Manastirliu: Po iu përmbahemi protokolleve të përcaktuara për ndjekjen e pacientëve

cientë janë duke u trajtuar dhe duke u ndjekur nga mjeku i familjes", tha Manastirliu. Gjatë inspektimit në qendrën shëndetësore nr. 10, ministrja e Shëndetësisë tha se ndjekja e pacientëve po kryhet sipas protokolleve të përcaktuara. "Në të gjithë Shqipërinë janë mbi 2500 raste aktive. Rreth gjysma e tyre janë me simptoma, pra janë duke u ndjekur nga strukturat tona të kujdesit parësor, sipas protokolleve të përcaktuara. Qytetarët që ndiqen në mënyrë ambulatore dhe për ata që kanë nevojë të hospitalizohen, atëherë lidhen direkt me 127 për të garantuar ndjekje të mëtejshme në kushte spitalore", tha Manastirliu. Ministrja e Shëndetësisë theksoi se mjeku i familjes e ka në kohë reale informacionin për çdo qytetar të zonës së tij të mbulimit, që është i prekur nga COVID- 19. "E rëndësishme është që sot realizojmë në mënyrë elektronike kartelizimin e pacientëve, të cilët janë të dyshuar, kanë shenja, kanë simptoma të COVID- 19, apo janë raste të konfirmuara me COVID- 19 dhe terapitë e tyre të mjekimit", u shpreh ministrja. Gjatë vizitës saj në qendrën shëndetësore nr. 10, ku rreth 30 pacientë të konfirmuar me COVID19 po ndiqen nga mjekët e familjes, Manastirliu tha se duhet të vijojë komunikimi dhe informimi me qytetarët për ndjekjen e çdo rasti që konfirmohet me virusin e rrezikshëm. "Numri 0800 400 400 është një linjë e gjelbër, e dedikuar për të gjithë ata qytetarë që kanë nevojë për informacion, që kanë nevojë të dinë kush është mjeku i familjes, që kanë nevojë të kontaktojnë direkt me mjekun e familjes për t'i lehtësuar komunikimin me mjekun dhe sigurisht për të bërë të mundur më pas ndjekjen e tyre kur janë të prekur nga COVID- 19", bëri thirrje Manastirliu.