MEDIA IZRAELITE: Sipërmarrësi Avraham Rinot vlerësohet me titull nderi nga universiteti "Luarasi"
Media izraelite "News1. co. il" i ka kushtuar një ar tikull vlerësimit të profesorit izraelit, Avraham Rinot nga universiteti "Luarasi" në Shqipëri me titullin "Doctor Honoris Causa". Media shkruan se titulli iu dha Rinot për "një kontribut të rëndësishëm në zhvillimin e marrëdhënieve miqësore midis Shqipërisë dhe Izraelit dhe forcimin e marrëdhënieve ekonomike dhe tregtare midis sipërmarrësve shqiptarë dhe izraelitë, që promovojnë imazhin e Shqipërisë në Izrael". "Universiteti ' Luarasi' në Shqipëri dha një doktoratë nderi për sipërmarrësin dhe biznesmenin Avraham Rinot. Titulli iu dha Rinot në një ceremoni të zhvilluar në Tel Aviv, në prani të presidentit të universitetit, Irfan Hysenbelliut dhe ambasadorit të Shqipërisë në Izrael, dr. Bardhyl Canajt", shkruan media izraelite. Rinot u emërua konsull i Republikës së Shqipërisë në Izrael në vitin 2013. Ai ka qenë i përfshirë në promovimin e marrëdhënieve shqiptare me shtetin e Izraelit dhe komunitetin e biznesit në Izrael. Rinot, një nënkolonel në rezervë, është i njohur si një sipërmarrës dhe biznesmen në shumë fusha. Një nga më të rëndësishmet prej tyre, fusha e sigurimit. Rinot mori përsipër kompaninë e sigurimeve "Ararat" në 1976- ën, në prag falimentimi dhe e bëri këtë kompani një nga drejtueset në këtë industri. Rinot e prezantoi "Ararat" me metodat moderne të punës, filloi planet e reja të sigurimit, i bindi moshavim dhe kibbutzim të transferoheshin në "Ararat" dhe kështu arriti ta bënte "Ararat" një nga dominueset në tregun e sigurimeve në Izrael. "Ararat" u tërhoq në 1989- ën. Në 1994- ën ai themeloi kompaninë e sigurimeve "Elite". Në vitin 2000 edhe kjo iu shit kompanisë së sigurimeve "Clal". Nga shitja e pjesës së tij të "Ararat", Rinot e zgjeroi biznesin e tij në sektorë të tjerë, këto përfshijnë: pasuri të paluajtshme jashtë shtetit, tregti, industri, strehim, zhvillim dhe shërbime. Disa nga ndërmarrjet menaxhohen nga djemtë e tij.