Kredia e ekspozuar ndaj kursit të këmbimit ka rënë në 1 miliard euro

dhënies së këtij lloji, banka qendrore prej një dekade iu ka vendosur bankave kërkesa më të larta për mbulimin e tyre me kapital. Kredia e pambrojtur ndaj rrezikut të kursit të këmbimit është në rënie të qëndrueshme gjatë viteve të fundit. Në mesin e këtij viti, ajo përbënte rreth 21% të portofolit të kredisë bankare, ndërsa një vit më parë përbënte rreth 25% të totalit. Rënia ka ardhur kryesisht për shkak të rritjes së peshës së kreditimit në lekë gjatë viteve të fundit. Motivimi kryesor që ka shtyrë huamarrësit për të marrë kredi në euro historikisht kanë qenë normat më tërheqëse të interesit. Por, në vitet e fundit diferenca e normave të interesit mes euros dhe lekut është ngushtuar ndjeshëm, duke bërë që më shumë familje dhe biznese të zgjedhin huamarrjen në lekë, për të shmangur rrezikun e kursit të këmbimit. Qëllimi kryesor i dhënies së kredive në euro në sistemin bankar shqiptar është blerja e pasurive të paluajtshme, si nga bizneset, ashtu edhe nga individët. Kredia e pambrojtur e dhënë për investime në pasuri të paluajtshme vijon të mbajë peshën kryesore të totalit të kredisë së pambrojtur në valutë, me 54% të totalit. E dyta për nga madhësia është kredia për tregti, me 26%. Pjesa tjetër e kredisë së pambrojtur në valutë është dhënë për zhvillim biznesi, konsum dhe qëllime të tjera.

Luhatjet në kursin e këmbimit mund të ndikojnë ndjeshëm aftësinë e huamarrësve për të paguar kredinë, në rastin kur kjo e fundit është në një monedhë të ndryshme nga të ardhurat e tyre. Megjithëse në vitet e fundit luhatjet e kursit kanë qenë në favor të mbiçmimit të lekut, duke favorizuar huamarrësit në valutë, Shqipëria adopton një regjim të lirë të kursit të këmbimit dhe ecuria e tij në periudha të gjata është e pamundur për t'u parashikuar.