U arrestua në Tiranë si pjesë e një celule të ISIS, ekstradohet në Gjermani terroristi 24- vjeçar nga Taxhikistani
Antiterrori e ndiqte këmba- këmbës, Komron Zukhurov ishte strehuar në Kukës si “kaçak” “Do të kryente sulm terrorist për 40 mijë dollarë shpërblim”
Interpol Tirana ka kry er ekstradimin drejt Gjermanisë, të shtetasit Komron Zukurov nga Taxhikistani. 24- vjeçari ishte në kërkim ndërkombëtar nga Gjermania, teksa prej kohësh strehohej në Shqipëri. Ai u arrestua në Tiranë më datën 30 prill, pasi drejtësia gjermane kishte lëshuar një urdhër arresti ndërkombëtar për të. Zukurov akuzohet për veprën penale “Pjesëmarrje në një organizatë të huaj terroriste” dhe dyshohet se është anëtar i një celule terroriste, që kryen veprimtari në emër të ISIS. Pas arrestimit të tij, Zukhurov ka qenë dakord me kërkesën e prokurorisë për ekstradim, por ka kërkuar që të mos ekstradohet në Taxhikistan me argumentin se i cenohej jeta. Në datën 2 maj, gjykata caktoi ndaj Komron Zukurov masën e sigurisë “Arrest me burg”, me qëllim ekstradimin e tij drejt Gjermanisë. Më 12 qershor, Gjykata e Tiranës vendosi ekstradimin e terroristit të ISIS drejt Gjermanisë. Zukurov ishte në kërkim ndërkombëtar nga Gjermania teksa prej kohësh strehohej në Shqipëri. Nga përgjimet Zukhurov rezultoi se kishte ardhur në Shqipëri për të kryer një sulm terrorist kundrejt 40 mijë dollarëve shpërblim. Kushti i vetëm i këtij ekstradimi është që Zukhurov të mos ekstradohet në vendin e tij, Taxhikistan, pasi avokati i tij Asllan Dogjani ka thënë se ai është keqtrajtuar dhe dhunuar nga regjimi diktatorial i vendit aziatik, duke shpërndarë edhe foto nga shenjat e trajtimit të dhunshëm ( me rrymë elektrike) që i kanë bërë aty 24vjeçarit. I riu nga Taxhikistani është kushëri i bashkëjetueses së ish- deputetit të PD- së, Asllan Dogjani. Nga kontrolli në sistemin TIMS rezultoi se ai ka ardhur në Shqipëri nga Rinasi prej muajit shkurt të këtij viti. Mësohet se Zukhurov vizën për të hyrë e mori në ambasadën tonë në Rusi, asokohe jo në kërkim. Gjatë kësaj periudhe rrinte në një shtëpi me qira shumë pranë qendrës së Tiranës. Ndaj tij rëndojnë akuzat “Pjesëmarrje në një organizatë të huaj terroriste”, i dyshuar si anëtar dhe pjesëmarrës i kësaj organizate të huaj terroriste, e themeluar si celulë terroriste në Gjermani për të bërë xhihad në emër të Shtetit Islamik ( ISIS).
NJOFTIMI I POLICISË Më datë 03.08.2020 u krye ekstradimi nga Tirana drejt Gjermanisë, i shtetasit K. Z., 24 vjeç, lindur në Dushanbe, Taxhikistan. Ky shtetas është kapur më datë 29.04.2020, nga Drejtoria e Antiterrorit, Tiranë, pas një punë investigative dhe falë shkëmbimit me homologët e Antiterrorit në Gjermani. Ky shtetas ishte i shpallur në kërkim ndërkombëtar nga Interpol Wiesbaden, Gjermani, pasi autoritetet gjyqësore të Gjykatës Federale në Karlsruhe, me vendim nr. 2 BGs 245/ 20 datë 21.04.2020, kanë lëshuar urdhrin e arrestit ndërkombëtar për veprën penale “Anëtar i një organizate të huaj terroriste” parashikuar nga Kodi Penal gjerman. Rrethanat e ngjarjes: Ky shtetas, së bashku me personat e tjerë të akuzuar, i udhëhequr nga një besim radikal fundamentalist, ngriti një qelizë në territorin e Republikës Federale të Gjermanisë, me qëllim që të ndërmerrte xhihad në emër të “IS”, në kuptimin e një lufte të armatosur kundër “jobesimtarëve”, në Gjermani dhe jashtë saj, me qëllim kryerjen e sulmeve në Gjermani ose Taxhikistan duke përdorur armë zjarri dhe eksplozivë. Si rezultat i bashkëpunimit të Interpol Tirana me Interpol Wiesbaden/ Gjermani u bë i mundur ekstradimi i tij drejt Gjermanisë.
Ndërkaq, “Dosja. al” ka siguruar pamje nga strehimi në Shqipëri i terroristit, Komron Zukurov, i cili u ekstradua në Gjermani. Në fotot e siguruara, Zukurov shfaqet në Kukës, i strehuar nga familje, e cila i kanë ofruar një vend për t’u fshehur në një kohë që Antiterrori e ndiqte këmba- këmbës për ta prangosur. I veshur thjeshtë, me rroba që me gjasë i ka marrë hua, 24vjeçari ka gjetur edhe kohë që të pozojë me familjet “bamirëse” shqiptare, duke dalë në foto edhe më fëmijët e tyre të mitur. Në prej pamjeve të siguruara, të riut i është siguruar edhe një armë zjarri e llojit çifte për ta pasur me vete në rast se pikasej nga policia. Fatmirësisht arma nuk u përdor kurrë ndaj forcave shqiptare.
PËRGJIMET
Nga përgjimet, Zukhurov rezultoi se kishte ardhur në Shqipëri për të kryer një sulm terrorist kundrejt 40 mijë dollarëve shpërblim. Kushti i vetëm i këtij ekstradimi është që Zukhurov të mos ekstradohet në vendin e tij, Taxhikistan, pasi avokati i tij Asllan Dogjani ka thënë se ai është keqtrajtuar dhe dhunuar nga regjimi diktatorial i vendit aziatik, duke shpërndarë edhe foto nga shenjat e trajtimit të dhunshëm ( me rrymë elektrike) që i kanë bërë aty 24vjeçarit.