Moti i keq shkakton përmbytje në disa qytete, uji vërshon në rrugët e Vlorës dhe të Durrësit
IGJEUM vazhdon me paralajmërimet: Ja cilat zona rrezikojnë përmbytjen Reshjet e dendura të shiut, dalin nga shtrati lumenjtë Shkumbin, Ishëm, Bistricë dhe Vjosa
Reshjet e dendura të shiut kanë pushtuar vendin tonë, duke shkaktuar përmbytje në zona të ndryshme. Në Vlorë, rrugët e portit të qytetit bregdetar janë mbushur me ujë duke sjellë problematika të mëdha në qarkullimin e mjeteve. Sipas, ndërmarrjes së shërbimeve publike stacioni pompimit ka vijuar punën me intensitet të plotë. Ndërkohë situata është zgjidhur në terren duke përdorur kanalet e ujërave të zeza. Mësohet se shirat e shumtë kanë rritur ndjeshëm prurjet në lumin Vjosë. Sipas kreut të Njësisë Administrative Novoselë, prurjet janë të theksuara aktualisht në zonën e Memaliajt, në lartësinë 1 metër, ndërsa priten prurje pas 10- 12 orësh në urën e Mifolit. Kjo zonë është gjithmonë e rrezikuar nga përmbytjet në kohën kur reshjet e shiut janë të dendura. Shirat e rënë ditën e djeshme kanë shkaktuar daljen nga shtrati të ujërave të lumit Bistricë, duke shkaktuar vështirësi në lëvizjen e makinave në aksin nacional Sarandë– Gjirokastër. Ndërsa, janë përmbytur dhe disa banesa e rrugë në Finiq. Reshjet e dendura të shiut kanë sjellë disa problematika në zona të ndryshme, përfshirë edhe Sarandën. Edhe qyteti bregdetar i Durrësit është përfshirë dje nga shirat e dendur. Kjo ka shkaktuar përmbytje në qytet dhe vështirësi në lëvizjen e qytetarëve dhe mjeteve. Këto përmbytje ishin paralajmëruar nga IGJEUM një ditë më parë për shkak të reshjeve të shiut. Kjo situatë pritet të zgjasë për ditë me radhë në Durrës dhe jo vetëm. Në një zonë tjetër të vendit, lumi Ishëm ka dalë nga shtrati duke përmbytur disa dhjetëra hektarë tokë bujqësore. Aktualisht nuk ka banesa që rrezikohen, por ka disa banesa të rrethuara nga uji në pjesën fundore të fshatit Murqinë. Shirat e shumtë gjate ˜ nate ˜ s të së mërkurës kane ˜ sjelle ˜ probleme te ˜ shumta edhe ne ˜ Rrogozhine ˜ . Prurjet e shtuara te ˜ lumit Shkumbin kane ˜ shkaktuar daljen e tij nga shtrati dhe përmbytjen e disa zonave prane ˜ tij, konkretisht në fshatin Rreth- Greth dhe
Gosë. Emergjencat Civile të Prefekturës Elbasan bëjnë me dije se në qarkun Elbasan gjatë 24 orëve të fundit kemi pasur reshje shiu me intensitet të ulët dhe mesatar. Në aksin rrugor nacional Elbasan- QafëThanë në Pishkash dhe tek Kthesa e Murrashit ka pasur rënie inertesh gjatë natës. Janë marrë masat nga firmat kontraktuese dhe është normalizuar situata. Qarkullimi nuk është ndërprerë, dhe vazhdon normalisht. Gjithashtu edhe në aksin rrugor Gramsh- Moglicë në vendin e quajtur Bratilë, ka pasur rënie të inerteve të cilat me ndërhyrjen e firmës kontraktuese janë pastruar. Nuk kemi probleme ne furnizimin me energji elektrike. Janë porositur strukturat e emergjencave në bashki dhe degët territoriale të jenë në gatishmëri për ndonjë situate që mund të vijë nga situata e motit këto ditë.
SITUATA NË VERI TË VENDIT
Në orët e para të mëngjesit të djeshëm, qyteti i Kukësit është përfshirë nga reshje shiu e bore mbi lartësinë 800 metra. Rrugët nacionale janë të qarkullueshme normalisht në të gjithë Qarkun Kukës. Nga firmat kontraktore që kanë në performance këto rrugë po punohet për mbajtjen në gatishmëri të tyre, si rezultat i rënies së inerteve në disa segmente të rrugëve. Nga raportimet e përgjegjësve të emergjencave civile të bashkive të Qarkut Kukës situata e rrugëve rurale është e mirë. Sipas emergjencave civile të prefekturës Kukës, furnizimi me energji elektrike është normal në të gjithë
Qarkun, përveç Njësisë Administrative Fajza të Bashkisë Has ku po punohet për riparimin e defektit nga OSHEE njësia Has. Ndërkohë, situata hidrike në kaskadën e Drinit ka një përmirësim të dukshëm në këtë fillim viti. Reshjet e ditëve të fundit por edhe të orëve të fundit kanë ndikuar në shtimin e prurjeve dhe rritjen e kuotës së liqenit e cila aktualisht ndodhet në 275 metra ndërsa prurjet 240 metër kub ujë në sekondë.
Në hidrocentralin e Fierzës po punohet me 3 turbina. Por, niveli aktual i Fierzës është ende larg nivelit maksimal të saj, një gjë e pazakontë për këtë stinë.
PARASHIKIMI I IGJEUM
Instituti i Gjeoshkencave, Energjisë, Ujit dhe Mjedisit ka bërë parashikimin e situatës së përmbytjeve në vend. IGJEUM, parashikon se nga data 7 deri në 11 janar priten reshje shumë intensive, pothuajse në të gjithë territorin e Shqipërisë që do të sjellin rrezik përmbytjesh prej lumenjve në vend. “Sipas llogaritjeve të IGJEUM, përgjatë datave ( 7 - 11 janar 2021) priten reshje shumë intensive, pothuajse në të gjithë territorin. Nga llogaritjet hidrologjike të IGJEUM, këto reshje do të sjellin rritje të rrezikshme të prurjeve në lumenjtë e mëdhenj dhe të mesëm Drin- Buna, Mat, Ishëm, Erzen, Shkumbin, Seman dhe Vjosë. Përmbytje mund të shkaktohen nga lumi Drin- Buna dhe Liqeni i Shkodrës me prurjet maksimale, të cilat parashikohen të arrijnë zonat e rrezikuara në datën 12 Janar 2021. Lumenjtë Mat, Ishëm, Erzen dhe Shkumbin do i arrijnë prurjet maksimale në fundin e datës 8 dhe 9 Janar 2021. Lumenjtë Seman dhe Vjosa parashikohen të rrezikshëm por me probleme më të vogla lokale të përmbytjeve. Shkalla e rrezikut nga përmbytjet lumore do varet edhe nga sasia e shkrirjes së dëborës si pasojë e rritjes së temperaturave. Përmbytje urbane dhe rrëshqitje të dherave mund të ndodhin gjithashtu në pothuajse të gjitha qarqet. Ky informacion do të përditësohet nga IGJEUM sipas llogaritjeve më të fundit hidrologjike dhe do të njoftoheni për çdo ndryshim në parashikimin e përmbytjeve,”- shkruhet në postimin e bërë nga IGJEUM.