Meta dekreton 5 ligje për zgjedhjet: Të ndëshkohet rreptësisht cenimi i votës
Presidenti thirrje tri institucioneve: Të mbrohen zgjedhjet e 25 prillit “SPAK, Prokuroria e Përgjithshme dhe KQZ të marrin të gjitha masat”
Kreu i Shtetit, Ilir Meta dekretoi dje paketën e ligjeve, të dakordësuar nga Këshilli Politik dhe të miratuar në Kuvend, e cila i jep SPAK- ut kompetencë të hetojë shitblerjen e votës, ndërsa bashkëpunëtorët e drejtësisë do të amnistohen nga krimet zgjedhore. Kreu i Shtetit Meta kërkon nga SPAK, Prokuroria e Përgjithshme dhe KQZ që të marrin të gjitha masat e nevojshme për të shmangur cenimin e zgjedhjeve parlamentare. “Presidenti Meta, me dekretimin dhe hyrjen në fuqi të këtyre ligjeve, kërkon nga organet e caktuara me ligj, Komisioni Qendror i Zgjedhjeve, Prokuroria e Posaçme Antikorrupsion ( SPAK), Prokuroria e Përgjithshme, ILDKPKI dhe çdo organ tjetër, që ka kompetenca ligjore sipas këtyre ndryshimeve, të marrin të gjitha masat e nevojshme dhe të rrisin bashkëpunimin ndërmjet tyre, me qëllim hartimin e akteve nënligjore të nevojshme dhe implementimin objektiv të këtyre ndryshimeve”, thuhet në njoftimin e presidencës. Me dekretimin e 5 ligjeve të dakordësuara nga PD dhe PS, dhe që ndikojnë drejtpërdrejt te zgjedhjet parlamentare të 25 prillit, SPAK do të ketë kompetencë për të hetuar krimet zgjedhore. Konkretisht Presidenti i Republikës, Ilir Meta dekretoi dje me shpallje 5 ligje të miratuara nga Kuvendi i Shqipërisë në datën 17 dhjetor 2020, që ishin evidentuar si të nevojshme për t’u realizuar mes forcave politike, në dakordësinë e arritur me marrëveshjen e 5 qershorit 2020 dhe që lidhen me mbarëvajtjen e proceseve zgjedhore. Në një njoftim nga zyra për shtyp e kreut të shtetit thuhet se Meta ka dekretuar me shpallje: “Ligjin nr. 146/ 2020, “Për disa shtesa dhe ndryshime në ligjin nr. 7895, datë 27.1.1995, ‘ Kodi Penal i Repub
KËRKESA
“Çdo fenomen negativ, që vendos në rrezik apo cenon sadopak lirinë e votës, apo synon deformimin e vullnetit të sovranit, duhet të ndëshkohet rreptësisht, në funksion të ruajtjes së legjitimitetit të procesit zgjedhor, deri në certifikimin përfundimtar të rezultateve”, thuhet në njoftimin e Presidencës.
likës së Shqipërisë’, të ndryshuar”; Ligjin nr. 147/ 2020 “Për një shtesë dhe disa ndryshime në ligjin nr. 7905, datë 21.03.1995, ‘ Kodi i Procedurës Penale i Republikës së Shqipërisë’, të ndryshuar”; Ligjin nr. 148/ 2020 “Për disa shtesa në ligjin nr. 97/ 2016,’ Për organizimin dhe funksionimin e prokurorisë në Republikën e Shqipërisë’”; Ligjin nr. 149/ 2020 “Për një shtesë në ligjin nr. 96/ 2016 ‘ Për statusin e gjyqtarëve dhe prokurorëve në Republikën e Shqipërisë’, të ndryshuar”; Ligjin nr. 150/ 2020 “Për disa
shtesa në ligjin nr. 60/ 2016, ‘ Për sinjalizimin dhe mbrojtjen e sinjalizuesve’”. Presidenti Meta, me dekretimin dhe hyrjen në fuqi të këtyre ligjeve, kërkon nga organet e caktuara me ligj, Komisioni Qendror i Zgjedhjeve, Prokuroria e Posaçme Antikorrupsion ( SPAK), Prokuroria e Përgjithshme, ILDKPKI dhe çdo organ tjetër, që ka kompetenca ligjore sipas këtyre ndryshimeve, të marrin të gjitha masat e nevojshme dhe të rrisin bashkëpunimin ndërmjet tyre, me qëllim hartimin e akteve nënligjore
të nevojshme dhe implementimin objektiv të këtyre ndryshimeve. “Çdo fenomen negativ, që vendos në rrezik apo cenon sadopak lirinë e votës, apo synon deformimin e vullnetit të sovranit, duhet të ndëshkohet rreptësisht, në funksion të ruajtjes së legjitimitetit të procesit zgjedhor, deri në certifikimin përfundimtar të rezultateve”, - thuhet në njoftimin e Presidencës. Edhe më herët Ilir Meta u ka bërë thirrje shqiptarëve që 25 prillin ta kthejnë në referendum për interesin kombëtar.