Propozimet e anëtarësisë së PD- së, nga mjekët te shkrimtarët e futbollistët
Procesi mbyllet më 15 shtator, drejtuesit futen pa votim në listën e kandidatëve për deputetë Lista e kandidatëve në qarqe, emrat në sitën e komisionit të vlerësimit
PËRJASHTIMI
Kryetari Basha, Sali Berisha, Bujar Nishani që është kryetar i Këshillit Kombëtar, por edhe sekretari i përgjithshëm Bardhi dhe dy nënkryetarët Spaho dhe Paloka nuk futen në procesin e propozimeve nga baza, pasi pritet që të futen automatikisht në 20% që zgjedh kryesia e PD- së.
ANËTARËSIA
Komisioni bën vlerësimin e çdo kandidati nëse i përmbush apo jo kriteret e parashikuara me detaje në udhëzimin për funksionimin e procesit. Korpusi i njerëzve me influencë, me mbështetje, me aftësi në fusha të ndryshme, që do të përzgjidhen nga komisioni, do t’i shkojnë më pas për votim anëtarësisë së Partisë Demokratike.
Demokratët tashmë kanë përmbyllur fazën e parë të zgjedhjeve brenda PDsë për kandidaturat për deputetë në zgjedhjet e ardhshme parlamentare të 2021- it. Emrat e ish- deputetëve aktualë, analistë, shkrimtarë, mjekë dhe futbollistë janë propozuar nga baza e partisë. Komisioni i seleksionimit i ngritur në Partinë Demokratike ka evidentuar 3600 propozime të bëra nga anëtarësia e PD- së që nga 25 qershori deri më 25 korrik për kandidatë për deputetë dhe kryetarë bashkish. Kryetari Lulzim Basha, Sali Berisha, Bujar Nishani që është kryetar i Këshillit Kombëtar, por edhe sekretari i përgjithshëm Bardhi dhe dy nënkryetarët Spaho dhe Paloka nuk futen në procesin e propozimeve nga baza, pasi pritet që të futen automatikisht në 20% që zgjedh kryesia e PD- së. Komisioni i Vlerësimit të Kandidatëve, i ngritur pranë Partisë Demokratike tashmë ka në tryezë një punë voluminoze, e cila duhet të përmbyllet deri më 15 shtator. Janë më shumë se 5 mijë emra që duhet të kalojnë në filtër, mes tyre edhe shumë figura të reja, të cilat vijnë si propozime nga degët, por që nuk kanë mbajtur më herët pozicione politike në selinë blu. Secili prej tyre duhet të plotësojë një formular të gjatë me 42 pyetje dhe më pas është Komisioni i Vlerësimit që do të fillojë seleksionimin bazuar jo vetëm mbi përgjigjet, por edhe në disa kritere të tjera që lidhen me angazhimin e tyre partiak dhe politik, sa i kanë mbrojtur interesat e PD- së dhe jetëgjatësia e tyre në strukturat partiake.
PROPOZIMET
Tirana, si qarku më i madh në vend, ka edhe një numër të lartë propozimesh. Këtu emrat më të kërkuar në grup- seksione janë zëra të fortë opozitarë si ish- deputetja Jorida Tabaku, ish- deputetja Oriola Pampuri apo Grida Duma. Gjithashtu, emra të propozuar më së shumti janë Halim Kosova, Belind Këlliçi, Aleksandër Biberaj apo Flamur Hoxha, pa lënë mënjanë edhe emra të figurave të tjera politike të Partisë Demokratike si Aldo Bumçi etj.. Në Tiranë ka pasur propozime edhe për emra jashtë politikës si ai i shkrimtares Flutura Açka, studiuesit Aurel Plasari apo futbollistit të Tiranës, Gentian Muça. Edhe në Durrës krahas emrave të figurave të njohura politike të cilët janë propozuar thuajse në çdo seksion si Oerd Bylykbashi dhe Albana Vokshi ka pasur propozime për ish- figura të njohura në këtë forcë politike apo për emra jash
të saj. Në disa grup- seksione është propozuar ish- ministri Gazmend Oketa, publicisti Agim Baçi, apo futbollisti Andi Lila. Edhe shefi i kabinetit të Lulzim Bashës, eksperti i ekonomisë Dorian Teliti është propozuar në Durrës, por edhe në qarqe të tjera. Në Fier janë propozuar ish- deputetët Enkelejd Alibeaj dhe Luan Baçi, ndërsa emër i ri është ai i mjekut dhe drejtuesit të departamentit të Shëndetësisë, Gazmend Koduzi. Po ashtu, janë propozuar Ndriçim Xhyra, Eriselda Prishta, Jakup Beqiri, Ndriçim Bali, Eduart Tashi, Indrit Sefa. Demokratët e
Shkodrës, një qark i madh, kanë sjellë në qendër më shumë se 100 emra. Kritikja e fortë e Bashës, ish- kryetarja e Kuvendit, Jozefina Topalli, mbetet një nga emrat e fortë. Gjithashtu, mbështetje i është dhënë ish- deputetit Helidon Bushati. Por, edhe emra të rinj si Blendi Gjylbegu apo nënkryetarja e përgjithshme e Forumit Rinor, Benardeta Syku. Në listë janë edhe Bardh Spahia, Lorenc Luka, Romeo Gurakuqi, Izmira Ulqinaku, Irma Kopliku, Voltana Ademi ( kandidate
për bashkinë), Xhemal Bushati, Irena Shatari, Ervis Krymi, Emiljan Pjetri, Imeldi Sokoli dhe Blendi Gjylbegu. Në Elbasan krahas emrave fitues në listën e 2017- ës të ish- deputetëve Edmond Spaho, Luçiano Boçi apo Endri Hasa, janë propozuar emrat e mjekes Zheni Gjergji, analistit Fitim Zekthi, pedagogut të sporteve Edmond Biçoku, ndërsa Aurel Bylykbashi shihet si emër për të drejtuar bashkinë. Demokratët e Vlorës kanë rikthyer Bujar Leskajn, i cili muaj më parë la detyrën e kryetarit të Kontrollit të Lartë të Shtetit, ndërsa në grup- seksionet ku pjesë ka anëtarë të komunitetit çam, propozohet ish- deputeti Dashamir Tahiri, Agron Shehaj, Nada Meçorapaj, Edmond Fetahu, Nada Daullja, Lorenc Danaj, Alta Hazizi. Në Dibër ish- deputetja Dhurata Çupi dhe Kreshnik Çollaku kanë marrë një numër të lartë propozimesh. Gjithashtu, në këtë qark janë propozuar edhe Ilir Krosi, Xhemal Gjunkshi, Naim Gazidede, Roland Keta, Luan Haka ( kandidat për bashkinë). Kurse në qarkun e Kukësit janë propozuar sërish ish- deputetët Flamur Noka, Isuf Çela dhe Besnik Dushaj. Propozimet më të shumta në qarkun e Lezhës kanë qenë për ish- kreun e bashkisë, Fran Frrokaj, por të propozuar janë edhe Mark Marku dhe Agron Gjekmarkaj. Demokratët e Gjirokastrës krahas ish- deputetëve të listës së vitit 2017ës, kanë propozuar këshilltarin e Presidentit Ilir Meta, Ylli Asllani. Në këtë qark kërkohet kandidimi i Arben Ristanit, Dashamir Alikos dhe Tritan Shehut. Të propozuar janë Roland Bejko, Arben Kashahu, Genc Ruli, Ivi Kaso, Niko Shupuli ( kandidat për Bashkinë Përmet) është edhe shkrimtari Bardhyl Londo. Në Korçë propozimet më së shumti janë fokusuar tek emrat e listës së 2017- ës, ndërsa disa demokratë të Devollit kërkojnë rikthimin e Ridvan Bodes, i cili aktualisht është anëtar i mbikëqyrjes në Bankën e Shqipërisë. Po ashtu, demokratët e Korçës kanë propozuar edhe ish- deputetët Edmond Spaho, Ervin Salianji, apo ish- kreun e këshilltarëve demokratë në Bashkinë e Tiranës, Leonard Olli. Në Krujë janë propozuar Ndriçim Babasi, Aulon Kalaja, Vullnet Topalli, Agron Loka. Në Berat janë propozuar emrat e Eduart Halimit, Juvina Qejvanit dhe Namir Lapardhaja. Në Sarandë janë propozuar Liljana Elmazi, Leonard Demi apo Besnik Aliaj, Lina Vaso, Arben Guga, Gentjan Zera e Armando Magllara.