"S'duam që vendi t'i rikthehet izolimit", Rama: Maskat edhe në rrugë, e vetmja zgjidhje
Amnistia fiskale, kryeministri: Drafti po konsultohet me ndërkombëtarët, së shpejti në Kuvend "Të ndalim infektimin masiv, pasojat do të ishin të rënda"
Qeveria nuk do të tërhiqet nga am nistia fiskale, madje do ta paraqesë për miratim në parlament pas ndërhyrjeve të nevojshme në draft, bazuar në vërejtjet e institucioneve financiare ndërkombëtare. Në përgjigje të pyetjeve të një emigranti të kthyer nga Italia në Shkodër, kryeministri Edi Rama njoftoi se drafti po i nënshtrohet konsulencës së nevojshme. "Sa i përket amnistisë fiskale jemi në proces, po punojmë ngushtësisht me ekspertizë ndërkombëtare, me institucione financiare ndërkombëtare, sepse jam i bindur se njerëz si ti që kanë kursime në emigracion, për më tepër atyre që kthehen në Shqipëri, por dhe ata që nuk kthehen, por duan të formalizojnë të ardhurat e tyre, duhet t'u japim mundësinë e amnistisë fiskale", - deklaroi z. Rama. Drafti i qeverisë që shkaktoi debate dhe reagime të forta nga opozita, u tërhoq pas mendimit kritik që dhanë Fondi Monetar Ndërkombëtar, Banka Botërore dhe institucione të tjera me ekspertizë financiare, ndërkohë që kryeministri premtoi se ligji në fjalë do të bëhet realitet pa humbur shumë kohë. "Durim se punët e mira duan kohën, mundin dhe durimin e domosdoshëm. Ki besim se më shpejt se vonë edhe këtë instrument do ta kesh në dispozicion t'i dhe gjithë shqiptarët e mirë me punën shkojnë përpara", - theksoi kryeministri.
MASAT
Pavarësisht reagimeve që ka ngjallur vendimi për bërjen e maskave të detyrueshme edhe në rrugë, kryeministri Edi Rama mendon se kjo dhe të gjitha masat e ndërmarra janë e vetmja rrugë që vendi të mos i rikthehet mbylljes totale." Të
BELIND KËLLIÇI
"Sa herë që Edi Ramës i duhet të japë llogari për premtimet për 300 mijë vende pune, për shëndetësi falas, për taksim të ndershëm, për legalizime falas, për rritje të pagave për mësuesit dhe mjekët dhe për biznesin e vogël ai nxjerr vemjen e bashkisë të mashtrojë dhe shpifë me shpresën se qytetarët do të harrojnë varfërinë dhe hallet. Por ç'e do që studentët e dinë se duhet të paguajnë tarifa më të larta sivjet dhe buxheti i familjes u është varfëruar".
vendosim maskën, që nga e enjtja do të jetë e detyrueshme në mënyrë që largqoftë të mos detyrohemi të mbyllemi përsëri. Për të mbrojtur tani këtë që kemi arritur, është shumë e rëndësishme të zmbrapsim rrezikun e një infektimi masiv që mund të na çojë në një mbyllje sepse aty do të jetë shumë e rëndë", - tha Rama. Prej disa ditësh Rama ka nisur një formë të re komunikimi me ndjekësit e tij në rrjetet sociale e në përgjigje të interesit të tyre ai ripërsërit se shumë shpejt drafti i amnistisë fiskale do të jetë në parlament. "Po punojmë ngushtësisht me ekspertizë ndërkombëtare, me institucione financiare ndërkombëtare, sepse unë jam i bindur që njerëzve si ti që kanë kurimet e tyre nga jeta në emigracion duhet t'u japim mundësinë e amnistisë
fiskale", z. Rama.
IZOLIMI?
Kryeministri Edi Rama iu përgjigj dje pyetjeve të qytetarëve për çështje të ndryshme. Një ndër to ishte edhe ajo për biznesin e vogël se si mund t'i vihet në ndihmë pasi situata e koronavirusit do të vazhdojë dhe mund të përkeqësohet në të ardhmen. Kryeministri Edi Rama u shpreh se qeveria ka hequr të gjitha taksat ndërkohë që po punon edhe për heqjen e kontrolleve tek këto biznese. Megjithatë Rama e vuri theksin tek respektimi i masave anti- Covid dhe tek vendosja e maskave edhe në ambiente të hapura nga e enjtja. Kreu i ekzekutivit u shpreh se një mbyllje e dytë do të ishte e rëndë për të gjithë prandaj duhet zmbrapsur rreziku duke respektuar rregullat. "Miku im taksat zero, TVSH zero, pagën e luftës e dhamë në
atë moment kur ishit të mbyllur. Nuk e di se çfarë mund të bëjë akoma qeveria për ju ndërkohë që ju dhe të gjithë së bashku kemi në dorë të bëjmë diçka të madhe që të respektojmë rregullat dhe të vendosim maskën që nga e enjtja, do të jetë e detyrueshme në mënyrë që largqoftë të mos detyrohemi të mbyllemi përsëri. Për të mbrojtur tani këtë që kemi arritur duke zeruar plotësisht detyrimet tuaja ndaj shtetit madje po punojmë për zerimin e të gjitha llojeve të kontrolleve që të mos keni asnjë shqetësim dhe të jeni njerëz të lirë në punën tuaj dhe gjithçka që fitoni ta çoni në shtëpinë tuaj është shumë e rëndësishme të zmbrapsim rrezikun e një infektimi masiv që mund të na çojë në një mbyllje, sepse aty do të jetë shumë e rëndë jo vetëm për biznesin e vogël, por për të gjithë",- theksoi z. Rama.