Zbulohet skandali në KLGJ, Alban Toro u zgjodh anëtar në shkelje të ligjit
Duhej të kishte një eksperiencë të paktën 10- vjeçare pa ndërprerje si avokat, por aktiviteti i tij është pezulluar tri herë
TIRANE
- Zgjedhja e Al ban Toros si anëtar i Këshillit të Lartë Gjyqësor në vitin 2018 është bërë në shkelje të ligjit për ngritjen e KLGJ- së. Alban Toro është një nga 11 anëtarët e KLGJ- së, i cili vjen nga radhët e avokatisë. Si i tillë, ai duhej të mbante mbi supe një eksperiencë të paktën 10- vjeçare pa ndërprerje si avokat, kriter të cilin Alban Toro nuk e përmbush. Bazuar në nenin 19, germa "d", të Ligjit Nr. 115/ 2016, anëtarët e KLGJ- së që vijnë nga avokatia duhet të kenë 15 vjet përvojë pune në profesion si jurist, nga të cilat të paktën 10 vitet e fundit të kenë ushtruar profesionin e avokatit pa ndërprerje.
Ligji nuk specifikon kriteret e vlerësimit të juristëve të spikatur, por ajo që mund të vërtetohet me lehtësi është fakti se gjatë periudhës 2010- 2018, Alban Toro e ka pezulluar tri herë aktivitetin e tij si avokat. Këto janë të dhëna të regjistruara në Qendrën Kombëtare të Biznesit. Konkretisht rezulton se Toro është regjistruar në QKB për të ushtruar profesionin si avokat në datën 16 nëntor 2007.
Duke iu referuar të dhënave të Qendrës Kombëtare të Biznesit, rezulton se Alban Toro nga data 2 mars 2010 deri në datën 20 shtator 2011 e ka pezulluar ushtrimin e aktivitetit si avokat për afro 1 vit e gjysmë. Më pas, ai e ka ushtruar profesionin nga data 20 shtator 2011 deri në datën 27 shkurt 2018.
Por aktiviteti ka rinisur brenda 2 muajsh, për t'u pezulluar sërish në 21 dhjetor 2018, kohë kur mori detyrën si anëtar i KLGJsë me mandat 5- vjeçar, i vlefshëm deri në dhjetor 2023. Në biografinë e publikuar në faqen zyrtare të KLGJsë, nuk jepen detaje të ushtrimit të aktivitetit si avokat. Në faqe jepen të dhëna të vakëta, duke përmendur vetëm faktin se Alban Toro ka punuar rreth 20 vjet avokat, si dhe jurist në Drejtorinë e Sigurimit të Depozitave.
Nisur nga këto fakte zyrtare që gjenden në QKB, Alban Toro duhej të ishte skualifikuar nga gara për anëtar i KLGJ- së, pasi të dhënat vërtetojnë faktin se eksperienca e tij si avokat është ndërprerë disa herë në 10- vjeçarin e fundit.