Meta pret mjekët italianë: Shkëmbimi i eksperiencave, i domosdoshëm kundër COVID- 19

Ambasada italiane falënderon presidentin: COVID, një sfidë botërore për t’u fituar bashkë “Solidaritet vëllazëror, nuk do ta harrojmë kurrë”

Presidenti i Republikës, Ilir Meta, priti dje në një takim të përzemërt ekipin e mjekëve dhe infermierëve të ardhur nga Italia për të trajnuar strukturat tona shëndetësore, me qëllim arritjen e rezultateve më efektive në luftën me pandeminë e rrezikshme COVID- 19. Meta pasi u njoh me asistencën konkrete të ofruar prej tyre për stafet mjekësore të spitaleve COVID 1, COVID 2 dhe spitalin e Shkodrës, theksoi se shkëmbimi i eksperiencave dhe thellimi i mëtejshëm i bashkëpunimit dypalësh kundër pandemisë, kësaj sfide të përbashkët, është mëse i domosdoshëm, me qëllim rikthimin sa më parë në normalitet. Kreu i shtetit gjithashtu e falënderoi me mirënjohje ekipin e mjekëve dhe infermierëve italianë për ndihmën tepër të vlefshme dhe bujare të ofruar në këto momente të vështira dhe u shpreh se, “shqiptarët nuk do t’i harrojnë kurrë sakrificat dhe këtë solidaritet vëllazëror, që e forcon edhe më shumë marrëdhënien e shkëlqyer midis dy vendeve e popujve tanë”. Në këtë takim ishte i pranishëm edhe ambasadori i Republikës së Italisë në Tiranë, Fabrizio Buçi. Ambasada italiane në vendin tonë e falënderoi Presidentin Ilir Meta për pritjen e mjekëve dhe infermierëve italianë të ardhur në Shqipëri. Presidenti Meta gjatë takimit me skuadrën italiane theksoi se shkëmbimi i eksperiencave dhe thellimi i mëtejshëm i bashkëpunimit dypalësh kundër kësaj sfide të përbashkët është mëse i domosdoshëm. “Faleminderit Presidentit Ilir Meta për pritjen e mrekullueshme që i rezervoi skuadrës së mjekëve e infermierëve italianë të ardhur në Shqipëri! Ajo ndaj COVID është një sfidë botërore për t’u fituar bashkë”, shkruan ambasada italiane. Dy ditë më parë Presidenti Ilir Meta u bëri thirrje autoriteteve shëndetësore të kërkojnë ndihmë nga Italia për vënien në zbatim të protokollit për aplikimin e plazmës në trajtimin e pacientëve të infektuar me koronavirus. Sipas tij, kjo do të mundësonte një aplikim të suksesshëm dhe zbatim strikt të këtij protokolli dhe do të evitonte edhe pasaktësitë dhe pasiguritë e vënies së saj në praktikë. “Nisur nga informacionet përgjithësisht pozitive lidhur me terapinë me plazmë hiperimune ( konvaleshente) dhe për shkak se

KOÇO KOKËDHIMA

Kreu i partisë “Zgjidhja”, Koço Kokëdhima, u është drejtuar me një letër diplomatëve të huaj në Tiranë. “Shqipëria është ndër vendet më të varfra të Evropës, sepse qeveriset nga një kastë e korruptuar politike dhe braktiset përditë nga shtetasit e saj, që nuk shohin shpresë për ndryshim”, shprehet Kokëdhima.

aplikimi i saj ka rezultuar mjaft i dobishëm për pacientët me COVID- 19, inkurajoj të ecet sa më shpejt me këtë terapi, duke siguruar së pari të gjitha aparaturat që bëjnë të mundur aplikimin e saj. Në këtë situatë është shumë e rëndësishme të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli. Kjo do të mundësonte jo vetëm një aplikim të suksesshëm dhe zbatim strikt dhe shkencor të këtij protokolli, por edhe do të evitonte çdo lloj pasaktësie e pasigurie, që mund të verifikohet në praktikë”, shkruan Meta.