dallim. “Ne nuk ndalemi, sepse nuk jemi zgjedhur për t’i shkuar mbrapa atyre që ikin në drejtim të paditur, por për të udhëhequr Shqipërinë e shqiptarët në rrugën e të ardhmes. Në tryezë na ul përgjegjësia ndaj vendit dhe popullit, arsyeja e kultura jonë demokratike, jo dënglat kërcënuese”,- tha Rama që shton se s’ka kohë për të humbur dhe se puna duhet të fillojë që nesër. “Kush nuk vjen në tryezë mbetet jashtë vendimmarrjes. Konsensusi 100% është i mirëseardhur, po asnjë pakicë s’e merr dot peng shumicën kushtetuese në këtë

proces – vota e sotme duhet të mjaftojë për të mos e provuar prapë”,- e mbyll Rama.

SHKARKIMI

Me po të njëjtat tone të ashpra, kryeministri i kujton Presidentit se arsyeja përse nuk u shkarkua nga parlamenti ishte në respekt të Komisionit të Venecias dhe se sipas kësaj të fundit kreu i shtetit është shkelës përsëritës i Kushtetutës. “Ilir, ti je një shkelës recidiv i Kushtetutës sipas Venecias, por po sipas Venecias e ke shkelur, po jo aq rëndë Kushtetutën sa për t’u shkarkuar! Dhe ne që shkeljet e tua i mbajtëm në kurriz, respektuam Venecian e s’të shkarkuam, sepse jemi

të përgjegjshëm në përfaqësimin e vendit! Por, siç nuk i ndalove dot zgjedhjet vendore dhe siç nuk e fute dot në zjarr Shqipërinë dje, nuk ke asnjë shans ta ndalosh Kushtetutën e Shqipërisë të jetë detyruese edhe për ty, ashtu sikundër s’ke asnjë shans të ndezësh zjarrin e ëndërruar të konfliktit të popullit me shtetin! Prandaj boll u bëre dhe na bëre të gjithëve qesharakë si shtet, duke e përdorur zyrën e Presidentit si llogore lufte politike, duke sharë ambasadorët siç bënte Haxhi Qamili e duke i folur vetes në vetë të tretë si Luigji XIV! Boll se s’të ka askush asnjë borxh, jo më Shqipëria”- tha z. Rama.