“Grup i strukturuar kriminal”, PD çon në SPAK kallëzimin për inceneratorin e Tiranës
Ligji antimafia, kush preket dhe kush përfiton, si do të gjurmohen pasuritë e paligjshme Padia për Ramën, Veliajn, Ahmetajn dhe Kokën
artia Demokratike kallë zoi dje në SPAK, kryemi nistrin Edi Rama, ministrin Arben Ahmetaj, ish- ministrin Lefter Koka, kryetarin e Bashkisë Tiranë, Erion Veliaj dhe sipërmarrësit Klodian Zoto e Mirel Mërtiri, për ndërtimin e inceneratorit të Tiranës. Kallëzimi është bërë për veprën penale të “shpërdorimit të detyrës”, shkelje të barazisë të pjesëmarrësve në tenderë dhe krijim të grupit të strukturuar kriminal. Sipas demokratëve kjo është një aferë korruptive që i ka shkaktuar buxhetit të shtetit një dëm prej 430 mln euro. “Kjo është një çështje korruptive duke nisur që nga procedurat, duke vazhduar me kontratën e duke përfunduar me zbatimin e kontratës. Kostot për buxhetin e shtetit ashtu siç janë të llogaritura në denoncimin që ne çuam sot në SPAK janë mbi 430 milionë euro vetëm për inceneratorin e Tiranës, sepse ne sot këtu denoncuam inceneratorin e Tiranës”,- tha sekretari për heshtjet ligjore në PD Çlirim Gjata. Ai përmendi se prej 3 vitesh janë bërë denoncime, por prokuroria nuk ka reaguar. “Ka tre vjet që bëhen denoncime pothuajse të përditshme në media. Ka edhe gazetarë investigativë që kanë nxjerrë gjithë ato fakte, pa folur për agjenci gazetareske, të cilat kanë nxjerrë skandale pas skandalit sa i takon këtyre tre inceneratorëve. Përse duhet të pres SPAK, prokuroria apo cilido institucion ligjzbatues hetimor, ndjekës i veprimeve kriminale, pse duhet të presë patjetër një denoncim formal?”, - tha z. Gjata. Por ky nuk është kallëzimi i parë në SPAK për inceneratorët. Në muajin qershor ishte Nisma Thirrje që depozitoi kallëzimin e parë madje duke përfshirë edhe inceneratorin e Elbasanit dhe Fierit. Mësohet se SPAK e ka regjistruar kallëzimin dhe ka nisur verifikimet lidhur me procedurat e ndjekura duke u kërkuar informacione disa institucioneve përfshirë edhe kontrollin e lartë të shtetit.
LIGJI
Lideri i opozitës Lulzim Basha prezantoi në shtatorin e 2018 ligjin antimafia si mekanizmi për të sekuestruar pasurinë e kompanive, individëve dhe zyrtarëve që janë përfshirë në kontratat korruptive. Gjatë bashkëbisedimit të djeshëm me gazetarët, Basha shfrytëzoi shembullin e inceneratorëve për të shpjeguar kundër cilave kontrata do të veprojë antimafia. Ky ligj sipas Bashës do të jetë ndër ligjet e para që do të miratohet nga parlamenti i ri dhe ndër ligjet e para që do të ekzekutohet nga qeveria e re që do të dalë nga vota e qytetarëve me 25 prill të vitit të ardhshëm. Kreu i PD- së, nënvizoi se çdo koncesion, PPP, tender dhe licencë korruptive kalon përmes kanalit të një kontrate mes privatit dhe shtetit, që i bën shkeljet lehtësisht të verifikueshme. “Çdo kontratë dhe akt publik që vjen në kundërshtim me ligjin është e pavlefshme dhe çdo gjë e
EDI RAMA
Kryeministri Rama shpërndau në “Facebook” disa shifra të shkallës së mbulimit të popullsisë me shërbime për menaxhimin e mbetjeve. Në postimin e Ramës, raportohet se 50.7% e popullsisë mbulohej me shërbime grumbullimi mbetjesh, ndërkohë që sot
87.9% e popullsisë mbulohet me shërbime grumbullimi mbetjesh. Sipas tij, të gjithë ata që e lanë vendin me male plehrash në çdo qytet, po përpiqen të mbulojnë diellin me shoshë.
marrë, e zhvatur, e përfituar në mënyrë abuzive do të duhet t’i kthehet publikut me efekt prapaveprues, qoftë kjo para, pasuri, gjithçka i kthehet buxhetit të shtetit dhe qytetarëve”,- nënvizoi Basha.
KONCESIONET
Lulzim Basha bëri të qartë gjatë bashkëbisedimit të djeshëm me gazetarët se të gjitha koncesionet do të kalojnë në filtër verifikimi dhe nëse konstatohet paligjshmëri ato do të shpallen të pavlefshme. “Kontrata që është në përputhje me ligjin, ka forcën e ligjit. Kontrata që është në kundërshtim me ligjin është e pavlefshme. Ky rregull do të thotë që çdo gjë e marrë, e zhvatur e përfituar në mënyrë abuzive, do të duhet t’i kthehet publikut me efekt prapa veprues. Dua ta theksoj me efekt prapa veprues”. Gjithçka do të nisë me një departament të posaçëm në qeveri, dosjet do t’i kalojnë SPAK dhe në fund do të vendosë gjykata. “Barra e provës me mekanizmin antimafia, nuk është te prokurori, por është te kompania private dhe te zyrtari që ka miratuar kontratën apo aktin publik”, - tha z. Basha. Ai rendit edhe pikat që do ta bëjnë një kontratë koncesionare të pavlefshme. “Kompani që licencohen pak para tenderit. Një në koncesionet e inceneratorëve, kompania është regjistruar një ditë para ten
derit”, - theksoi Lulzim Basha. Por çfarë do të ndodhë nëse një kontratë koncesionare konsiderohet në shkelje të ligjit. “Kompani pa përvojë, kompani offshore, shpikje propozime të pakërkuara. Tenderë për eksponentë të krimit të organizuar, kritere preferenciale, rritje fiktive e vlerës së tenderit, skualifikime të padrejta për qëllime klienteliste si dhe intimidimi i bizneseve për të mos marrë pjesë në tenderët e paracaktuar”, - u shpreh kreu i PD- së. Basha njoftoi se Partia Demokratike është në kontakt edhe me agjenci të huaja ligjzbatuese për të gjurmuar se ku kanë shkuar paratë. “Unë kam kontaktuar e kam harxhuar ditë të tëra, me krerët e agjencive të specializuara. Ndër më të specializuarat në botë, të aleatëve tanë strategjikë. Puna ka nisur dhe nesër me neve në qeverisje do të finalizohet, nuk kanë shpëtim”, - deklaroi kreu i PD- së.
ABUZIMI
Do të veprojë ndaj pasurive të kompanive private përfituese dhe pronarëve të këtyre kompanive, pasurive të zyrtarëve publikë që kanë abuzuar me pushtetin, pasurive të personave të afërt apo të lidhur me pronarët e kompanive private apo zyrtarëve publikë që kanë abuzuar me detyrën. Parimi i antimafias është: Pasuritë e këtyre personave verifikohen, sekuestrohen dhe konfiskohen pavarësisht nëse dënohen apo jo penalisht, pavarësisht nëse janë në proces të hetimit apo të dënimit nga organet e drejtësisë penale. Kompani që licencohen para tenderit, kompani offshore, shpiken propozime të pakërkuara, tenderë për eksponentë të krimit të organizuar, kritere preferenciale, rritje fiktive e vlerës së tenderit, skualifikime të padrejta për qëllime klienteliste. Intimidim i bizneseve për të mos marrë pjesë në tenderë të paracaktuar. Sikur një nga këto forma të evidentohet, ajo kontratë është e paligjshme, e pavlefshme dhe çdo para e marrë nga ajo kontratë duhet dhe do t’u kthehet qytetarëve me ligjin antimafia. Qeveria e para, me një strukturë të veçantë, do të ketë detyrën e verifikimit. Struktura antikorrupsion do të jetë një nga dikasteret më të fuqishme të qeverisë së re, prioritet politik numër një që ky institucion të bëjë verifikimin e këtyre rasteve ku janë vjedhur dhe shpërdoruar miliarda euro të shqiptarëve. Kjo pastaj do t’i kalojë për hetim SPAK dhe vendimmarrja do të jepet nga GJKKO. Anulimi dhe shfuqizimi i aktit apo kontratës publike, konfiskimi i pasurisë së zyrtarëve publikë të përfshirë në procedurat e nënshkrimit apo miratimit të akteve ose kontratave publike, konfiskimi plotë apo i pjesshëm i pasurisë së paluajtshme publike të tjetërsuar së bashku me investimet e kryera në të, konfiskimi i vlerës së plotë apo të pjesshme të fondit financiar të përfituar pavarësisht nëse është kryer apo jo shërbimi, detyrimi për të rikthyer pasurinë e paluajtshme në gjendjen që ishte përpara nënshkrimit apo miratimit të aktit të kontratës publike dhe përjashtimi i kompanisë nga çdo procedurë konkurruese publike ose punë apo shërbim publik për një periudhë 20 vjeçare. Qëllimi është parandalimi dhe goditja e korrupsionit me pushtetin, mbrojtja e pasurisë publike dhe garantimi i konkurrencës së lirë. Verifikimi do të përfshijë të gjitha kontratat koncesionare, të gjitha kontratat e prokurimit publik ku ka flamuj të kuq, PPP, kontratat e tjetërsimit të pasurisë publike, të gjitha aktet e lejeve, licencave ose autorizimeve për shfrytëzimin e pasurive publike.