Raporti, Meta: Thellohet papunësia, shqiptarët do të varfërohen më shumë
Parashikimi i FMN, presidenti: Ekonomia nuk po rritet, rënie e të ardhurave për frymë "Do të kenë një barrë më të lartë të borxhit për të paguar"
Presidenti Ilir Meta i konsideroi dje shqetë suese parashikimet ekonomike të muajit tetor të Fondit Monetar Ndërkombëtar. Në një postim në "Facebook", kreu i shtetit nënvizoi se Shqipëria parashikon uljen ekonomike më të lartë në rajon, e për pasojë, edhe rënia e të ardhurave për frymë është nga më të lartat. Sipas Metës, qytetarët shqiptarë, jo vetëm do të varfërohen më shumë, por dhe do të kenë një barrë më të lartë të borxhit për të paguar. Sipas asaj që shkruan Meta, duke cituar raportin, parashikimet e muajit tetor të Fondit Monetar Ndërkombëtar janë tepër shqetësuese. Shqipëria parashikon uljen ekonomike më të lartë në rajon, si pasojë dhe rënia e të ardhurave për frymë është nga më të lartat, shkruan më tej kreu i shtetit. Sipas Metës, të dhënat e raportit të FMN tregojnë "qartë që rritja e borxhit publik nuk po adreson rritjen ekonomike dhe rritjen e të ardhurave për frymë, por përkundrazi po thellon papunësinë dhe varfërinë në vend". "Konkretisht të ardhurat për frymë për Shqipërinë në vitin 2020 parashikohen të arrijnë në 4898 USD/ për frymë, ndërkohë që: në Malin e Zi në 7933 USD/ për frymë, në Serbi në 7497 USD/ për frymë, në Maqedoninë e Veriut në 6019 USD/ për frymë. Varfërimi do shoqërohet dhe me rritjen e barrës së borxhit. Sipas parashikimit të Fondit Monetar Ndërkombëtar, niveli i borxhit publik në fund të vitit 2020 ( pa llogaritur detyrimet e shumta të qeverisë) do të arrijë në rreth 83.3% e Prodhimit të Përgjithshëm Bruto. Ndërsa të Ardhurat për Frymë në vitin 2020 do të ulen në rreth 425 USD krahasuar me vitin 2019, Borxhi Publik për Frymë do të rritet në 373 USD krahasuar me vitin 2019. Në vitin 2020 Të Ardhurat për Frymë do të ulen në nivelin 4898 $ USA krahasuar me 5323 $ USA në vitin 2019. Ndërsa borxhi publik për frymë do të rritet në 4079 $ USA, krahasuar me 3606 $ USA në vitin 2019", - deklaroi kreu i shtetit. Për Metën, këto të dhëna tregojnë që rritja e borxhit publik nuk po adreson rritjen ekonomike dhe rritjen e të ardhurave për frymë, por po thellon pap
TË ARDHURAT
Presidenti Meta shprehet se "Shqipëria parashikon uljen ekonomike më të lartë në rajon, si pasojë dhe rënia e të ardhurave për frymë është nga më të lartat. Sipas Metës, të dhënat e raportit të FMN tregojnë "qartë që rritja e borxhit publik nuk po adreson rritjen ekonomike dhe rritjen e të ardhurave për frymë, por përkundrazi po thellon papunësinë dhe varfërinë në vend".
unësinë dhe varfërinë në vend. Ndërkohë qeveria është tërhequr nga varianti i saj se ekonomia do të bjerë këtë vit me 4.5%. Në variantin final Këshilli i Ministrave parashikon se gjatë këtij viti recesioni do të jetë - 6.1%, reflektim ky i efekteve të pandemisë. Por sërish ky
parashikim është dukshëm më i ulët se ato të institucioneve financiare ndërkombëtare. Në buxhetin e miratuar për vitin që vjen, rritja do të jetë në nivelet e 5.5% dhe pritshmëritë janë që të jetë në këto nivele edhe në dy vitet pasardhëse. Shtylla kryesore pritet jenë niveli i
lartë i investimeve publike, kryesisht në rindërtimin e objekteve pas tërmetit. Por vitin e ardhshëm parashikohet që borxhi publik të nisë trajektoren rënëse. nga 80.1 % që pritet të mbyllet 2020- ta vitin tjetër parashikohet që të bjerë me 78.6 % e prodhimit të brendshëm bruto.