Sekuestrimi i 26 pasurive të biznesmenit Ylli Ndroqi, policia: Krimi Ekonomik e Financiar e hetoi përgjatë 18 muajve
“Shoqëritë që zotëroheshin prej tij janë marrë në administrim nga shteti” “Dyshohet t’i ketë fituar nga aktiviteti kriminal në Shqipëri, Turqi dhe Itali”
Një ditë pas vendimit të Gjykatës së Posaçme Kundër Korrupsionit për sekuestrimin e 26 pasurive të Ylli Ndroqit, Policia e Shtetit ka bërë me dije se është ekzekutuar vendimi, duke i vënë ato nën sekuestro. Policia sqaron se pasuritë e Ylli Ndroqit janë vënë nën sekuestro pas një hetimi prej gati 18 muajsh për gjurmimin dhe sekuestrimin e tyre, pasi dyshohet se janë përfituar në mënyrë të paligjshme. Mësohet se
shoqëritë dhe pasuritë e tjera në pronësitë të shtetasit Ylli Ndroqi, në zbatim të ligjit, janë marrë në administrim nga Agjencia e Administrimit të Pasurive të Sekuestruara e të Konfiskuara. Referuar njoftimit zyrtar të Policisë së Shtetit, kjo pasuri ka dyshime që janë përfituar në mënyrë të paligjshme. Sekuestrimi i 26 pasurive të Ylli Ndroqit, mes tyre edhe dy televizionet “Ora News” dhe “RTV Ora”, janë kryer të hënën, ku Ndroqi u thirr në Drejtorinë e Policisë së Tiranës ku u njoftua për masën e sekuestros. Avokati i tij e ka cilësuar si një sulm politik, duke deklaruar se do ta ankimojnë. Ylli Ndroqi i njohur dhe si Xhemal Pasmaçiu është arrestuar për trafikim heroine në Turqi e Itali, konkretisht i arrestuar për heroinë në 1998 në Turqi dhe në 2015 në Itali. Ylli Ndroqi u arrestua në Itali edhe si organizator i trafikut të drogës.
NJOFTIMI I POLICISË Finalizohet me sukses puna hetimore proaktive afro 18- mujore, për gjurmimin dhe sekuestrimin e pasurive që dyshohet se janë përfituar në mënyrë të paligjshme.
Njësia për Hetimin e Krimit Ekonomik e Financiar në Departamentin e Policisë Kriminale në Policinë e Shtetit, në bashkëpunim me Drejtorinë e Forcës së Posaçme Operacionale dhe FLO në Drejtorinë e Përgjithshme të Policisë së Shtetit dhe me Drejtorinë Vendore të Policisë Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar, finalizoi me sukses ekzekutimin e urdhrit për sekuestrimin e pasurive dhe bizneseve të shtetasit Ylli Ndroqi ( alias Xhemail Pasmaçiu).
Pas afro 18 muajsh hetime proaktive të kryera nga strukturat e Policisë së Shtetit, në bashkëpunim të ngushtë me homologët dhe agjencitë ndërkombëtare ligjzbatuese, bazuar në provat e grumbulluara, u regjistrua procedimin pasuror Nr. 10 i vitit 2020, në Prokurorinë e Posaçme Kundër Korrupsionit dhe Krimit të Organizuar, në ngarkim të shtetasit Ylli Ndroqi ( alias Xhemail Pasmaçiu), si subjekt i ligjit nr. 10192, datë 03.12.2009 “Për parandalimin dhe goditjen e krimit te organizuar, trafikimit dhe korrupsionit nëpërmjet masave parandaluese kundër pasurisë”.
Bazuar në Vendimin Nr. 16, datë 01.08.2020, të Gjykatës së Posaçme të Shkallës së Parë për Korrupsionin dhe Krimin
e Organizuar dhe urdhrit të ekzekutimit të SPAK- ut, Policia e Shtetit sekuestroi pasuritë e paluajtshme dhe të luajtshme në zotërim të shtetasit Ylli Ndroqi, si më poshtë:
• Kuotat dhe aksionet e shoqërisë “RENDON OIL” sh. p. k, në emër të shtetasit Ylli Ndroqi;
• Kuotat dhe aksionet e shoqërisë “YLDON” sh. p. k, në emër të shtetasit Ylli Ndroqi;
• Kuotat dhe aksionet e shoqërisë “DON- UCD” sh. p. k, në emër të shtetasit Ylli Ndroqi;
• Kuotat dhe aksionet e shoqërisë “REN- DON” sh. p. k, në emër të shtetasit Ylli Ndroqi;
• 80% të kuotave dhe aksioneve të shoqërisë “INTERKINEX” sh. p. k, me aksioner shoqërinë “YLDON”, përfaqësuar nga shtetasi Ylli Ndroqi;
• 80% të kuotave dhe aksioneve të shoqërisë “Ecogades Landon Balcan” sh. a, me aksioner shoqërinë “Landon”, përfaqësuar nga shtetasi Ylli Ndroqi;
• 60% të kuotave dhe aksioneve të shoqërisë “ORA” sh. a, në emër të shtetasi Ylli Ndroqi dhe të masës 40% të kuotave në emër të shtetases M. N.;
• 51% të kuotave të sho
qërisë “Landon” sh. p. k, në emër të shtetasit Ylli Ndroqi;
• 50% të kuotave dhe aksioneve të shoqërisë “P 8 31” sh. p. k, në emër të shtetasit Ylli Ndroqi;
• 50% të kuotave dhe aksioneve të shoqërisë “ALBANIA BAY MARINE”, me aksioner shoqërinë “YI. DON”, përfaqësuar nga shtetasi Ylli Ndroqi;
• 30% të kuotave dhe aksioneve të shoqërisë “CHANNEL ONE” sh. p. k, në emër të shtetasit Ylli Ndroqi.
• Pasuria e llojit “apartament”, me sipërfaqe 117 m2,
KERKESA E KSHM
Këshilli Shqiptar i Medias ka reaguar dje një ditë pasi Gjykata e Posaçme Kundër Krimit të Organizuar dhe Korrupsionit ka sekuestruar pasuritë e Ylli Ndroqit, ku përfshihen dhe ty televizonet “RTV Ora” dhe “Ora News”. Në një reagim për mediat, Këshilli Shqiptar i Medias i ka kërkuar SPAK rivlerësimin për masën e sekuestros ndaj dy televizioneve. Gjithashtu ai i kërkon qeverisë shqiptare të tërheqë FNSH dhe RENEA nga ambjentet e telivizionit pasi krijojnë një ndjenjë terrori ndaj mediave të tjera.
SEKUESTRIMI I PASURIVE
“Njësia për Hetimin e Krimit Ekonomik e Financiar në Departamentin e Policisë Kriminale në Policinë e Shtetit, në bashkëpunim me Drejtorinë e Forcës së Posaçme Operacionale dhe FLO në Drejtorinë e Përgjithshme të Policisë së Shtetit dhe me Drejtorinë Vendore të Policisë Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar, finalizoi me sukses ekzekutimin e urdhrit për sekuestrimin e pasurive dhe bizneseve të shtetasit Ylli Ndroqi ( alias Xhemail Pasmaçiu)”, thuhet në njoftimin e policisë.
ARRESTIMI NË TURQI E ITALI
“Nga të dhënat e siguruar nga Shërbimet e Policisë Gjyqësore në Drejtorinë e Përgjithshme të Policisë së Shtetit, në bashkëpunim me Zyrën Qëndrore Kombëtare, Interpol- Ankara, Turqi, është konfirmuar se shtetasi Ylli Bahri Ndroqi, i datëlindjes 11.03.1965, lindur dhe banues në Tiranë, është i njëjti person me Xhemail ( Xhemal) Pasmaciu ( Pasmaçiu) i arrestuar në Turqi”, thuhet në njoftimin e SPAK. Ndërkaq, autoritetet italiane kanë konfirmuar se Ylli Ndoqiu arrestua më datë 17.02.2015 bazuar në urdhërarrestin e lëshuar në vitin 2006 nga
Prokuroria e Milanos.
me adresë lagjja nr. 13, Plazh, Durrës;
• Pasuria e llojit “truall”, me sipërfaqe 300 m2, me adresë Tiranë;
• Pasuria e llojit “truall”, me sipërfaqe 600m2 dhe një ndërtesë me sipërfaqe 90 m2, me adresë Tiranë;
• Pasuria e llojit “njësi shërbimi”, me sipërfaqe totale 43.7 m2, me adresë Tiranë;
• Pasuria e llojit “arë”, me sipërfaqe totale 67.3 m2, me adresë Tiranë;
• Pasuria e llojit “truall”, me sipërfaqe totale 15 m2, me adresë Tiranë;
• Pasuria e llojit “truall”, me sipërfaqe totale 300m2, me adresë Tiranë;
• Pasuria e llojit “truall”, me sipërfaqe totale 2026m2, me adresë Tiranë;
• Pasuria e llojit “apartament”, me sipërfaqe, 52.3 m2, me adresë Tiranë, në bashkëpronësi me shtetasen M. N;
• Pasuria e llojit “pyll”, me sipërfaqe totale 100.000 m2, në Tiranë ( Lanabregas);
• Automjeti i tipit autoveturë, marka “Merces Benz”, modeli S600, në pronësi të shtetasit Ylli Ndroqi.
• Automjeti i tipit autoveturë, marka “Rolls Royce”, modeli PHANTOM, në pronësi të shtetases M. N..
Shoqëritë dhe pasuritë e tjera në pronësitë të shtetasit Ylli Ndroqi, në zbatim të ligjit, janë marrë në administrim nga Agjencia e Administrimit të Pasurive të Sekuestruara e të Konfiskuara.
Policia e Shtetit falënderon homologët dhe agjencitë ligjzbatuese ndërkombëtare për bashkëpunimin dhe koordinimin e veprimeve gjatë periudhës hetimore 18- mujore, me qëllim sigurimin e provave për burimin e të ardhurave për përfitimin e pasurive nga shtetasi Ylli Ndroqi.