Vritet 30- vjeçari Florian Lamçe, arrestohen dhëndri i Qazim Sejdinit dhe shoku i tij
Terror në Elbasan, ja si u masakrua me thikë Rigers Runaj, shok i Emiljano Ramazanit Pinë tërë natën në lokal dhe në mëngjes u zunë me shishe, viktima “Flor Qorri” ishte miq me dy autorët
Dy vrasje të ndodhura brenda pak orëve kanë tronditur qytetin e Elbasanit, i cili nuk po gjen qetësi. Vrasja e parë u shënua rreth orës 22: 00 të së mërkurës, ku 23- vjeçari Rigers Runaj u gjet i masakruar me thikë pranë varrezave, në lagjen “Emin Matraxhiu të këtij qyteti. I riu, i cili pohohet të ketë qenë shok i 39- vjeçarit Emiljano Ramazani që u ekzekutua dhjetë ditë më parë, ishte goditur 7 herë me thikë pas shpine nga persona ende të pa identifikuar. Ndërkohë, autorët e krimit kishin pasur kohë të largoheshin të qetë nga vendngjarja duke marrë parasysh gjithashtu faktin se rruga ku edhe u gjet 23- vjeçari, nuk frekuentohet shumë nga banorët e qytetit. Dyshimi kryesor për vrasjen e Runajt, ngelet prishja e pazareve të drogës dhe miqësia që ai kishte me Emiljano Ramazanin, i cili më 20 korrik të këtij viti u qëllua për vdekje brenda makinës së tij. Policia e Elbasanit, nuk pati “kohë” në dispozicion të merrej me zbardhjen e kësaj ngjarje, pasi në orët e para të mëngjesit të djeshëm u sinjalizuan për një tjetër vrasje. Florian Lamçe, është goditur për vdekje në qendër të qytetit, në afërsi të muzeut etnografik pranë lokal ‘ Piazza’. Mësohet se ai ka qenë duke pirë përgjatë gjithë natës me shokët e tij, Adriano Hajdari dhe Sokol Sanxhaktari, dhëndri i ishkryebashkiakut Qazim Sejdini, të cilët në rrethana ende të paqarta janë zënë me sende të forta e për pasojë ka mbetur i vdekur 30- vjeçari. Ndërsa dy autorët, Hajdari dhe Sanxhaktari u lënduan lehtë. Policia ka prangosur këta dy të fundit, ndërsa fillimisht ka qenë e pamundur marrja e dëshmisë së tyre, pasi ende nuk iu kishte dalë pija. Të tre këta persona janë emra të njohur për policinë e Elbasanit, pasi janë përfolur për disa ngjarje kriminale. “Gazeta Shqiptare” ka siguruar dëshminë e punonjësit të lokalit, i cili është shprehur se ata kishin nisur që të shanin njëri- tjetrin me fjale banale dhe sherri degjeneroi në dhunë, duke u zënë dhe me shishe. Po ashtu 2- 3 orë para krimit, ata kanë bërë status në rrjetet sociale me përmbajtjen; “të dua shumë vëllai im”. Pas hetimeve intensive policia ka mundur të zbardhë vrasjen e Florian Lamçes, i njohur me nofkën “Flor Qorri”. Në lidhje me këtë ngjarje janë arrestuar dhëndri e ish- kryebashkiakut të Elbasanit, Sokol Sanxhaktari dhe shokun i tij, Adriano Hajdari. Sipas bluve, viktima Florian Lamçja kishte pirë bashkë me dy autorët deri në orët e para te mëngjesit, dhe pas një sherri banal ka nisur dhuna verbale. Dyshohet se ai është qëlluar me shishe birre, ku goditjet në kokë i kanë shkaktuar vdekje.
NJOFTIMI I POLICISË
Shërbimet e Policisë, pas njoftimit të marrë për ngjarjen e ndodhur rreth orës 04: 00, në lagjen “Luigj Gurakuqi”, Elbasan, ku shtetasit
A. H., 42 vjeç, S. S., 34 vjeç dhe F. L., 30 vjeç, në gjendje të dehur ishin konfliktuar me njëri- tjetrin me sende të forta, për motive të dobëta dhe si pasojë e plagëve të marra shtetasi F. L., ndërroi jetë në spital, kanë shkuar menjëherë në vendngjarje.
Falë reagimit në kohë dhe veprimeve të shpejta e profesionale të kryera nga specialistët për Hetimin e Krimit në Komisariatin e Policisë Elbasan u bë e mundur kapja e autorëve të dyshuar për vrasjen e 30- vjeçarit. Në përfundim të veprimeve të para hetimore, nën drejtimin e Prokurorisë Elbasan, u bë arrestimi në flagrancë i shtetasve: A. H., 42 vjeç dhe S. S., 34 vjeç, banues në Elbasan.
Arrestimi i këtyre shtetasve u bë pasi dyshohen për kryerjen e veprës penale “Vrasja me dashje”, e kryer në bashkëpunim”, në lidhje me ngjarjen e ndodhur ditën
ARRESTIMI
Në lidhje me këtë ngjarje janë arrestuar dhëndri e ishkryebashkiakut të Elbasanit, Sokol Sanxhaktari dhe shoku i tij, Adriano Hajdari. Sipas bluve, viktima Florian Lamçja kishte pirë bashkë me dy autorët deri në orët e para të mëngjesit, dhe pas një sherri banal ka nisur dhuna verbale. Dyshohet se ai është qëlluar me shishe birre, ku goditjet në kokë i kanë shkaktuar vdekje.
AKUZAT
Pas zbardhjes së ngjarjes së rëndë të ndodhur në Elbasan ku mbeti i vrarë Florian Lamçe, burime nga policia e Elbasanit bënë me dije se dy personat e arrestuar dhe konkretisht; dhëndri e ishkryebashkiakut të Elbasanit, Sokol Sanxhaktari dhe shokun i tij, Adriano Hajdari akuzohen për veprën penale “Vrasja me dashje” e kryer në bashkëpunim. e sotme, rreth orës 04: 00, në lagjen “Luigj Gurakuqi”, ku në bashkëpunim njëritjetrin, pas një konflikti për motive të dobëta, kanë vrarë me sende të forta shtetasin F. L. Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Vrasja me dashje” e kryer në bashkëpunim.
KUSH ISHTE “FLOR QORRI”
Florian Lamçe nuk është një emër i panjohur për policinë, ndërsa njihej në Elbasan nga të gjithë me nofkën “Flor Qorri”. Ai është i dënuar me tre vite burg për akuzën e ‘ pengimit të zbardhjes së vërtetës’, e po ashtu ka qenë i përfshirë edhe në dy plagosje. Gjithashtu, dyshohet se Lamçe mund të jetë përdorur edhe si vrasës me pagesë nga grupet kriminale në Elbasan. Po kështu, Lamçe është është i vëllai i Olti Lamçe, i cili është dënuar me 24 vite burg për vrasje. Ky i fundit në vitin 2011 vrau pronarin e disko ‘ Tekiles’, Almir Canin.
FOTOT E FUNDIT
Të buzëqeshur, duke u përfaqura teksa pijë në lokal. Këto janë fotot e fundit që Florian Lamçe ka bërë pak para se të vritej, pas dhunës barbare të ushtruar ndaj tij, nga miqtë Sokol Sanxhaktari, dhëndri i ish- kryetarit të Bashkisë së Elbasanit, Qazim Sejdini, e Adriano Hajdari. “GSH” ka siguruar fotot ku shihen të tre së bashku protagonistët e ngjarjes që rezultoi fatale për 30- vjeçarin, i cili ndërroi jetë pasi mori një goditje të fortë në kokë me shishe birre. Janë pikërisht foto të shkrepura në lokalin ku ndodhi ngjarja, i cili u shndërruar në orët e para në një skenë krimi. Nga fotot shihet se të tre shokët kanë qenë në një tavolinë, duke pirë birra Corona, ndërsa viktima pi edhe shisha.