Pas Turqisë, Edi Rama sot takon Mitsotakis e Dendias në Athinë
Kryeministri në Muzeun e Ataturkut dhe në industrinë ushtarake: Mjetet janë mbresëlënëse! Diskutimi për ‘ Detin’, vendimin final do ta japë gjykata e Hagës
Kryeministri Edi Rama në ditën e dytë të vizitës në Ankara pati një axhendë më pak të ngarkuar se ajo e ditës së parë, ku u prit në një ceremoni mbresëlënëse nga presidenti turk Erdogan. Pas ceremonisë në Mauzoleumin Kemal Ataturk, ai zhvilloi një takim me zv. Presidentin Fuat Oktay, në Presidencën e Industrive të Mbrojtjes, i cili e ka shoqëruar për të parë atë që turqit e cilësojnë si zemrën e industrisë së tyre ushtarake. Mjetet e të gjitha llojeve të konceptuara e zhvilluara në vend dhe sistemet inteligjente të krijuara me burimet e brendshme, duket se e kanë impresionuar kryeministrin siç pohon dhe vetë me postimin që e shoqëron me pamje. Rama u vu në dijeni të mjeteve si dhe sistemeve inteligjente që zhvillohen nga Turqia. “Vizitë në zemrën e industrisë ushtarake turke, ku mjetet e të gjitha llojeve të konceptuara e zhvilluara në vend dhe sistemet inteligjente të krijuara me burimet e brendshme, janë tejet mbresëlënëse”, shkruante Rama në ‘ Facebook’. Kryeministri shoqërohej nga disa anëtarë të kabinetit të tij ndërkohë që më herët gjatë ditës së djeshme vizitoi edhe muzeun e Ataturkut. Por si për të gjithë vizitën zyrtare në Ankara zyra e tij e shtypit ka qenë tejet e rezervuar të japë informacione apo detaje mbi
BISEDA
Vizita e paralajmëruar në Athinë vjen menjëherë pas vizitës së tij në Stamboll ku u prit me ceremoni që tërhoqi vëmendjen. Pak ditë para udhëtimit në Turqi, Rama bisedoi në telefon me ministrin e jashtëm grek. Të dyja vizitat po zhvillohen edhe në kontekst të tensioneve dhe diskutimeve që kanë të bëjnë me zgjerimin 12 milje të Greqisë në det dhe marrëdhënies së tensionuar greko turke.
çka u diskutua në takimin e Ramës me Oktay- n. Pas jehonës që ngjalli jo vetëm në Tiranë, pritja pompoze që iu rezervua Ramës nga Presidenti Erdogan, mësohet se kryeministri do të vizitojë sot Athinën. E vetmja gjë që pohohet nga kabineti i tij është se nuk do të jetë një vizite zyrtare, por nuk zbulojnë asnjë pikë të axhendës së tij. Mësohet se në krye të axhendës është një takim me kryeministrin Mitsotakis. Kryeministri do të mbërrij paraditen e sotme në orën 11: 30 në Greqi, dhe në vazhdim do të zhvillojë një takim “kokë më kokë” me ministrin e jashtëm, Nikos Dendias. Në
vazhdim do të drekojë në kryeministrin Mitsotakis dhe do të largohet rreth orës 15: 30 nga Greqia. Kjo vizitë e paralajmëruar vjen menjëherë pas vizitës së tij në Stamboll ku u prit me ceremoni që tërhoqi vëmendjen. Pak ditë para udhëtimit në Turqi, Rama bisedoi në telefon me ministrin e jashtëm grek. Të dyja vizitat po zhvillohen edhe në kontekst të tensioneve dhe diskutimeve që kanë të bëjnë me zgjerimin 12 milje të Greqisë në det dhe marrëdhënies së tensionuar greko turke. Kjo është hera e dytë brenda pak muajsh që Rama menjëherë pas takimeve me Erdoganin ka vizituar
dhe Athinën duke shtuar jo pak aludimet mediatike në një kohë që Greqia e Turqia janë dy vende që kohet e fundit kanë një marrëdhënie të tensionuar për zona ekskluzive të diskutueshme në Mesdheun lindor. Ende nuk ka asnjë informacion se çfarë është diskutuar në takimin kokë më kokë mes kryeministrit Rama dhe Presidentit Erdogan, por ajo çfarë dihet është se Shqipëria ka ende të hapur çështjen e kufirit detar me Greqinë. Fqinji ynë jugor ka nisur përgatitjet për mbylljen e gjireve të saj në detin Jon, ndërsa qeveria shqiptare ende vijon ta shoqërojë këtë proces me mungesë të transparencës.