Basha thirrje qeverisë: Sistemi shëndetësor në kolaps, përgjegjësi personale e Ramës
Të gjithë me maska nga e enjtja, Rama: Masa të merret seriozisht nga qytetarët "Nuk ka asnjë masë dhe plan, kjo është për ndjekje penale"
Lideri i opozitës, Lul zim Basha i kërkoi dje kryeministrit Edi Rama të marrë masa, pasi spitalet COVID janë plot me pacientë të infektuar dhe duhet parandaluar rritja tjetër e frikshme e kurbës së infeksionit. Në një bashkëbisedim me gazetarët, Basha tha se sistemi shëndetësor është në kolaps, teksa kërkoi që numri i testimeve të shkojë në 2500 në ditë. Lideri i opozitës gjatë bashkëbisedimit me gazetarët përcolli një mesazh për ekspertët që punojnë pranë qeverisë, që të ngrenë zërin para se të jetë vonë. "Dua të përsëris sot kërkesën për ata profesionistë që punojnë akoma për këtë qeveri të korruptuar e këtë palaço kryeministër, të ngrenë zërin siç e ngrenë kolegët e të kërkojnë urgjent nisjen e protokollit të parë para se të shtohet numri i viktimave, të vdekurve, të infektuarve. U bëj thirrje edhe mjekëve dhe ekspertëve që kanë vënë fytyrën e tij si garanci, të mos heshtin, ndryshe janë bashkëpunëtorë". "Çfarë po bëhet me ' COVID 3'? Keni xhiruar? S'ka asnjë investim, s'ka ' COVID 3', vetëm propagandë, ndërkohë numri total i të infektuarve krahasuar me 10 ditë para është rritur me 30%. Paralajmërimi se sistemi shëndetësor po shkon drejt një kolapsi tashmë po ndodh. Tashmë që flasim, kolapsi i sistemit shëndetësor është realitet,
RAPORTIMI
"Hapi i parë është zgjerimi i korpusit që do të përballet me COVID, angazhimi i spitaleve rajonale dhe i personelit. Numri i të infektuarve është më i lartë se ai që po raportohet, po rritet shumë më shpejt sesa ajo që raportohet. Kjo është përgjegjësi e Ramës", - tha z. Basha.
nuk është më paralajmërim, si ai që kemi bërë para 3 muajsh, të prezantimit të planit tonë", - deklaroi z. Basha. Lideri i opozitës në fjalën e tij theksoi se vaksina e siguruar nga qeveria është e pamjaftueshme, ndaj duhet të merren masat dhe të sigurohet sasia e duhur për të gjithë popullatën, dhe jo vetëm për kategori të caktuara. "I vetmi që s'ka marrë asnjë masë për këtë situatë që na ka trokitur në derë është Rama. I është kthyer ritualit e dërdëllitjeve në TV, por për COVID ka vetëm një fjalë: vini maskën. Maskën që 1 në 3 shqiptarë s'ka lekë ta pagua
jë se ose është pa punë, ose s'ka lekë ta përballojë. Ka njoftuar paketën e tretë; s'ka paketë të tretë. Mbi të gjitha ka braktisur shëndetësinë, mjekët e infermierët, detyrën elementare për të mbrojtur jetën dhe shëndetin e qytetarëve. Kjo është neglizhencë kriminale, është për ndjekje penale. Do ketë kohë e s'do ketë gjyqtarë e prokurorë që t'u bëjë presion Edi Rama. Të lërë gërr- vërret, dërdëllitjet e bredhjet si Robert Çamçakëzi e të marrë urgjent masa për shëndetësinë. Të arrihet urgjentisht në 2500 testime në ditë, për t'i paraprirë situatës ku ndodhemi përpara
një rritjeje tjetër të frikshme të kurbës së infeksionit. Kjo është përgjegjësi personale e Ramës dhe kukullave të tij", - deklaroi z. Basha.
Kryeministri Edi Rama foli dje sërish për vendimin e maskave si të detyrueshme nga e enjtja. "Shpresoj që kjo masë të merret shumë seriozisht nga të gjithë qytetarët tanë, sepse realisht i takon çdo individi të bëjë detyrën e vet të vogël për të shmangur të keqen më të madhe, që do të ishte një mbyllje tjetër e përgjithshme në rastin e daljes jashtë kontrollit të këtij virusi të pabesë", - tha z. Rama.