FIFA bllokon merkaton e Kukësit, reagon klubi: Ja si është e vërteta

Për dy paga të Zderiç prej 8 mijë eurosh ndëshkohen verilindorët, që do të apelojnë në KAS Ndërkohë, GegavijonkontaktetdheëndërrondyshenHila- Telushi

Klubi i Kukësit i fillon përgatitjet për Ligën e Europës dhe sezonin e ri mes telasheve, shkak është bërë një gjyq i humbur në FIFA, që i ka bllokuar përkohësisht merkaton klubit verilindor, situatë që mund të vazhdojë nëse nuk shlyen detyrimet ndaj ish- futbollistit Filip Zderiç. Ky i fundit hodhi në gjyq një vit më parë klubin shqiptar për mospagesën e dy rrogave të fundit të sezonit, maj- qershor 2018, për një vlerë në total prej 8 mijë eurosh që klubi ia kishte mbajtur duke akuzuar lojtarin se nuk ishte paraqitur në fazë përgatitore dhe e kishte gjobitur. Zderiç provoi para FIFA- s se në fakt klubi e kishte dërguar te skuadra e dytë, duke mos e marrë me vete në fazën përgatitore, ndërsa nuk kishte marrë asnjë lajmërim për gjobën e as nuk ishte në dijeni që kishte shkelur rregulloren. Ndërkohë, Kukësi e ka dërguar çështjen e dëmshpërblimit dhe pezullimit të merkatos prej ish- futbollistit Filip Zderiç në Gjykatën e Arbitrazhit Sporti ( KAS). Nënkampionët e Shqipërisë bënë me dije nëpërmjet komunikimit për shtyp se çështjen në fjalë e kanë dërguar në Zvicër dhe e konsideron vendimin e FIFA- s si të pakuptimtë. Klubi verilindor pretendon se mbrojtësi kroat refuzoi t'i bashkohej skuadrës në grumbullim në sezonin 20172018, pasi zhvilloi disa ndeshje në kampionat dhe është larguar nga Shqipëria duke mos respektuar as dënimin e klubit për të luajtur me Kukësin B.

MERKATOJA

Me emërimin e Skënder Gegës në krye të stolit të Kukësit, shtohen shanset që te verilindorët të afrohet mesfushori Ardit Hila. Prej ditësh drejtuesit e Kukësit janë futur në bisedime me elbasanasin, që sezonin e fundit luajti me Prishtinën. Hila ka qenë titullar fiks në sezonin kur Partizani fitoi titullin kampion me Gegën trajner. Në rolin e Hilës verilindorët kanë dy lojtarë si Musolli dhe Limaj, por nuk ka asnjë garanci që këta të fundit do të vazhdojnë edhe për sezonin e ardhshëm. Sipas të gjitha gjasave, mesfushori elbasanas do të firmosë për klubin verilindor, duke shtuar në këtë mënyrë edhe konkurrencën në këtë repart. Por jo vetëm Hila. Në shënjestrën e Gegës është edhe Bruno Telushi. Mesfushorit të Partizanit i ka përfunduar kontrata me klubin e kuq dhe drejtuesit ende nuk i kanë ofruar rinovimin. Nga kjo situatë mund të përfitojë Gega, që me lojtarin ka një lidhje të ngushtë që kur e pat grumbulluar në ekipin e 21vjeçarëve të Shqipërisë.