Mjeku Shefki Meta: Koronavirusi nuk është i vetmi që të merr jetën
Mjeku
i njohur i Shër bimit Parësor Shefki Meta, i cili ka fituar betejën me COVID- 19, është shprehur se virusi nuk është i vetmi që po ndikon në jetët e njerëzve. "Kryefjala e kësaj periudhe kudo është COVID- i. Një sëmundje e pabesë për të cilën nuk ka akoma një mjekim etiologjik dhe një vaksinë efikase. Pandemia globale SARS- COV2 ka trazuar jetët dhe shpirtrat tanë. Edhe pa qenë të sëmurë, niveli i stresit sot në popullatë është mjaft i lartë. Kjo për disa arsye: Atmosfera e përgjithshme e krijuar nga pandemia globale SARS- COV- 2 është mjaft mbytëse. Një planet që zien nga lloj- lloj informacionesh dhe teorish, deri te më të çuditshmet. Një botë e ' pasigurt' dhe një ' luftë' pa një fund të qartë. Informacione të pacertifikuara që i serviren publikut me shumicë dhe disa herë inkoherente. Situata në vendin tonë për momentin po njeh rritje të rasteve me COVID- 19, por ndërgjegjësimi i popullatës vazhdon që të jetë akoma i ulët, kjo dhe për arsye të mungesës së besimit. Qeveria shqiptare, por edhe institucionet e tjera vartëse, kanë adoptuar politika dhe kanë marrë masa në vartësi të situatës, mbështetur kjo dhe në përvojën botërore. Një pjesë e profesionistëve, por edhe e popullatës, i sheh me skepticizëm këto masa. Në disa raste ka mungesë besimi tek institucionet shëndetësore, kjo si pasojë e keqinformimit, por ndoshta dhe e keqmenaxhimit", - thotë mjeku. Ai shton se stigma dhe pasiguria për vendin e punës, janë një histori tjetër më vete që kanë kontribuar në rritjen e nivelit të stresit. "Ndjekja e rrugëve alternative për mjekim ka rritur koston e trajtimit, duke rënduar xhepat e ' shpuar' të qytetarëve në këtë kohë të vështirë pandemie. Teoritë konspirative kanë shkuar deri aty sa kanë vënë në dyshim gjithë atë sakrificë të madhe që bën personeli shëndetësor nëpër spitalet COVID dhe Shërbimi Parësor. Kjo ka futur, shpesh, në dilemë të sëmurët dhe familjarët e tyre, në një krizë ankthi dhe pasigurie", - nënvizoi Meta. Ai theksoi se duhet të kemi kujdes edhe nga virozat e stinës. "Situata sa vjen dhe komplikohet. Virozat e stinës kanë filluar që të shfaqen, po ashtu dhe rëndimi i disa patologjive që në mënyrë të natyrshme rëndohen në stinën e ftohtë. Rendja vetëm pas COVID- it nuk duhet të na bëjë të humbasim vigjilencën. Kujdes, COVID- i nuk është i vetmi që të merr jetën!" - tha Meta.