Afera e inceneratorëve, Basha: Rama do sakrifikojë kryebashkiaken e Durrësit
“Përballeni palaçon me premtimet”, kreu i PD- së: Rama i dha 75 milionë euro mafies së plehrave "Kryeministri do e zëvendësojë me Milva Ekonomin sepse Sako nuk firmosi"
Lulzim Basha denoncoi dje atë që e quan aferë të madhe korruptive me inceneratorët. Lideri i opozitës foli për një plan të mirëmenduar nga ana e kryeministrit, ku paralajmëroi largimin e kryetares në detyrë të Bashkisë së Durrësit, Emiriana Sako dhe zëvendësimin e saj me atë të deputetes Milva Ekonomi. Basha deklaroi gjatë një bashkëbisedimi me gazetarët, se Rama edhe në kohë krize nuk heq dorë nga korrupsioni, ndërsa zbardhi një skemë, ku pretendohet se i është kërkuar Milva Ekonomit të japë dorëheqjen nga mandati i deputetit dhe ta emërojë si kryetare të Bashkisë së Durrësit për të firmosur miliona euro për inceneratorët. "Për incinerator po bëhet gati ta shkarkojë për herë të pestë apo të gjashtë kryetarin e Bashkisë së Durrësit. Që nuk pranon zonja, që s'ia dimë emrin, se s'kemi si ia dimë emrin kur i ndërrojnë më shpesh sesa shefat e Kadastrës të Vlorës, nuk pranon të firmosë një aferë qindra milionë për të çuar lekë tek inceneratori i Tiranës. Dhe po bëjnë gati Milva Ekonomin që të japë dorëheqjen nga deputete e të komandohet atje, që të firmosë shkresën e të vjedhin paratë prapë me inceneratorët", - deklaroi Lulzim Basha. Aktualisht kryetare e bashkisë për qytetin e Durrësit është Emiriana Sako.
HETIMI
Kreu i PD- së i bëri thirrje prokurorisë të nisë hetimet për kryeministrin Edi Rama, duke theksuar se ai ka shpërdoruar detyrën, duke e lënë vendin në mëshirë të fatit përballë një krize të rëndë ekonomike dhe sociale. "T'i kujtojmë Robert Çamçakëzit që fati i keq na i ka vënë në qafë edhe për disa javë apo muaj. Detyrat dhe përgjegjësitë që ka para shqiptarëve dhe t'i kujtojmë shqiptarëve se çdo dhimbje dhe vuajtje shtesë në këtë kohë nuk vjen thjesht dhe vetëm për shkak të pandemisë, por për shkak
SKENARI
"Për inceneratorët po bëhet gati ta shkarkojë për herë të pestë apo të gjashtë kryetarin e Bashkisë së Durrësit. Se nuk pranon, që s'ia dimë emrin, se s'kemi si t'ia dimë emrin se i ndërrojnë më shpesh sesa shefat e Kadastrës së Vlorës, nuk pranon të firmosë një aferë qindra milionëshe për të çuar lekë tek inceneratori i Tiranës. Dhe po bëjnë gati Milva Ekonomin që të japë dorëheqjen nga deputete e të komandohet atje, që të firmosë shkresën e të vjedhin paratë prapë me inceneratorët", - tha z. Basha.
AKUZA
"75 milionë euro për mafien e plehrave ka paguar Edi Rama nga lekët e shqiptarëve. Asnjë kacidhe për 100 mijë të papunë, për pensionistët, për mjekët dhe infermierët, për sipërmarrjen drejt kolapsit. Boll me vjedhje e me kakarisje gënjeshtrash dalë boje. Zbato planin me 5 pika! Tani!" - deklaroi z. Basha.
se Edi Rama i ka braktisur", - deklaroi z. Basha. Lideri i opozitës komentoi edhe programin ekonomik të PS- së, duke theksuar se Rama po riciklon ato që premtoi në vitin 2013 dhe nuk i mbajti kurrë. "I vetmi gomar që fluturon me paratë e oligarkëve dhe nuk ndihmon njerëzit, e dini fare mirë se kush është. Shqiptarët nuk besojnë se gomari fluturon, shqiptarët kanë nevojë për ndihmë sot. Pyetja është: çfarë masash ke marrë sot për shëndetësinë? Jo ' prit gomar të mbijë bar'", - u shpreh kreu i PDsë.
THIRRJA
Kryetari i opozitës i kërkoi kryeministrit Rama të adaptojë pa humbur kohë planin me 5 pika për të shpëtuar vendin nga kriza. Lulzim Basha përsëriti edhe një herë planin me 5 pika antikrizë që PD ka përgatitur dhe këmbëngul që qeveria "Rama" ta zbatojë. "75 milionë euro për mafien e plehrave ka paguar Edi Rama nga lekët e shqiptarëve. Asnjë kacidhe për 100 mijë të papunë, për pensionistët, për mjekët dhe infermierët, për sipërmarrjen drejt kolapsit. Boll me vjedhje e me kakarisje gënjeshtrash dalë boje. Zbato planin me 5 pika! Tani!" - theksoi z. Basha. Lideri demokrat përmendi se në këtë situatë detyra e qeverisë është të gjurmojë kontaktet, të bëjë më shumë testime dhe jo të kërcënojë me gjoba. "Të bëjë 2500 testime në ditë minimumi. Gjurmimi i kontakteve të infektuara dhe izolimi i tyre, kjo është detyra, nuk është detyra të dalë si sharlatan e të thotë ' vër maskën; po nuk e vure maskën do të të vë gjobë'. Kjo është të lash duart me jetën e njerëzve ndërkohë që vjedh", - deklaroi kreu i PD- së. Madje Basha kishte dhe një sugjerim për gazetarët: të denoncojnë mashtrimin e Edi Ramës. ' Nxirrjani palaços, përballeni me palaçollëkun, me gënjeshtrat e tij, se nuk është askushi, por edhe për disa javë njeriu që ka çelësat e shtetit në dorë. Nxirrjani kur thotë ' po bëjmë gati paketën e tretë' kur të tjerët po bëjnë gati paketën e katërt. Është kriminale si sillet me shqiptarët, mjekët, infermierët. Vetëm një kriminel që urren popullin e tij pret të shkojë e keqja deri në fund e të nxjerrë pikatoren. Kjo nuk është papërgjegjshmëri, as keqqeverisje, por kriminale. Përballeni mashtruesin. Bëhet fjalë për jetën dhe bukën e gojës të qytetarit", - theksoi lideri i opozitës. Lulzim Basha shprehu shqetësimin se situata është dramatike dhe në rënie të lirë.
SITUATA
Vendosjen e maskës Lulzim Basha e sheh si detyrim në një kohë kur rastet e infektimeve me COVID sa vijnë e shtohen, por ajo që e shqetëson thotë se është fshehja reale e problemeve dhe mosmarrja e masave nga ana e qeverisë për bluzat e bardha dhe qytetarët. "Nxirrjani palaços për masat ekonomike, përballeni palaçon me premtimet që u ka bërë shqiptarëve kur thotë që ' po bëjmë gati paketën e tretë', kur vendet e tjera bëjnë të katërtën. Është kriminale mënyra si sillet me shqiptarët dhe me mjekët. Është kriminale. Kjo nuk është papërgjegjshmëri por krim", - u shpreh z. Basha. Akuzat i vijoi sërish në
adresë të kryeministrit, kur tha se i vetmi destinacion i parave të shqiptarëve për kryeministrin janë koncesionet e klientëve të qeverisë, duke sjellë në vëmendje çështjen e inceneratorit të Tiranës. Basha ironizoi premtimet e bëra nga kreu i qeverisë Edi Rama, përfshi këtu edhe heqjen e akcizës së karburantit për bujqësinë. "Ky
është gjel që kakaris si pulë e nuk bën vezë por glasa", - u shpreh lideri i opozitës. Teksa e ngarkoi sërish me përgjegjësi penale kryeministrin Rama, Basha tha se drejtësia duhej të kishte hetuar atë dhe ministren e Shëndetësisë për tenderët dhe koncesionet korruptive të dhëna gjatë kohës së pandemisë.