Basha: Rotacioni politik, i pashmangshëm

Dita e parë e punës së Komisionit të Vlerësimit të Kandidaturave, flet kryetari i Partisë Demokratike “Motorët e ndezur të fushatës po çojnë para procesin e pashmangshëm”

Kryedemokrati Lul zim Basha ka re aguar pas mbledhjes në ditën e parë të punës të Komisionit të Vlerësimit të Kandidaturave. Teksa publikon foto me anëtarët e këtij komisioni, Basha shpreh vlerësimin për angazhimin në këtë proces risi të politikës shqiptare. Basha thekson se PD- ja do të përfaqësohet në përballjen e ardhshme elektorale nga elita e saj politike, si dhe nga personalitete të shquara të jetës akademike dhe publike. Ai shpreh mirënjohjen për çdo anëtar të Partisë Demokratike si dhe falënderon Institutin Republikan Amerikan IRI, konservatorët britanikë, CDU dhe fondacionin “Konrad Adenauer”, si dhe Partinë Popullore Europiane – PPE, për mbështetjen dhe asistimin. Kreu i PD- së deklaron se, “motorët e ndezur të fushatës sonë po çojnë përpara çdo ditë e më shumë procesin e pashmangshëm të rrotacionit politik’.

MESAZHI I BASHËS

Në ditën e parë të punës së Komisionit të Vlerësimit të Kandidaturave, i shpreha anëtarëve të tij, Bujar Nishanit, Besnik Mustafajit, Genc Rulit, Enriketa Papës dhe Mark Markut, vlerësimin për angazhimin në këtë proces risi të politikës shqiptare. PD do të përfaqësohet në përballjen e ardhshme elektorale nga elita e saj politike, si dhe nga personalitete të shquara të jetës akademike dhe publike. Nisja e punës nga Komisioni i Vlerësimit të kandidaturave është vetëm faza e parë e seleksionimit të kandidatëve për zgjedhjet e ardhshme. Ky është momenti të shpreh mirënjohjen për çdo anëtar të Partisë Demokratike, që kontribuoi në këtë proces të propozimit të kandidatëve, duke evidentuar më të mirët e më të mirëve, të cilët përbëjnë një korpus të rëndësishëm për administrimin e qeverisjes që shqiptarët do t’i besojnë PD- së dhe aleatëve të saj. Mirënjohje për Institutin Republikan Amerikan IRI, konservatorët britanikë, CDU dhe fondacionin “Konrad Adenauer”, si dhe familjen tonë të madhe politike, Partinë Popullore Europiane – PPE, që na kanë mbështetur dhe vazhdojnë të na asistojnë në këtë proces dhe inkurajojnë që ai të ndiqet si model i demokratizimit të forcave politike, në Shqipëri dhe në të gjithë rajonin. Përzgjedhja e kandidaturave për zgjedhjet e ardhshme do të jetë epoka e re në demokratizimin e partive politike shqiptare. Modeli ynë, ku zëri i anëtarësisë dëgjohet në përzgjedhjen e përfaqësuesve në parlamentin e ardhshëm dhe drejtuesve në nivel vendor dhe qendror, do të jetë dhe modeli për qeverisjen e ardhshme, ku zëri i qytetarëve do të jetë parësor në vendimmarrjet për Shqipërinë, për shqiptarët, për zhvillim dhe punësim, si prioritet kryesor i imi dhe i PD- së. Me modelin më të mirë të përzgjedhjes së kandidaturave, me programin shpresëdhënës dhe angazhimin tonë të plotë dhe serioz, motorët e ndezur të fushatës sonë po çojnë përpara çdo ditë e më shumë procesin e pashmangshëm të rrotacionit politik.