"Një filtër i BE- së kundër terrorizmit", Rama: Nuk ka kthim pas të vizave
Kthimi? Kryeministri: Predikohet nga ata që duan të përhapin erën e pusetës dixhitale në Lalëz "Prapaskenat, përse u takova me presidentin e Azerbajxhanit"
Kryeministri Edi Rama shprehet i bindur se në Shqipëri nuk do të kthehet regjimi i vizave. Rama sqaroi dje, se Bashkimi Evropian ka prezantuar një masë të re për shtetasit shqiptarë që duan të lëvizin drejt vendeve të zonës Shengen. Në një konferencë për mediat, kreu i qeverisë theksoi se nuk bëhet fjalë për rikthim të vizave, por për një aplikim online nga banorët e vendeve që s'kanë nevojë për vizë. Ai theksoi se është një filtër në funksion të politikës së sigurisë të BE- së kundër terrorizmit dhe krimit të organizuar. Gjatë bashkëbisedimit me gazetarët, Edi Rama deklaroi se BE- ja synon të vendosë një sistem sigurie për vendet që mund të hyjnë në vendet europiane pa vizë. Kjo lëvizje, sipas Ramës bëhet si filtër në kuadër të sigurisë së BE- së kundër terrorizmit dhe krimit të organizuar. "Ka që në 2016- ën që flitej për këtë. Gjithsesi nuk bëhet fjalë për një kthim pas, por për një sistem sigurie të BE- së për të gjitha shtetet joanëtare të BE- së, qytetarët e të cilave duan të hyjnë në vendet e BE- së dhe nuk kanë vizë. S'ka lidhje fare me qytetarët që nuk kanë kartelë kriminale të regjistruar si person i lidhur me terrorizmin, krimin e organizuar etj. Është e gjitha për shtetet që nuk kanë nevojë për viza për të hyrë në BE. Nuk është kthim mbrapa te viza, siç me siguri do të predikohet nga gjithë ata që duan të përhapin erën e pusetës digjitale në Gjirin e Lalëzit. Është një masë që prite se kur do bëhet. Për shembull, Turqia ka nevojë për vizë për të hyrë në vendet europiane dhe nuk u kërkohet kjo. Është
SIGURIA
"Ka që në 2016- ën që flitet, s'bëhet fjalë për kthim pas! Është një sistem sigurie në BE, për të gjitha shtetet joanëtare të BE- së, qytetarët e të cilave duan të hyjnë në BE dhe s'kanë nevojë për vizë. Jemi në një shoqëri që s'ka të sharë, me amerikanët, britanikët, japonezët, që sipas këtij sistemi ETIAS, duhet që, para se të nisen për në BE të bëjnë një aplikim online, dhe aplikimi s'është për vizë", - tha z. Rama.
DEKLARATA
"E gjitha për shtetet që nuk kanë nevojë për viza për të hyrë në BE, nuk është kthim prapa te vizat, siç me siguri do të predikohet nga të gjithë ata që duan të përhapin erën e pusetës dixhitale në Gjirin e Lalëzit. Është masë që prite se kur do të bëhet. Kjo është për ata që nuk kanë nevojë për vizë", - deklaroi z. Rama.
thjesht një filtër në kuadër të sigurisë së BE- së kundër terrorizmit dhe krimit të organizuar", - theksoi z. Rama.
GREVA
Kryeministri Edi Rama foli dje para gazetarëve edhe për situatën në rafinerinë e Ballshit. Ai u shpreh se kompania private është privatizuar në mënyrë kriminale. Kreu i qeverisë u shpreh se gjatë gjithë viteve në qeveri, ka bërë maksimumin që puna të vazhdojë normalisht. Për këtë ai është takuar edhe me Presidentin e Azerbajxhanit. Së shpejti, Rama tha se pritet të marrë informacion në lidhje me kompaninë e përfshirë. "Sa u përket naftëtarëve, ajo është një kompani private, një kompani e privatizuar në mënyrë kriminale, dhe
janë pasojat e një procesi privatizimi kriminal, ku ne, dhe unë personalisht, jemi përfshirë në mënyrë të vazhdueshme për të lehtësuar dhe për të ndihmuar dhe mbështetur ata njerëz që janë aty, duke bërë llojlloj akrobacish, lloj- lloj lutjesh nga më të habitshmet. Do të shkruaja një libër për çfarë kemi bërë dhe çfarë kam bërë personalisht në gjithë këto vite që ajo ndërmarrje të mund të vazhdojë normalisht. Jo më larg se pak javë më parë kam vajtur enkas të takoj Presidentin e Azerbajxhanit për të folur për këtë temë. Edhe sot pasdite do të marrim informacion se çfarë të reje ka në këtë drejtim me kompaninë që presupozohej që, pasi fitoi një garë për të marrë atë krudin, do të hynte në procesin e ndezjes së rafinerisë", - theksoi z. Rama. Kreu i qeverisë u shpreh se greva e urisë nuk është mjeti i duhur për të sensibilizuar atë vetë, pasi është "ultra i sensibilizuar" për problemet në rafinerinë e Ballshit. Rama përmendi se aktualisht qeveria është në fazën e kërkimit të zgjidhjes, dhe jo mbylljes së rafinerisë. "Çfarë kemi ndihmuar? Sa kemi mundur, por për të na fajësuar dhe për të thënë që ne jemi përgjegjës për këtë është e tepërt. Do të bëjmë çmos, por është një ndërmarrje që është qysh në krye të herës; nëse kishte një arsye për ta privatizuar ishte për ta rimëkëmbur përmes investimeve. Privatizimi ishte kriminal, dhe në atë ndërmarrje asnjëherë nuk u bënë investime serioze që do të mund ta ripërtërinin të gjithë strukturën. Ajo rafineri është keqshfrytëzuar në vijim. Jam shumë i shqetësuar, por pa diskutim e rëndësishme është të bëjmë diçka. Më vjen shumë keq për njerëzit atje, pa pikë dyshimi! Jam gjatë gjithë kohës i informuar, por nuk mendoj se ka nevojë për greva urie për të më sensibilizuar mua, sepse jam ultra i sensibilizuar për atë rafineri dhe grevat e urisë bëhen kur nuk dëgjohet njeri. Ne i kemi ndjekur në vijimësi, kontaktet kanë qenë të vazhdueshme, por problemi i asaj rafinerie është në thelb. Ajo rafineri do një investim të madh për t'u rimëkëmbur për të funksionuar në plan afatgjatë. Ose do një politikë, që ne po bashkëpunojmë me BE- në që të mbajmë një ekuilibër në kohë të amortizimit social të punonjësve, ndërkohë që rafineria mbyllet përfundimisht. Por nuk jemi në këtë fazë, në opsionin e mbylljes, por jemi në fazën e opsionit të kërkimit", - theksoi z. Rama.