' Ligji i luftës do të hiqet', Rama: Marrëveshja për detin, në Gjykatën e Hagës
Ministri Dendias: Ligjin e luftës do ta zgjidhim së bashku, porosi e Mitsotakis "Nuk do të ketë pushtim nëpërmjet detit nga Greqia"
Gjykata Ndërko mbëtare e Hagës do të vendosë për kufirin detar mes Shqipërisë dhe Greqisë. Pas dy përpjekjeve të parealizuara në 2009 dhe 2018, kryeministri Rama dhe ministri i Jashtëm grek, Nikos Dendias, lajmëruan pas takimit që zhvilluan dje në Tiranë, se kanë rënë dakord që të mos ketë më proces negociatash, por t'i drejtohen drejtësisë ndërkombëtare. Këtë, kreu i diplomacisë helene theksoi se ka marrë urdhër ta thotë nga Mitsotakis. Ministri Dendias premton se çështja e ligjit të luftës do të zgjidhet shumë shpejt. "Ne tani kemi referuar çështjen e ligjit të luftës. Kjo gjë është një anakronizëm, dhe jam i sigurt që edhe këtë do ta zgjidhim së bashku, dhe është gëzim i madh për mua që kam mundësinë ta them këtë gjë këtu nga Tirana, me urdhër të kryeministrit Mitsotakis", - u shpreh z. Dendias. Kurse Edi Rama u shpreh: "Nuk është ende çështje që mund ta konsiderojmë të zgjidhur, por është në një diskutim shumë pozitiv dhe së shpejti kam shumë besim që do të përfundojë në mënyrë pozitive, që është heqja e ligjit të luftës. Pasi humbën detin, nacional- folklorikët patriotë do të humbin edhe tokën, dhe pastaj të gjejnë në ajër ndonjë çështje dhe të krijojnë një subjekt sesi Greqia po rrit emisionet e gazit në atmosferën shqiptare, se në tokë dhe në det nuk do të kenë më çështje për t'u marrë".
MARRËVESHJA
Qeveria shqiptare dhe ajo greke kanë rënë dakord që të adresojnë të gjitha çështjet që kanë nevojë për t'u zgjidhur mes dy vendeve. Një ndër to është edhe çështja e detit, ku palët do t'i drejtohen Gjykatës Ndërkombëtare për ta zgjidhur. Kryeministri Edi Rama lajmëroi dje, se Shqipëria dhe Greqia
NIKOS DENDIAS
"Ne tani kemi referuar çështjen e ligjit të luftës. Zoti kryeministër, kjo gjë është anakronizëm, dhe jam i sigurt që edhe këtë gjë do ta zgjidhim së bashku. Kam mundësinë ta them këtë gjë nga Tirana në opinionin publik shqiptar me urdhër të kryeministrit Mitsotakis", - tha ministri grek Dendias.
kanë rënë dakord që për çështjen e detit do t'i drejtohen drejtësisë ndërkombëtare. "Kemi rënë dakord që këtë çështje ta trajtojmë në instancat ndërkombëtare, së bashku Shqipëria dhe Greqia do i drejtohen drejtësisë ndërkombëtare për të vendosur pikat mbi ' i', në bazë të ekspertizës dhe në bazë të së drejtës ndërkombëtare të detit". Kryeministri Rama tha se ata që i quaji "patriotët e detit" nuk do kenë më punë me këtë çështje, e cila do marrë zgjidhje nga instancat ndërkombëtare. "Më vjen keq për patriotët e detit, por në këtë mënyrë duhet të gjejnë arsye të tjera për të shpallur patriotizmin e tyre, se çështja e detit nuk është më një çështje me të cilën mund të bëjnë as propagandën e tyre të shpifur antigreke, që është një turp, dhe as elektorat patriotik në Shqipëri apo dhe në Kosovë. Të vetëvendosen në çështje të tjera, kjo nuk është çështje që do jetë në diskrecionin tonë apo palës greke, por
të drejtësisë ndërkombëtare, dhe ne jemi plotësisht dakord, e në këtë mënyrë do fokusohemi te bashkëpunimi ekonomik e rajonal, te njerëzit, që të bëjmë më të mirën për qytetarët grekë që jetojnë në Shqipëri dhe shqiptarët që jetojnë në Greqi", - deklaroi z. Rama. Në konferencën për shtyp bashkë me Nikos Dendias, Rama tha mes të tjerash se "nuk do të ketë pushtim nëpërmjet detit nga Greqia".
AKUZAT
I vendosur shumë herë ' në syrin e ciklonit' për shkak të qëndrimeve të mbajtura në raport me Greqinë, Rama u ktheu përgjigje edhe atyre që e kanë akuzuar në emër të patriotizmit, sa me fjalë, ashtu edhe me simbolikën e kravatës me simbolet e flamurit kombëtar, që mbante edhe një yll pesëcepësh. "Çështjet e patriotizmit nacional folklorik nuk janë çështje të qeverive tona. Ministër, edhe një herë tjetër faleminderit me shumë respekt për an
gazhimin tuaj personal, me shumë respekt për gatishmërinë e kryeministrit për t'i dhënë një shtysë të re gjithë kësaj marrëdhënieje dhe për ta vënë fuqinë e qeverive tona në funksion të popujve tanë! Kështu për të ndërtuar së bashku, për të ardhur në paqe dhe prosperitet për të gjithë. Dëshiroj që të them edhe diçka, që nuk është ende një çështje që mund ta konsiderojmë të zgjidhur, por është një diskutim pozitiv, dhe së shpejti kam besim që do të përfundojë në mënyrë pozitive, që është heqja e ligjit të luftës. Dhe pastaj, pasi humbën detin nacional- folklorik, patriotët do humbin dhe tokën dhe të gjejnë në ajër ndonjë çështje dhe të krijojnë një subjekt për sesi Greqia po rrit emisionet e gazit në atmosferën shqiptare, se në tokë dhe në det s'do të kenë më çështje për t'u marrë", - theksoi z. Rama. Edhe Dendias mbështeti deklaratën e Ramës dhe tha se kjo gjë do të zgjidhet mes të dyja palëve.