"Rrëzimi i regjimeve shtypëse", Meta: Autorët e krimeve zgjedhore të vihen para përgjegjësisë
"Krim mendor", Rama: Futesh skutave me subjekte të OFL- së
Presidenti Ilir Meta bëri dje thirrje që autorët e krimeve zgjedhore dhe dhunës kriminale të vihen para përgjegjësisë. Meta vlerësoi dorëheqjen e Presidentit të Kirgistanit, pas manipulimit të zgjedhjeve të fundit. Në rrjetin social "Facebook", Meta shprehet se populli i Kirgistanit i tregoi botës se si rrëzohen regjimet që bazohen mbi shtypjen apo manipulimin. "Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë. Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve. Autorët e krimeve zgjedhore dhe dhunës kriminale të vihen para përgjegjësisë!" - u shpreh kreu i shtetit. Po dje, presidenti Ilir Meta reagoi për fenomenin e kultivimit të kanabisit në Shqipëri, që këtë vit raportohet të ketë rritje. Në një postim në mediat sociale, Meta shkruan se shpërthimi i kanabisit në vit zgjedhor është një traditë e njohur. Ai shton se kanabisi përdoret si një mjet përfitimi për grupet kriminale që marrin përsipër kontrollin elektoral të qarqeve të caktuara. "Shpërthimi i kanabisit në vit zgjedhor është traditë e njohur tashmë, për t'u përdorur si mjet përfitimi për grupet kriminale që marrin përsipër kontrollin elektoral të qarqeve të caktuara, por edhe si mjet shantazhi ndaj shumë hallexhinjve që, në mungesë të mbështetjes shtetërore për aktivitetet bujqësore, blegtorale, të agrobiznesit dhe agroturizmit, janë të detyruar të bëhen punëtorë të këtyre grupeve kriminale", shkruan presidenti. Kreu i shtetit sh
ILIR META
"Shpërthimi i kanabisit në vit zgjedhor është traditë e njohur tashmë, për t'u përdorur si mjet përfitimi për grupet kriminale që marrin përsipër kontrollin elektoral të qarqeve të caktuara, por edhe si mjet shantazhi ndaj shumë hallexhinjve që, në mungesë të mbështetjes shtetërore për aktivitetet bujqësore, blegtorale, të agrobiznesit dhe agroturizmit, janë të detyruar të bëhen punëtorë të këtyre grupeve kriminale", - tha Meta.
EDI RAMA
"Ilir, krim zgjedhor në republikat parlamentare është edhe përfshirja e presidentit si palë në zgjedhje me thikë në gojë! Ndërsa, futja e presidentit skutave nëpër lokale ku vënë baste ilegale subjektet e OFL për të propaganduar rrëzimin e qeverisë me revolucion është krim mendor!" shkruan Rama.
ton se në Shqipëri nuk arrestohen bosët e vërtetë, por në pranga përfundojnë gra dhe pleq. "Bosët e vërtetë kurrë nuk preken, por shpesh për të prodhuar statistika fiktive, arrestohen gra dhe burra të moshuar si grup i strukturuar kriminal", - shprehet z. Meta.
REPLIKAT
Kryeministri Edi Rama akuzoi dje se presidenti Meta është futur nëpër lokale dhe vë baste ilegale me subjektet e OFL- së "për të propaganduar rrëzimin e qeverisë me revolucion". Këtë kreu i qeverisë e quajti krim mendor. Rama replikoi sërish me presidentin Ilir Meta pas reagimit të këtij të fundit, i cili përshëndeste dorëheqjen e Presidentit të Kirgistanit pas manipulimit të
zgjedhjeve të fundit. Rama në "Twitter", përmes një postimi që i drejtohet direkt kreut të shtetit, shprehet se krim zgjedhor në republikat parlamentare është edhe përfshirja e presidentit "si palë në zgjedhje me thikë në gojë". Rama vijoi më tej me akuzën e tij ndaj Metës, se është takuar me subjekte të OFL- së dhe se këtë e quan krim mendor. "Futja e presidentit skutave nëpër lokale ku vënë baste ilegale subjektet e OFL- së për të propaganduar rrëzimin e qeverisë me revolucion është krim mendor", shkruan Rama. Presidenca reagoi pas deklaratës së Ramës në rrjetet sociale, ku thoshte se Meta takohet nëpër skuta me OFLnë që të propagandojë rrëzimin e qeverisë. Zëdhënësi i
Presidentit të Republikës, Tedi Blushi i bëri thirrje Ramës që të respektojë "5 qershorin". Gjithashtu ai i bën thirrje që të dënojë në emër të OSBE- së zgjedhjet në Kirgistan, pasi ishin si të Shijakut dhe të Dibrës. "Me Presidentin ti je vite dritë larg. Ishe ti që i fute në Parlament dhe i vendose në krye të bashkive, kriminelët dhe trafikantët. Këtë e di e gjithë bota", shprehet Blushi. Më tej, ai pyet kreun e qeverisë se pse nuk del në debat televiziv me presidentin. "Presidenti të ka ftuar në përballje! Po pret studion televizive dhe orën! Pse ke frikë?! Pse mblidhesh si buburrec e fshihesh pas ' Twitter- it'?! Je aq frikacak, sa trembesh edhe nga protestat e popullit në Kirgistanin e largët! Ora e përballjes po afron! As në skutat e ' Twitter- it' nuk do fshihesh dot po nuk respektove urgjent marrëveshjen e 5 qershorit", - theksoi Tedi Blushi.
FTESA
Presidenti përmes zëdhënësit Tedi Blushi në një tjetër reagim e ftoi sërish në përballje kryeministrin. Më tej në postim shkruhet "je aq frikacak, sa trembesh edhe nga protestat e popullit në Kirgistanin e largët". "Buburrec trendi, respekto urgjent ' 5 qershorin', se le nam, dhe dënoji në emër të OSBE- së zgjedhjet e Kirgistanit që ishin si të Shijakut dhe Dibrës. Me Presidentin ti je vite dritë larg. Ishe ti që i fute në Parlament dhe i vendose në krye të bashkive, kriminelët dhe trafikantët. Këtë e di e gjithë bota! Presidenti të ka ftuar në përballje! Po pret studion televizive dhe orën! Pse ke frikë?! Pse mblidhesh si buburrec e fshihesh pas ' Twitter'- it?! Je aq frikacak, sa trembesh edhe nga protestat e popullit në Kirgistanin e largët! Ora e përballjes po afron! As në skutat e ' Twitter'- it nuk do fshihesh dot po nuk respektove urgjent marrëveshjen e 5 qershorit!" - shprehet z. Blushi.