Ndryshimet kushtetuese, SHBA e BE: Keqardhje për mungesën e konsensusit
“Pranojmë votimin, por nuk iu dha kohë kompromisit”
ShBA dhe BE shprehën dje keqardhjen për mungesën e konsensusit për ndryshimet kushtetuese. Në një reagim zyrtar, ambasada amerikane ka reaguar pas miratimit në Kuvend ditën e sotme të ndryshimeve kushtetuese. “Sot, parlamenti miratoi ndryshime në Kushtetutë që do të mundësojnë masa shtesë për reformën zgjedhore. Ndërsa ky veprim ishte në kompetencën e parlamentit, është për të ardhur keq që nuk u mor në të njëjtin frymë me të cilën u arrit marrëveshja e 5 qershorit”,thuhet ndër të tjera në këtë reagim. Më tej në deklaratën e ambasadës thuhet se ata i kujtojmë shumicës deklaratat e saj se, me gjithë miratimin e sotëm në parlament, se synojnë të angazhohen me të gjithë partitë në Këshillin Politik, në mirëbesim dhe me qëllimin për të arritur në marrëveshje për zbatimin e legjislacionit mbi listat e hapura dhe koalicionet. “Ne e kuptojmë zhgënjimin e opozitës së bashkuar, ndërsa mirëpresim vendosmërinë e tyre për të mbetur të angazhuar në institucione dhe procese demokratike, përfshirë Këshillin Politik, në mënyrë që të dëgjohen zërat e të gjithë shqiptarëve. Përsërisim, se ne do të shohim nëse drejtuesit do ta mbajnë fjalën e tyre. Ashtu siç vepruan në arritjen e marrëveshjes së 5 qershorit, udhëheqësit shqiptarë duhet të tregojnë gatishmërinë dhe aftësinë e tyre për të negociuar marrëveshje që vënë në radhë të parë interesat më të mira të popullit shqiptar”- thuhet në reagimin e ambasadës amerikane.
KOMISIONI
Zëdhënësja e Komisionit Europian Ana Pizonero dhe ambasadori i BE në vendin
DEKLARATA
“Përsërisim, se ne do të shohim nëse drejtuesit do ta mbajnë fjalën e tyre. Ashtu siç vepruan në arritjen e marrëveshjes së 5 qershorit, udhëheqësit shqiptarë duhet të tregojnë gatishmërinë dhe aftësinë e tyre për të negociuar marrëveshje që vënë në radhë të parë interesat më të mira të popullit shqiptar”- thuhet në reagimin e ambasadës amerikane.
tonë shpërndanë të njëjtin tekst duke thënë se shprehin keqardhje që nuk iu dha më shumë kohë arritjes së një kompromisi. “Teksa pranojmë miratimin nga parlamenti i Shqipërisë të disa ndryshimeve në Kushtetutë në lidhje me sistemin zgjedhor, është për të ardhur keq që nuk iu caktua më shumë kohë fazës përgatitore për të gjetur një kompromis me të gjitha partitë në Këshillin Politik”- tha ajo. Komisioni
Evropian kërkon që tashmë këto ndryshime të implementohen në Kodin Zgjedhor. “Tani është thelbësore që ndryshimet në Kodin Zgjedhor të implementojnë ndryshimet kushtetuese, në veçanti listat e hapura dhe roli i koalicioneve parazgjedhore, të diskuto
hen siç duhet, me të gjithë aktorët politikë në Këshillin Politik në mënyrë bashkëpunuese dhe gjithëpërfshirëse përpara se të votohen”- deklaroi zëdhënësja e KE.
AMBASADORËT
Lidhur me vendimmarrjen e Kuvendit të Shqipërisë reagoi edhe raportuesi i CDU- së për Shqipërinë, Nikolas Lobel, i cili ndërsa e cilësoi votimin “një hap i shkëlqyeshëm për Shqipërinë në rrugën drejt Evropës”, i kërkoi palëve politike të punojnë së bashku. Ndërsa ambasadori gjerman në Tiranë Peter Zingraf tha se reforma zgjedhore e nisur në mënyrë të suksesshme është duke marrë sërish tipare konfliktuale përmes ndryshimeve kush
tetuese. Zingraf u bën thirrje të gjithë aktorëve të bashkëpunojnë për implementimin ligjor të ndryshimeve kushtetuese në Kodin Zgjedhor, si dhe të respektojnë marrëveshjen e 5 qershorit. Në këtë kontekst, thotë ambasadori gjerman, duhet të diskutohen në mënyrë të veçantë çështjet e listave të hapura dhe roli i koalicioneve parazgjedhore me të gjithë aktorët politikë në Këshillin Politik në frymën e përfshirjes dhe të bashkëpunimit. “Shqipëria gjendet përpara mundësive dhe sfidave të mëdha – përmend këtu vetëm bisedimet e anëtarësimit në BE, rindërtimin pas tërmetit dhe kapërcimin e krizës Corona dhe pasojave të saj. Në një situatë të tillë rregullat e
qartë e transparentë për zgjedhjet e ardhshme, të pranuar nga të gjitha palët politike, janë me rëndësi thelbësore për të ardhmen e vendit. Sjell në vëmendje, që reforma zgjedhore mbetet një element qendror në përmbushjen e kushteve të
formuluara nga Këshilli i BE- së ( dhe në mënyrë të ngjashme nga Bundestag- u) përpara Konferencës së Parë të Anëtarësimit me BE- në dhe se zbatimi i suksesshëm i saj është një prej kushteve të grupit të dytë”, tha ambasadori Zingraf.