“Rama me pushime”, Strazimiri: Situatë alarmante nga COVID- i, vdekjet janë 5- fishuar
Për
ish- deputetin e PD- së, Gent Strazimiri, ndryshe nga vendet e tjera, në Shqipëri nuk po merren masa përsa i përket pandemisë së COVID- 19. Strazimiri shprehet se edhe pse në vend vdekjet janë 5- fishuar e bizneset po falimentojnë, kryeministri Rama është me pushime. Sipas tij, nuk ka pasur asnjë shkurtim shpenzimesh për PPP dhe asnjë ndihmë lidhur me këtë situate. Strazimiri krahasoi strategjitë që ka ndërmarrë Europa në përballimin e pandemisë së COVID- 19 me ato që po bën vendi ynë. Sipas Strazimirit, në Shqipëri rastet janë 5fishuar dhe nuk ka asnjë shkurtim shpenzimesh për PPP e asnjë ndihmë as edhe indirekte nga qeveria. “Megjithëse numri i rasteve COVID është nën kontroll dhe vdekjet kanë rënë, Evropa zien nga debati se me nga sa miliarda euro dhe cila shtresë apo cili biznes duhet ndihmuar më shumë… Sa duhet të jetë ulja e taksave dhe ndaj cilit biznes apo shtresë… Mbulimi i shpenzimeve fikse të bizneseve duhet të jetë 75%, 85% apo 100%… Cilat shpenzime dhe deri në çfarë mase duhet të shkurtojnë qeveritë për të përballuar situatën dhe me ç’shumë do të kontribuojë BE- ja për të arritur maksimumin… Qeveritë e kryeministrat janë në kulmin e punës! Këto janë lajmet në secilin prej vendeve të njerëzillëkut! Në Shqipëri ku rastet janë 5- fishuar vdekjet, janë jashtë kontrollit, bizneset falimentojnë çdo ditë: asnjë shkurtim shpenzimesh për PPP dhe koncesione… Koncesione e PPP të reja për rrugë e tunele që s’i duhen askujt… Asnjë ndihmë as edhe indirekte nga qeveria madje as debat mediatik mbi situatën… I vetmi lajm është se kryeministri është me pushime?”, - shprehet Strazimiri.