Votim elektronik, PS- PD dakord për Korçën, ndahen për Fierin e Tiranën
PS: Jo të gjithë qarkun Tiranë, por vetëm disa njësi bashkiake
Socialistët e demokratët propozo jnë qarqe të ndryshme për aplikimin- pilot të teknologjisë në zgjedhjet e 25 prillit. Në 25 prill, qytetarët e dy qarqeve në Shqipëri për herë të parë do të votojnë në mënyrë elektronike e nuk do të përdorin fletën tradicionale të votimit. PD- ja dhe PS- ja kanë rënë dakord që votimi dhe numërimi elektronik të aplikohet në Korçë. Ky qark është zgjedhur për shkak se është një zonë e qetë, e cila përfshin të gjitha karakteristikat, duke nisur nga zonat urbane, ato rurale, e deri te zonat e thella si zona e Mokrës; duke krijuar një panoramë të plotë si funksionon teknologjia në një projekt- pilot e si mund të aplikohet në zgjedhjet e ardhshme në të gjithë vendin. Por demokratët dhe socialistët ndahen te qarku i dytë ku do të zbatohet votimi e numërimi elektronik; opozita propozon Fierin, ndërsa socialistët Tiranën, por jo të gjithë qarkun, por vetëm disa njësi në bashkinë e kryeqytetit.
PËRGJIGJET
Në përgjigjen që i kthejnë letrës së Komisionerit Shtetëror të Zgjedhjeve, si PS edhe PD janë dakord që një nga qarqet të jetë Korça, por ndahen për qarkun e dytë. Shumica propozon disa qendra votimi në Tiranë, ndërsa opozita qarkun e Fierit. Një fakt tjetër që bie në sy është që, në shkresën e firmosur nga përfaqësuesi ligjor i socialistëve në KQZ, flitet vetëm për votim elektronik dhe jo për numërim, mbase kjo sepse e marrin të mirëqenë faktin se, nëse do të votohet në mënyrë elektronike, automatikisht edhe numërimi do të jetë në të njëjtën mënyrë. Ndërsa
VOTIMI
Në 25 prill, qytetarët e dy qarqeve në Shqipëri për herë të parë do të votojnë në mënyrë elektronike e nuk do të përdorin fletën tradicionale të votimit. PD- ja dhe PSja kanë rënë dakord që votimi dhe numërimi elektronik të aplikohet në Korçë. Ky qark është zgjedhur për shkak se është një zonë e qetë, e cila përfshin të gjitha karakteristikat.
PROCESI
Procesi i identifikimit elektronik të zgjedhësve është një hap para, pasi kompania “Smartmatic” ka sjellë ofertën e saj, që kushton 20 milionë dollarë, për të realizuar projektin në të gjithë Shqipërinë dhe deri më tani duket se asnjë prej palëve nuk ka kritika për këtë kompani.
demokratët kanë zgjedhur të jenë më specifikë dhe kërkojnë që projekti- pilot për votimin dhe numërimin të jetë në qarqet Fier dhe Korçë. Socialistët shprehen se arsyeja pse kanë zgjedhur qarkun e Tiranës lidhet me cilësinë e internetit, që është më i mirë në kryeqytet, dhe shmanget në këtë mënyrë çdo problem që mund të lindë ditën e zgjedhjeve. Duke pasur përballë 2 propozime të ndryshme, tani mbetet në zgjedhjen e KQZ- së për të vendosur se në cilin prej 2 qarqeve, Tiranës apo Fierit, do të aplikohet projektipilot. Sipas marrëveshjes së 5 qershorit, në Kodin Zgjedhor u përcaktua që në zgjedhjet parlamentare të 25 prillit të aplikohej teknologjia në zgjedhje, fillimisht në disa qendra votimi, që të përbëjnë jo më pak se 10 për qind të votuesve të regjistruar në
rang kombëtar. Ndërkohë KQZ- ja po shqyrton dokumentacionin e së vetmes kompani që ka shfaqur interes për të ndërtuar sistemin e identifikimit elektronik “Smartmatic”. Kompania me seli në Londër ka kërkuar afro 20 milionë euro pa TVSH për zbatimin e këtij projekti.
PROPOZIMET
PD ka sugjeruar që projekti- pilot për votimin dhe numërimin elektronik për zgjedhjet e ardhshme të aplikohet në Fier dhe në Korçë. “Z. Komisioner. Në përgjigje të shkresës suaj nr. 2646. datë 28.12.2020 mbi zbatimin e teknologjisë në zgjedhjet e datës 25 prill 2021 për Kuvendin e Shqipërisë, ju bëjmë me dije se opinioni i Partisë Demokratike është që projekti- pilot për votimin dhe numërimin elektronik të realizohet në qarqet Fier
dhe Korçë”, thuhet në shkresën që mban firmën e sekretarit të Përgjithshëm, Gazment Bardhi dhe që i është dërguar kryekomisionerit shtetëror, Ilirjan Celibashi. Edhe Partia Socialiste ka dërguar propozimin e saj në lidhje me projektin- pilot që do të përdoret për zgjedhjet e 25 prillit. PS- ja ka sugjeruar Korçën dhe Tiranën. “Ne subjekti politik, Partia Socialiste e Shqipërisë propozojmë bashkitë si më poshtë: Bashkia Korçë; Bashkia Tiranë në disa prej njësive administrative të kësaj bashkie, të cilat përzgjidhen sipas vlerësimit tuaj si institucion”, thuhet në letrën e firmosur nga përfaqësuesi ligjor i PS- së, Erdian Salianji. KQZ- ja iu drejtua me një letër partive politike më 29 dhjetor 2020, ku bënte thirrje për sugjerime se ku mund të aplikohen
projektet- pilote në këto zgjedhje. KQZ- ja është e detyruar që përdorimin e sistemeve ose pajisjeve të teknologjisë t’i zbatojë në
zgjedhje nëpërmjet projekteve- pilot në jo më pak se 10 për qind të numrit të zgjedhësve për çdo fazë të implementimit.