Anila Denaj me përfaqësuesit e bizneseve: Tri paketat e nxitjes së punësimit
Ministrja e Financave dhe Ekonomisë: Në ndihmë biznesit të vogël; tatimfitim 0 Programet parashikojnë punësim në periudha 4, 8 ose 12- mujore
në përshtatje me profilin dhe nevojat e punëkërkuesit sipas vendit të lirë të punës. Ndërkohë punëdhënësit do ti ofrohet subvencionim në varësi të periudhës së punësimit të stafit.
PROGRAMI I PUNËSIMIT 4 - MUJOR
Programi i punësimit 4 - mujor ofron financimin e pagës në shumën 100% të pagës minimale në shkallë vendi, të përcaktuar sipas legjislacionit në fuqi, për 2 muaj për të gjithë pjesëmarrësit në program, të kompensuara në muajin e parë, dhe të katërt të kontratës; kontributet e detyrueshme shoqërore dhe shëndetësore ( pjesë e kontributit të punëdhënësit), të llogaritura në bazë të pagës minimale në shkallë vendi, të ofruara gjatë të gjithë kohëzgjatjes së punësimit, të kompensuara çdo muaj.
PROGRAMI I PUNËSIMIT 8 - MUJOR
Programi i punësimit 8 - mujor ofron financimin e pagës në shumën 100% të pagës minimale në shkallë vendi, të përcaktuar sipas legjislacionit në fuqi, për 4 muaj për të gjithë pjesëmarrësit në program, të kompensuara në muajin e parë, të dytë, të shtatë dhe të tetë të kontratës; kontributet e detyrueshme shoqërore dhe shëndetësore ( pjesë e kontributit të punëdhënësit), të llogaritura në bazë të pagës minimale në shkallë vendi, të ofruara gjatë të gjithë kohëzgjatjes së punësimit, të kompensuara çdo muaj.
PROGRAMI I PUNËSIMIT 12 - MUJOR
Programi i punësimit 12 - mujor ofron subvencionim e kostove te financimit të sigurimeve të detyrueshme ( kontribut i punëdhënësit dhe punëmarrësit) në masën 100 %, të llogaritura në bazë të pagës minimale në shkallë vendi, të përcaktuara sipas legjislacionit në fuqi, të ofruara gjatë të gjithë kohëzgjatjes së programit, të kompensuara çdo muaj. Agjencia Kombëtare e Punësimit dhe Aftësive është institucioni përgjegjës për regjistrimin e punëdhënësve të interesuar dhe ndjek procedurat për përfitimet nga këto programe të punësimit.