“Nuk janë të detyrueshme për opozitën”, Basha: Nuk i njohim ndryshimet kushtetuese

Kreu i PD- së paralajmëron Ramën: Koston e konfliktit të krijuar, do ta mbash vetëm ti personalisht Kim dhe Soreca i shkojnë në zyrë Bashës pas votimit në Kuvend

Ambasadorja e SHBA, Yuri Kim dhe ai i BE, Luigi Soreca, i shkuan dje Lulzim Bashës në zyrë pak orë pasi Kuvendi miratoi ndryshimet kushtetuese për hapjen e pjesshme të listave dhe heqjen e koalicioneve parazgjedhore, që mendohet të ketë qenë edhe tema e diskutimit në takim. Nga ana e saj opozita e bashkuar nuk i njeh ndryshimet kushtetuese të miratuara në parlament. Pas një takimi që zhvilloi me aleatët e tij në selinë blu, kreu i opozitës Lulzim Basha akuzoi dje kryeministrin Edi Rama se e ka kthyer parlamentin në çirak të interesave të tij personale, duke bërë që në historinë 30- vjeçare të pluralizmit në vend të miratohen në mënyrë të njëanshme ndryshime kushtetuese, pas së cilave fshihet qëllimi i kreut të qeverisë për të hequr koalicionet parazgjedhore. “Kuvendi gjysmak i Shqipërisë tregoi sërish, se nuk udhëhiqet nga interesat e qytetarëve, por është vetëm një çirak i interesave politike të Edi Ramës. Interesi i qytetarëve sot u shkel me këmbë nga kryeministri në ikje dhe vartësit e tij. Qytetarëve nuk po u jepen lista të hapura. Listat janë të hapura vetëm nga fundi i tyre, sepse Edi Rama refuzoi propozimin tonë për të hapur listat 100%

PARALAJMËRIMI

Koston e konfliktit të krijuar me hedhjen në erë të marrëveshjes së 5 qershorit dhe 14 janarit, do ta mbash vetëm ti personalisht, Edi Rama”- deklaroi Lulzim Basha.

dhe për të mos prekur koalicionet. Sot në Kuvendin gjysmak, Edi Rama dhe vartësit e tij shkelën me këmbë ligjet, shkelën Kushtetutën. Ata shkelën me këmbë historinë tonë. Ata shkelën me këmbë konsensusin, të cilin u detyruan ta firmosin”shprehet Lulzim Basha. Ndaj dhe në emër të opozitës së bashkuar, kryedemokrati paralajmëroi mosnjohjen e ndryshimeve të miratuara nga parlamenti. “Ndryshimet e njëanshme pa konsensus me opozitën dhe në shkelje të marrëveshjes së

5 qershorit dhe 14 janarit janë të papranueshme, nuk janë të detyrueshme për opozitën, dhe aq më pak për qytetarët” u shpreh z. Basha. Pas asaj që e cilësoi makinacion të Kryeministrit në ikje tha se fshihet frika e përballjes me qytetarët. Ndryshimi sipas Bashës është i pashmangshëm, ndërsa paralajmëroi se betejën në mbrojtje të demokracisë do ta vijojë me qytetarët. “Fuqia jonë është tek vota dhe mbështetja e qytetarëve. Vazhdojmë betejën për demokracinë,

votën e lirë dhe fitoren e zgjedhjeve. Atyre që kërcënojnë të na kthejnë në të shkuarën e partisë- shtet, ne do t’u tregojmë se nuk ka më kthim pas. Prandaj, ne do të vazhdojmë betejën për të mbrojtur demokracinë, për të mbrojtur votën e lirë, dhe për të fituar zgjedhjet bashkë me shqiptarët”- deklaroi Basha. Opozita refuzoi në Këshillin Politik koalicionet parazgjedhore me lista të përbashkëta dhe hapjen e pjesshme të listave të deputetëve.