"Pastroni zonën", zbulohet detaje nga megaoperacioni antidrogë "Gjergjova"
Ja roli i katër zyrtarëve të policisë
Pas 7 muajsh hetime, Prokuroria e Posaçme goditi një grup të strukturuar kriminal që kultivonte kanabis në zonën e Skraparit. Sipas SPAK në këtë aktivitet kriminal rezulton të jenë përfshirë katër zyrtarë policie, tre prej të cilëve Klement Zeqo, Bardhyl Çela dhe Astrit Duro janë dërguar në burg, ndërsa Neritan Naska shef i stacionit të policisë Polican në arrest shtëpie. Ndaj tyre rëndojnë dyshimet për shpërdorim detyre. Në dosjen hetimore thuhet se oficerët e policisë mbanin kontakte direkte me drejtuesit e grupit kriminal që kultivonte kanabis në zonë dhe i informonte anëtarët e tij për çdo lëvizje të policisë. Në një nga bisedat e përgjuara dëgjohet polici Astrit Duro që orienton trafikantët të zhduknin drogën, pasi në zonë do të shkonin grupet e policisë për kontroll. Për Edmon Zotkon me detyrë administrator i Njësisë Administrative Tërpan e Fatos Lamaj, Kryeplak i fshatit Çorrogjaf është caktuar masa e arrestit në shtëpi, pasi ata nuk kanë informuar për kultivimin e kanabisit në zonat e tyre. Hetimi nisi në qershor të 2020 pas një referimi të bërë në Prokurorinë e Posaçme nga Shërbimi i Çështjeve të Brendshme dhe Ankesave, të cilit kishin në përgjim disa policë të dyshuar.
Nga përgjimet është provuar se grupi kriminal ka kultivuar kanabis në parcela dhe vende të ndryshme. Në të paktën 28 episode, rezulton se trafikantët kishin ngritur impiante vaditje dhe ambiente ku të mund të qëndronin punonjësit që merreshin me kultivimin e kanabisit, ndërsa disa magazina i kishin përshtatur për tharjen dhe ruajtjes e lëndës narkotike. Gjatë aksioneve që i paraprinë arrestimeve janë sekuestruar 5045 bimë narkotike dhe 176 kg hashash i gatshëm për t'u trafikuar. Operacioni ' Gjergjova' ka përfunduar me kapjen e personit të fundit që ishte shpallur në kërkim. Në pranga ka rënë shtetasi Teki Dusho, i cili u arrestua
NJOFTIM SHPALLJE ANKANDI
në qytetin e Durrës. Një prej të arrestuarve të operacionit antidrogë në Skrapar është Edmond Zotkaj, i cili dyshohej se është një i afërm i kryebashkiaku Adriatik Zotkaj. Por ky i fundit shprehet në një prononcim për ' Report Tv' se kjo nuk është e vërtetë. Zotkaj thotë se i arrestuari ka qenë kandidat i LSI- së për kryetar komune në vitin 2011, një
POLICËT
Të përfshirë në këtë aktivitet kriminal janë konkretisht punonjësit e policisë Neritan Naska ( Shef i Stacionit të
Policisë Poliçan), Klement Zeqo, Bardhyl Çela, Astrit Duro me detyrë punonjës policie, si dhe funksionarët publik, shtetasi Edmon Zotko me detyrë administrator i Njësisë Administrative Tërpan, Fatos Lamaj, me funksion Kryeplak i fshatit Çorrogjaf.
person me shumë influencë në zonë mirëpo u shpreh se nuk e ka aspak person të afërt në familje. "Edmond Zotkajn nuk e kam kushëri, nuk e mohoj gjakun nëse do e kisha. Është banor i zonës, ka qenë i punësuar, por nuk e kam kushëri. 2- 3 muaj më parë kur janë bërë verifikimet e para nga policia dhe e kanë thirrur në polici, unë e kam pushuar menjëherë nga puna, i kam edhe urdhrat e pushimit. Sa jam bërë me dije me këtë akuzë e kam larguar nga puna. Kam larguar edhe 3 kryepleq të tjerë në fshatrat që ka pasur sinjalizime nga policia dhe punonjës pyjorë që kanë detyrë të mbrojnë territorin, por që nuk kanë kryer detyrën. Edmond Zotkaj ka qenë kandidat i LSI- së për kryetar komunë në vitin 2011, por nuk ka fituar. E largova nga puna sapo më vunë në dijeni nga policia e Beratit që Zotkaj ishte thirrur nga policia në lidhje me kultivimin e kanabisit në Tërpan, ku ai mbulonte sektorin. Kjo ka ndodhur 2- 3 muaj më parë",- tha Adriatik Zotkaj.