‘ Marrëdhënia strategjike Shqipëri- Greqi’, Rama në shtëpinë e Mitsotakis

“Bëmë një bilanc të raporteve mes dy vendeve dhe problematikave rajonale”

Kryeministri Edi Rama sapo mbylli një vizitë dy ditore në Turqi, dje pati një tjetër axhendë në Athinë. Në axhendën e vizitës jozyrtare të Edi Ramës dje ishte një takimin me ministrin e Jashtëm Nikos Dendias dhe një drekë pune me homologun Kyriakos Mitsotakis. Kryeministri Edi Rama u shpreh falënderues ndaj homologut grek Kyriakos Mitsotakis, pas takimit të zhvilluar në shtëpinë e tij në Athinë, që sipas tij i la një shije të shkëlqyer për mikëpritjen. Në një postim në rrjetet sociale, Rama shprehet se mes tij dhe Mitsotakis- it është diskutuar për situatën e krijuar nga koronavirusi, marrëdhëniet mes dy vendeve dhe vullnetin e plotë për ta zhvilluar bashkërisht më tej këtë raport. “Falënderues për shijen e shkëlqyer të mikpritjes në shtëpinë e kryeministrit Mitsotakis, ku bëmë një bilanc të situatës me Covidin, marrëdhënies mes dy vendeve tona dhe problematikave rajonale! Vullnet i plotë për ta zhvilluar bashkërisht më tej këtë marrëdhënie strategjike”,- shkruan Rama. Kryeministri fillimisht u prit nga ministri i Jashtëm grek Nikos Dendias dhe më pas dreka në shtëpinë e homologut grek Kyriakos Mitsotakis janë mbyllur. Duke shpërndarë disa foto nga takimi, Dendias zbuloi se kanë diskutuar për marrëdhëniet bilaterale mes dy vendeve, perspektivën e Shqipërisë për t’u integruar në BE dhe zhvillimet e fundit rajonale. Në përfundim të takimit kokë më kokë me kreun e qeverisë shqiptare, shefi i diplomacisë greke, bëri me dije në rrjetet sociale se me Edi Ramën bisedoi për tre çështje: marrëdhëniet mes dy vendeve, e ardhmja Europiane e Shqipërisë dhe zhvillimet e fundit në rajonin e Ballkanit. Në njoftimin e Nikos Dendias nuk specifikohet nëse në bisedën për zhvillimet në rajon, kryetemë ishin diferencat ose jo që ndajnë dy vendet për përcaktimin e kufirit ujor mes Shqipërisë dhe Greqisë para shqyrtimit nga gjykata ndërkombëtare të drejtësisë në Hagë. As në njoftimin e bërë nga vetë kreu i qeverisë, kjo si çështje nuk renditet në arsyet që çuan Edi Ramën në vizitën informale në Greqi, pas takimit zyrtar me presidentin e Turqisë, Rexhep Taip Erdogan. Vetë ministri i Jashtëm grek, Nikos Dendias zbardhi detaje nga takimi me kryeministrin Edi Rama në Athinë. Më 20 tetor, Shqipëria pranoi propozimin grek për të referuar në Gjykatën e Hagës çështjen e përcaktimit të zonave detare në detin Jon, në rast se negociatat dypalëshe nuk do të kishin sukses. Por mediat greke shkruajnë se marrëveshja ka provokuar një reagim të ashpër nga Ankaraja, pasi Rama ka pranuar publikisht të drejtën e Greqisë për të zgjatur vijën bregdetare në 12 milje. Po ashtu Dendias bën të ditur se edhe çështja e pandemisë u diskutua, gjithashtu, në takim. Duke qenë se vendi ynë ka mundësi të kufizuara për t’u furnizuar me vaksina për shkak se nuk jemi pjesë e BE, teksa kujton se mijëra shtetas shqiptarë jetojnë në Greqi dhe shpesh lëvizin në Shqipëri për periudha të shkurtra kohore, Dendias konfirmon se Greqia ka në qendër të saj promovimin e kuotës që do të vendoset së shpejti në nivelin evropian, për vendet fqinje,

DREKA

“Për një drekë pune me kryeministrin Mitsotakis, për të diskutuar mbi koordinimin e mëtejshëm në luftën e përbashkët kundër COVID- 19, forcimin e mëtejshëm të marrëdhënieve strategjike mes dy vendeve, bashkëpunimin rajonal dhe integrimin evropian të rajonit tonë”, - shkruan kryeministri Rama. kryesisht në Ballkanin Perëndimor. Në harkun e katër muajve, jo zyrtarisht Edi Rama takohet dy herë me Kyriakos Mitsotakis. Nëse në të parin, dy drejtuesit u dakordësuan që kufiri detar mes dy vendeve të gjykohet nga drejtësia ndërkombëtare, në të dytin, Kyriakos Mitsotakis e pret homologun e tij pas dekretit presidencial për t’u shtrirë me 12 milje në detin Jon. Për këtë vendim të shtetit fqinj Edi Rama është deklaruar se Greqia është në të drejtën e saj bazuar në Konventën e të Drejtës së Detit ashtu siç edhe Shqipëria veproi me Italinë në 1990.