“Dramë”, Vasili: Korrupsioni dhe kriminalizimi qeveritar bëjnë ligjin në Shqipëri
Nënkryetari
i LSI- së Petrit Vasili, me anë të një statusi në “Facebook” shkruan se shqiptarët braktisin zemrën e ekonomisë së Shqipërisë, Fierin e Elbasanin, për shkak të “rilindjes”. Vasili shprehet se “rilindja” e ka kriminalizuar vendin, duke i detyruar qytetarët që të ikin edhe nga zona që njiheshin si të begata të tilla si Fieri e Elbasani. “Drama! Prej ‘ rilindjes’ shqiptarët braktisin zemrën e ekonomike të Shqipërisë, Fierin dhe Elbasanin! Popullsia e Fierit’ qarkut të dytë të Shqipërisë’ është pakësuar me 1.7% ose afërsisht 50 mijë banorë. Ndërsa Fieri dhe Elbasani kanë më pak se mbi 92 mijë banorë. Çfarë paradoksi në dukje, në qarqe me mundësi ekonomike të jashtëzakonshme si këto. Qytetarët largohen dhe i braktisin. Edhe në vendet më të prapambetura të botës kurrë nuk ndodh që rajonet me mundësi ekonomike të mëdha të zvogëlohen. Kjo ndodh vetëm në Shqipëri, sepse qeverisja e rilindjes asfikson dhe mbyt çdo mundësi rritjeje, mundësi për të bërë biznes dhe për të zhvilluar qarqet sepse korrupsioni dhe kriminalizimi qeveritar bëjnë ligjin. Fieri me mundësi bujqësore, industriale dhe turistike të jashtëzakonshme në vend që të ishte një model ekonomik për të gjithë Shqipërinë, braktiset në masë nga qytetarët. Po e njëjta gjë ndodh në Elbasan, ku në vend të zhvillimit ekonomik, flitet për krimin që ka zaptuar dhe që mbyt çdo perspektivë, ndonëse Elbasani ka një pozicion të lakmueshëm në zemër të Shqipërisë. Kjo braktisje e zemrës ekonomike dhe zhvillimore të Shqipërisë është prova e shkatërrimit ‘ rilindës’. Çdo fjalë e propagandë bëhet pluhur e hi përballë faktit tragjik të braktisjes së këtyre zonave kaq të begata. Lëngata e Fierit dhe Elbasanit do të marrë fund vetëm me largimin e ‘ rilindjes’. Atëherë do të shihni një ripopullim që nuk është parë ndonjëherë, sepse shqiptarët e duan zhvillimin dhe janë shumë të zotë ta realizojnë atë”, - shprehet z. Vasili.