Zbardhen emrat e 406 mësuesve që do t'i nënshtrohen provimit të shtetit

Qendra e Shërbimeve Arsimore: Kujdes, mos harroni këto dokumente ditën e testit Lista e plotë sipas profileve gjatë muajit gusht

Edhe gjatë muajit gusht mësuesit do t'i n ë n s h t r o h e n provimit të shtetit, i cili zhvillohet në ambientet e Qendrës së Shërbimeve Arsimore. "Gazeta Shqiptare" zbardh sot emrat e 406 aplikantëve që do të testohen në profilin Gjeografi dhe Gjuhë Greke si dhe datat përkatëse për secilin prej tyre. Kandidati duhet të paraqitet në QSHA 30 minuta para fillimit të testimit. "Ditën e provimit kandidati duhet të jetë i pajisur me: letërnjoftim ( Kartë ID ose Pasaportë) për pjesëmarrje në provimin e shtetit ( dokumenti origjinal); kopje të Kartë ID ose Pasaportë; faturën e pagesës së tarifës së provimit të shtetit për llogari të QSHA, nga një bankë të nivelit të dytë/ postë ( sipas faturës për arkëtim të publikuar në faqen zyrtare të QSHA) sipas herës së pjesëmarrjes; si dhe kopje të diplomave të programeve të ciklit të parë dhe të dytë të studimeve të përfunduara prej tyre, si dhe njohjen e tyre nga MASR, në rast përfundimi të programeve të studimit jashtë shtetit",- thekson QSHA. Ndërkohë, kandidatët, të cilët nuk janë pajisur me diplomë të ciklit të dytë të studimeve, duhet të paraqes in një vërtetim nga universiteti përkatës, ku konfirmohet shlyerja e të gjitha detyrimeve, përfshirë edhe gjuhën e huaj, sipas akteve ligjore dhe nënligjore në fuqi. "Në kuadër të situatës së krijuar nga pandemia COVID- 19 dhe në vijim të masave parandaluese të përhapjes së tij, gjatë para- qitjes për pjesëmarrje në testim, kandidati duhet të ketë parasysh dhe të zbatojë rregullat e mëposhtme: 1. të paraqitet pranë QSHA- së i pajisur me mjetet mbrojtëse, maskë dhe doreza plastike; 2. të zbatojë ruajtjen e distancës fizike 1,5 - 2 metër me kandidatët e tjerë; 3. të ketë me vete vetëm dokumentet e kërkuara dhe mjetin e identifikimit; 4. të ketë me vete stilolaps për nënshkrimin e deklaratës dhe rezultatit të testimit; 5. të mos ketë me vete celularë, çanta dhe sende të tjera personale, të panevojshme në zhvillimin e testimit", bën me dije Qendra e Shërbimeve Arsimore.