Efektet kuruese të lajthisë
Lajthitë kanë një vend primar në fronin e ar rorëve që na shtojnë jetën. Popullariteti i tyre nuk shuhet kurrë si pasojë e shijes së parezistueshme. Janë të vogla, por bëjnë një punë të jashtëzakonshme. Shqipëria është e bekuar me pemishte lajthish nga veriu në jug dhe nga perëndimi në lindje. Zonat më prodhimtare të lajthive shqiptare janë Mati, Bulqiza, Dibra, Përmeti dhe Berati, por i gjejmë edhe në Vlorë dhe Pogradec. Lajthitë janë të pasura me proteina dhe vitamina. Përdorimi i tyre nuk është i limituar në kuzhinë, por shkon përtej e si rrjedhojë, përfitimet janë të panumërta, sepse ku ka lajthi ka shëndet të mirë. Më poshtë po ju njohim me vlerat më të rëndësishme të lajthisë për trupin e njeriut.
MBRON SHËNDETIN E ZEMRËS
Lajthia është nga ato ushqime që edhe të shijon, të kënaq shpirtin, siç i themi ne, por edhe na bën mirë. Lajthia ka yndyrna të pangopura të cilat zvogëlojnë kolesterolin e keq në gjak me 27%. Si rrjedhojë jemi më pak të rrezikuar nga sëmundjet e zemrës dhe ataku në zemër. Sipas studimeve, njerëzit që konsumojnë lajthi rregullisht kanë 50% më pak shanse për të humbur jetën si pasojë e atakut në zemër.
Zonat më prodhimtare të lajthive shqiptare janë Mati, Bulqiza, Dibra, Përmeti dhe Berati, por i gjejmë edhe në Vlorë dhe Pogradec. Lajthitë janë të pasura me proteina dhe
vitamina. Përdorimi i tyre nuk është i limituar
në kuzhinë, por shkon përtej e si
rrjedhojë, përfitimet janë të panumërta, sepse
ku ka lajthi ka shëndet të mirë.
E PASUR ME VITAMINË E
100 gramë lajthi ofrojnë 15% të dozës së rekomanduar të vitaminës E. Vaji i lajthisë është një burim i shkëlqyer i Vitaminës E, që parandalon shpërbërjen e qelizave të kuqe të gjakut dhe rrezikun e shfaqjes së anemisë. Qarkullimi i mirë i gjakut forcon sistemin imunitar dhe mban të ftohtin, temperaturën dhe sëmundje të tjera larg jush.
MBRON MUSKUJT DHE KOCKAT
Magnezi luan një rol të rëndësishëm në rregullimin e sasisë së kalciumit që futet dhe del nga trupi. Muskujt kanë nevojë për kalcium dhe lajthitë ndihmojnë me spazmat, lodhjen dhe ngërçet. Mangani nga ana tjetër ndihmon dhe forcon kockat dhe mban larg sëmundje si osteoporoza.
MBRON SISTEMIN NERVOR
Lajthitë janë të pasura me vitaminë B6, që nevojitet për formimin e mielinës, mburoja e nervave që rrit shpejtësinë dhe efikasitetin e impulseve dhe lejon funksionimin normal të sistemit nervor.
MBAN TË SHËNDETSHËM SISTEMIN TRETËS
Mangani që gjendet te lajthitë lehtëson metabolizmin e proteinave dhe karbohidrateve. Përmbajtja e lartë e fibrës promovon lëvizjen e rregullt të sistemit tretës. Konsumimi i fibrës bën që të mbani peshën nën kontroll dhe të ndiheni
të ngopur për shumë kohë.
E PASUR ME ANTIOKSIDANTË
Sipas studimeve, lajthitë kanë 20 herë më shumë fuqi antioksiduese se vitamina C dhe 50 herë më shumë se vitamina E. Antioksidantët luajnë një rol të rëndësishëm në shëndetin e përgjithshëm. Radikalet e lira ndalojnë furnizimin me oksigjen të qelizave dhe si rrjedhojë trupi sëmuret lehtë.
NDIHMON GRATË SHTATZËNA
Në ndryshim nga arrorët e tjerë, lajthitë janë një burim i pasur me folat. 100 gramë lajthi kanë 30% të dozës së rekomanduar ditore. Folati u bën mirë grave shtatzëna sepse parandalon aneminë dhe defektet nervore te foshnjat. Sa lajthi duhet të konsumojmë në ditë? Si çdo ushqim tjetër, edhe lajthitë kanë një dozë të rekomanduar ditore. Doza e shëndetshme ditore e lajthive është 20 kokrra në ditë. Sipas studimeve, nëse konsumoni lajthi në pesë ditë ose më shumë ditë në javë, reduktoni rreziqet e zemrës me 30- 50%.