Zgjedhjet e 25 prillit, PD drejt finalizimit të marrëveshjes me aleatët
Opozita e bashkuar do ta nisë nga Shkodra fushatën zgjedhore
Demokratët janë drejt finalizimit të mar rëveshjes me aleatët për mënyrën e përfaqësimit të opozitës së bashkuar në zgjedhjet e 25 prillit. Përgjatë gjithë kësaj jave, PD ka zhvilluar takime me secilin prej aleatëve të saj, për të përmbyllur paktin për zgjedhjet parlamentare. Ajo që ka marrë dakordësinë e palëve është se aleatët tradicionalë do të garojnë nën siglën e PD- së dhe gjatë këtyre takimeve grupi negociator vetëm ka dëgjuar kërkesat e aleatëve për qarqet ku ata duan të kenë kandidatë në zonë të sigurtë ose jo. “Ne i kemi dhënë pretendimet tona, se ku pretendojmë të dalim në listë të sigurtë duke qenë se këto lista janë thuajse të mbyllura dhe ku pretendojmë që të dalim në listë për përfaqësimin në qarqe të ndryshme të Shqipërisë. Na është thënë që, pas negociatave që kanë zgjatur rreth një orë, na është thënë se brenda javës, pra deri të hënën do të na thonë që pranohet kërkesa jonë apo do të rregullohet diçka”, - shprehet Agron Duka kreu i PAA- së. Përveç Durrësit ku Agron Duka do të kandidojë vetë në pjesën fituese të listës së PD dhe Tiranës që është qarku më i madh; Partia Agrare ka kërkuar përfaqësim në disa qarqe kryesore. “Ne kemi struktura dhe mendojmë që në disa qarqe kemi kandidatura potenciale, të cilat mund të ndihmojmë, mund të shtyjnë për të fituar, mund të jenë edhe jo në pjesën fituese siç është Fieri, Shkodra, Korça, Elbasani”, - tha z. Duka. Teksa negociatat me aleatët vazhdojnë, tashmë është vendosur që LSI do të garojë me siglën e saj e Partia Demokratike me siglën e saj; por në disa qarqe regjistrimi i kandidatëve të LSI do të jetë fiktiv pasi mbështetësit e saj do të votojnë PD- së. Edhe Dashamir Shehi dhe Nard Ndoka janë të bindur se në zgjedhjet e 25 prillit koalicioni i djathë do të shkojë në një listë të vetme. Në daljet e fundit publike, ata janë shprehur të sigurt se kandidatët e partive të tyre, konkretisht LZHK dhe PDK, do të jenë bashkë në listat e PD- së jo vetëm si aleatë të qëndrueshëm dhe si parti të djathta, por edhe si pasojë e marrëveshjes së bërë midis tyre në 2019- ën. Gjatë ditëve të fundit, 4 muaj para zgjedhjeve, në selinë blu është diskutuar shumë midis kreut të PD- së, Lulzim Basha, dhe aleatëve për vendimin final që do të merret për formulën e koalicioneve dhe për pozicionin që do të kenë aleatët në lista. Sipas kryetarit të LZHK- së, formula e koalicioneve është një vendimmarrje që i takon Lulzim Bashës. “Po diskutojmë formulën e koalicionit me PDnë. I takon Bashës të vendosë për koalicionet”, tha Shehi. Ndërsa për demokristianin Nard Ndoka, marrëveshja mes PD- së dhe aleatëve është në fazën finale. “Po diskutojmë në nivel teknik dhe politik. Jemi në fazën finale për marrëveshjen”, u shpreh Ndoka. “Pritet që lista e kandidatëve për deputetë të mos ketë shumë surpriza sa u përket aleatëve. Ata do të jenë në listat e Partisë Demokratike”, shtoi në deklaratën e tij Shehi, duke e mbështetur atë në marrëveshjen e vitit 2019, kur opozita dogji mandatet. Sipas tij, Basha u ka premtuar aleatëve se ata do të marrin vendet që kanë pasur në zgjedhjet e ardhshme. Pavarësisht diskutimeve të shumta, Partia Demokratike ende nuk ka marrë asnjë vendim në lidhje me listat në zgjedhjet parlamentare të 25 prillit, ndërsa aleatët i kanë kujtuar edhe një
EKIPI
Pritet që gjatë kësaj jave, lideri i opozitës Lulzim Basha të mbyllë ekipin drejtues të PD në të gjitha qarqet dhe marrëveshjen me aleatët për të nisur nga Shkodra fushatën zgjedhore. PD ende nuk ka marrë asnjë vendim në lidhje me listat në zgjedhjet parlamentare të 25 prillit, ndërsa aleatët i kanë kujtuar edhe një herë kreut të PD- së premtimin e gati 2 viteve më parë, kur mbështetën vendimin e tij për djegien e mandateve.
herë kreut të PD- së premtimin e gati 2 viteve më parë, kur mbështetën vendimin e tij për djegien e mandateve. Pritet që gjatë kësaj jave, lideri I opozitës Lulzim Basha të mbyllë ekipin drejtues te PD ne te gjitha qarqet dhe marrëveshjen me aleatët për të nisur nga Shkodra fushatën zgjedhore.