Shpërndan certifikata pronësie si “dhuratë” për Vit të Ri, deputeti i PS shkel vendimin

KQZ nis procedura administrative edhe për drejtorin e Kadastrës

Komisioni Qendror i Zgjedhjeve ka marrë denoncimet e para për përdorimin e administratës në fushatë zgjedhore. KQZ bën të ditur se ka marrë dy denoncime për deputetin e PS në qarkun e Fierit, Bujar Çela dhe drejtorin e Kadastrës së Lushnjës, Arben Qalliu, pasi këta të fundit kanë shpërndarë certifikata pronësie një ditë para Vitit të Ri. Denoncimi sipas KQZ- së, ka ardhur pas postimit të fotografive në llogaritë e “Facebook” të Çelës dhe Qalliut. Për këtë arsye KQZ ka nisur procedurën administrative fillimisht ndaj drejtorit të Kadastrës së Lushnjës, i cili do të thërritet për të dhënë shpjegime pranë Komisionit Qendror të Zgjedhjeve për shkeljen e vendimit nr. 9, që ndalon përdorimin e administratës publike në fushatë elektorale. “Në Komisionin Qendror të Zgjedhjeve, janë raportuar dy denoncime në ndërfaqen e ‘ Aktiviteteve të Ndaluara’, në rubrikën ‘ Kallëzo’, për veprimtaritë e deputetit të PS, Qarku Fier, z. Bujar Çela, i cili ka publikuar në llogarinë e tij personale në ‘ Facebook’ disa foto me qytetarë të ndryshëm duke shpërndarë leje legalizimi të shtëpive të tyre në Njësinë Administrative Hyzgjokaj. Bazuar në denoncimet e raportuara, Komisioneri Shtetëror i Zgjedhjeve, ditën e hënë, më datë 11.01.2021, ora 12: 00, zhvillon seancën dëgjimore për shkelje të parashikuara në vendimin nr. 9, datë 24.12.2020 të Komisionit Qendror të Zgjedhjeve, me Arben Qalliu, Drejtor i Drejtorisë Vendore i A. SH. K Lushnjë. Bazuar në nenin 47 dhe 87 të ligjit nr. 44/ 2015 ‘ Kodi i Procedurave Administrative’, z. Qalliu ka të drejtën të paraqitet vetë ose me mbrojtës ligjor për të dhënë shpjegimet e tij, ditën e hënë, më datë 11.01.2021, në adresë Rr. Ibrahim Rugova, nr. 4, Tiranë”, thuhet në njoftimin e KQZ- së.

si një forcë përgjegjëse, serioze, e mirëorganizuar i ka dorëzuar 4 ditë më para se të përfundojë ky afat. Kjo tregon edhe njëherë se jemi një forcë politike e organizuar dhe serioze, kjo tregon edhe njëherë se zgjedhjet e 25 prillit janë zgjedhje shumë të rëndësishme për shqiptarët. Janë zgjedhje ku njëherë e përgjithmonë Shqipëria do të votojë kundër keqqeverisjes. Do të votojë kundër kësaj keqqeverisjeje që ka marrë peng vendin. Do votojë kundër Rilindjes që ka marrë peng vendin, që largoi të rinj e të reja nga vendi, kundër Rilindjes që e varfëroi në ekstrem Shqipërinë. Zgjedhjet e 25 prillit janë zgjedhjet për të pasur një mundësi më shumë, një shpresë më të madhe për të rinjtë dhe të rejat e këtij vendi. Zgjedhjet e 25 prillit janë beteja jonë historike për të krijuar mundësi punësimi për të rinjtë dhe të rejat, për të hapur vende të reja pune dhe për të kthyer shpresën te të rinjtë. Duhet të ndahemi njëherë e përgjithmonë nga një politikë e vjetër klienteliste, e

cila nuk mendon për hallet e qytetarëve, e cila nuk mendon për të hapur vende të reja pune, por mendon si të mbushin xhepat e tyre personalë, dhe ky është shembulli më i keq që Rilindja sot ka sjellë në Shqipëri”, - u shpreh Braimllari. Dy ditë më parë, Komisioneri Shtetëror i Zgjedhjeve zhvilloi një mbledhje ku është hedhur shorti për caktimin e partisë që do të propozojë anëtarin e shtatë të KZAZsë në zgjedhjet për Kuvendin e Shqipërisë të datës 25 prill 2021. Shorti ka përcaktuar që Partia Demokratike e Shqipërisë do të propozojë anëtarin e shtatë të KZAZ- ve të renditura me numër tek, ndërsa Partia Socialiste e Shqipërisë do të propozojë anëtarin e shtatë të KZAZ- ve të renditura me numër çift. Po sot është marrë vendim dhe “Për miratimin e formatit dhe specifikimeve të vulës të KZAZ, të vulës së KQV, vulës së kryetarit të KQV dhe të vulës rezervë të KQV”. Po ashtu janë miratuar dhe modelet dhe specifikimet e shenjave dalluese të logjistikës zgjedhore për zgjedhjet e ardhshme.