Zbardhen emrat e 1283 infermierëve që do t'i nënshtrohen provimit të shtetit

Qendra e Shërbimeve Arsimore: Dokumentacioni që duhet të paraqesin para testit Lista e plotë, data e testimit për secilin kandidat

Ashtu si të diplomuar it e tjerë në degët e mjekësisë, edhe infermierët do t'i nënshtrohen provimit të shtetit deri në fund të tetorit të 2020- ës. "Gazeta Shqiptare" zbardh sot emrat e 1283 infermierëve që do të testohen dhe datat përkatëse për secilin kandidat. "Provimi i shtetit do të zhvillohet në godinën e Qendrës së Shërbimeve Arsimore ( më poshtë QSHA), me adresë: Blv. ' Zhan D'Ark', Nr. 23 ( ish- godina e ATSH), Tiranë. Kandidati duhet të paraqitet në QSHA 30 minuta para fillimit të provimit të shtetit", - thekson Qendra e Shërbimeve Arsimore. Në ditën e provimit, kandidati duhet të ketë me vete letërnjoftimin ( kartë ID ose pasaportë) për pjesëmarrje në provimin e shtetit ( dokumenti origjinal); kopje të kartë ID ose pasaportë si dhe faturën e pagesës së tarifës së provimit të shtetit për llogari të QSHA në një bankë të nivelit të dytë/ postë ( sipas faturës për arkëtim të publikuar në faqen zyrtare të QSHA) sipas herës së pjesëmarrjes. "Në kuadër të situatës së krijuar nga pandemia COVID19 dhe në vijim të masave parandaluese të përhapjes së tij, gjatë paraqitjes për pjesëmarrje në provim, kandidati duhet të ketë parasysh dhe të zbatojë rregullat e mëposhtme: të paraqitet pranë QSHA- së i pajisur me mjetet mbrojtëse, maskë dhe doreza plastike; të zbatojë ruajtjen e distancës fizike 1,5 - 2 metra me kandidatët e tjerë; të ketë me vete vetëm dokumentet e kërkuara dhe mjetin e identifikimit; të ketë me vete stilolaps për nënshkrimin e deklaratës dhe rezultatit të testimit; të mos ketë me vete celularë, çanta dhe sende të tjera personale, të panevojshme në zhvillimin e testimit", - thekson QSHA.