Sot hyn në fuqi vendimi i qeverisë: Maska, e detyrueshme në ambientet jashtë shtëpisë
Gjobë me 30 mijë lekë të vjetra, nëse shkelja përsëritet 50 mijë lekë penalizim
Prej ditës së sotme, të gjithë qytetarët sh qiptarë e kanë të detyrueshme përdorimin e maskës apo barrierave mbrojtëse jashtë shtëpisë, me qëllim parandalimin e përhapjes së COVID- 19. Shkelësit e vendimit do të gjobiten me 30 mijë lekë të vjetra, e në rast përsëritjeje penalizimi do të jetë me 50 mijë lekë të vjetra.
VENDIMI I QEVERISË
Ditën e djeshme, Këshilli i Ministrave ka miratuar aktin normativ Nr. 32, datë 12.10.2020 "Për një ndryshim në aktin normativ nr. 3, datë 15.3.2020, të Këshillit të Ministrave, "Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID- 19". Ky vendim bazohet në udhëzuesin e Institutit të Shëndetit Publik për mbajtjen e maskave jashtë ambienteve të shtëpisë. "Barriera mbrojtëse ( maska) është e detyrueshme të përdoret jashtë shtëpisë nga çdo individ. Individët, të cilët përjashtohen nga ky rregull, përcaktohen në udhëzimin e Institutit të Shëndetit Publik. Instituti i Shëndetit Publik nxjerr udhëzimin përkatës për mënyrën e përdorimit të barrierës mbrojtëse ( maskës) jashtë shtëpisë. Mospërdorimi i barrierës mbrojtëse ( maskës) nga individët jashtë shtëpisë dënohet me gjobë në masën 3 000 ( tre mijë) lekë dhe, në rast përsëritjeje, në masën 5 000 ( pesë mijë) lekë", - thuhet në VKM. Ndërkohë, të drejtën e dhënies së masës administrative për mospërdorimin e maskës e kanë Policia e Shtetit dhe Policia Bashkiake, sipas modelit të gjobës të miratuar prej tyre. Ekzekutimi i masës administrative do të kryhet nëpërmjet Operatorit të Shpërndarjes së Energjisë Elektrike, duke u bërë pjesë e faturave të energjisë elektrike. "Mënyra e ekzekutimit të masës administra
tive nëpërmjet Operatorit të Shpërndarjes së Energjisë Elektrike përcaktohet me udhëzim të përbashkët të ministrit përgjegjës për energjinë, ministrit përgjegjës për financat dhe ministrit përgjegjës për shëndetësinë. Ky akt normativ hyn në fuqi menjëherë dhe i fillon efektet në datën 15.10.2020", - nënvizon Këshilli i Ministrave.
UDHËZIMI I ISHP
Nga përdorimi i maskës përjashtohen fëmijët nën 11 vjeç dhe disa kategori të veçanta të qytetarëve me probleme shëndetësore të konfirmuara nga mjeku. Drejtoresha e Institutit të Shëndetit
VKM
Mospërdorimi i barrierës mbrojtëse ( maskës) nga individët jashtë shtëpisë dënohet me gjobë në masën 3 000 ( tre mijë) lekë dhe, në rast përsëritjeje, në masën 5 000 ( pesë mijë) lekë", - thuhet në VKM. Ndërkohë, të drejtën e dhënies së masës administrative për mospërdorimin e maskës e kanë Policia e Shtetit dhe Policia Bashkiake, sipas modelit të gjobës të miratuar prej tyre.
Publik, Albana Fico ka bërë të ditur se është miratuar dhe "Udhëzuesi mbi përdorimin e detyrueshëm të maskave në ambientet jashtë shtëpisë", që paraqet kriteret e përgjithshme, rregullat dhe përjashtimet për përdorimin e barrierave mbrojtëse ( maskave) në ambientet jashtë shtëpisë, me qëllim zvogëlimin e përhapjes së mundshme të COVID- 19.
Udhëzuesi përmban parimet e përdorimit të maskës dhe gjithashtu rastet kur ajo duhet të mbahet në ambientet jashtë shtëpisë. Kështu maska duhet të mbahet: Sa herë dilni nga shtëpia; çdo individ mbi moshën 11 vjeç; gjatë të gjithë ditës, gjatë të gjithë veprimtarisë jashtë banesës; në çdo dyqan, supermarket apo aktivitet tregtar; në të gjitha mjetet e transportit publik dhe jopublik kur në to gjenden persona të tjerë përveç drejtuesit të automjetit; edhe gjatë ecjes në rrugë; gjatë qëndrimit në të gjitha vendet publike të hapura si park apo shesh; gjatë të gjithë aktivitetit të punës në zyra, të gjitha institucionet publike dhe jopublike, teatër, kinema, muze, biblioteka etj.; në hyrje dhe dalje nga banesa si dhe ashensorë; përpara dhe pas konsumit të ushqimit në bare dhe restorante; në motoçikletë kur merr një person tjetër joanëtar të familjes; nëse jeni duke u kujdesur në shtëpi për një familjar me COVID- 19; në të gjitha institucionet fetare; nga personat që e kanë kaluar SARS- COV2 për t'u mbrojtur nga shkaktarët e tjerë infektivë respiratorë; në institucionet arsimore dhe ato të kujdesit shëndetësor sipas rekomandimeve të mëparshme.
PËRJASHTIMET
Vendosja e barrierës mbrojtëse ( maskës) nuk mund të jetë e mundur në çdo situatë. Prandaj, ka disa raste kur ju lejohet ta hiqni atë apo të modifikoni përdorimin e saj. Kështu, mund ta hiqni maskën: Nëse kërkohet për qëllime të identifikimit personal nga zyrtarët përkatës në polici, bankë, postë, gjykatë etj.; gjatë ngrënies apo konsumimit të pijeve, por në hyrje e në dalje nga baret dhe restorantet maska duhet të vendoset; gjatë procesit të manipulimeve dentare, por në hyrje e në dalje nga klinika maska duhet të vendoset; nga personat që mbajnë/ drejtojnë lutjen/ shërbesën/ ceremoninë fetare; nga persona me humbje të dëgjimit dhe të folurit ose për personat gjatë kohës së komunikimit me ta, nëse nuk kanë mundësi të përdorin maska të posaçme ( transparente); nëse kërkohet nga stafi i dyqaneve ose marketeve përkatëse për identifikim të moshës, përfshirë blerjen e produkteve me moshë të kufizuar, siç janë duhani dhe alkooli; nga punëtorët që punojnë në ambiente të jashtme, gjatë procesit të punës kur sigurohet distanca fizike jo më pak se 1.5 m; nga të ftuarit në emisionet televizive, me kusht që të ruhet distanca jo më pak se 1.5 metra. "Udhëzuesi i miratuar përcakton qartë rastet përjashtimore të përdorimit të barrierës mbrojtëse ( maskës): Në të gjitha rastet kur përdorimi i maskës dëmton shëndetin sipas rekomandimit të mjekut të familjes; nga persona me sëmundje që i bëjnë të paaftë për përdorimin e maskës; gjatë ushtrimit të aktiviteteve sportive; nga persona të cilët lëvizin të vetëm me biçikletë, motoçikletë apo monopatinë; kur në makinë është vetëm drejtuesi i mjetit ose persona që kanë lidhje familjare me të; në aktivitete që mund të shkaktojnë lagien e maskës, si p. sh. gjatë larjes në pishinë, në liqen ose në det; në shtëpi, me anëtarët e ngushtë të familjes", - thuhet në udhëzimin e ISHP- së. Drejtoresha e ISHP- së, Albana Fico në fund të deklaratës së saj ka rikujtuar qytetarët se mbajtja e maskës është e detyrueshme në çdo ambient jashtë shtëpisë dhe se moszbatimi i kësaj mase do të ketë penalitete sipas Aktit Normativ.