Dita e dytë e fushatës së vaksinimit, 60 epidemiologë marrin dozën e parë të PFIZER
"Personat që kanë kaluar Covid mund ta injektojnë vaksinën"
Në ditën e dytë të vaksinimit në Sh qipëri, 60 epidemiologë kanë marrë dozën e parë të vaksinës në ambientet e "Air Albania". Brenda dy ditësh, 130 mjekë të dy spitaleve Covid dhe epidemiologë kanë injektuar vaksinën antiCovid. Sipas shefes së departamentit të sëmundjeve infektive në ISHP, Silva Bino, deri më tani asnjë prej këtyre personave nuk ka shfaqur efekte anësore pas injektimit të kësaj vaksine. "Vaksina ka efekte anësore, të cilat shfaqen zakonisht pas dozës së dytë. Efektet anësore të vaksinës janë një temperaturë që mund të shkojë deri në 38, dhimbje muskulare, dhimbje kyçesh, dobësi. Zakonisht këto simptoma zgjasin vetëm dy ditë",- tha Silva Bino. Ekspertët thonë se mbrojtja krijohet që me dozën e parë, por deri atëherë duhet bërë kujdes. "Mbrojtja më e lartë është pas dozës së dytë, megjithëse kemi një mbrojtje 70 deri në 80% pas dozës së parë fillim i mbrojtjes fillon pas javës së dytë",- u shpreh Bino. Shqipëria ka përcaktuar që do të kryejë vaksinimin me skenarin e dy dozave me 3 javë ndërmjet njëra- tjetrës. "Njerëzit do vaksinohen me dy doza dhe dozat i kemi të ruajtura për këta persona që të kenë mbrojte të plotë. Vaksinimi sot njihet në lidhje me parandalimin e vdekshmërisë dhe parandalimin e uljes së peshës në spitale. Aktualisht nuk kemi të dhëna të sakta në lidhje me transmetueshmërinë, pra sa e ndalojnë transmetueshmërinë në publik. Personat që kanë kaluar Covid mund ta injektojnë vaksinën sepse e para nuk e dinë nivelin e mbrojtjes dhe ne s'e dimë se sa të mbrojnë këto kundër
trupa. Njerëzit që kanë alergji nga produktet kozmetike merren në konsideratë",- tha Bino. Edhe ministrja Manastirliu shtoi se
vaksinimi do të jetë i kombinuar mes personelit mjekësor dhe të moshuarve në ditët në vijim. "Dita e djeshme ka vajtur mirë.
EFEKTET
"Vaksina ka efekte anësore, të cilat shfaqen zakonisht pas dozës së dytë. Efektet anësore të vaksinës janë një temperaturë që mund të shkojë deri në 38, dhimbje muskulare, dhimbje kyçesh, dobësi. Zakonisht këto simptoma zgjasin vetëm dy ditë",- tha Silva Bino.
Kemi vaksinuar 50 mjekë dhe infermierë. Kemi serinë tjetër të mjekëve dhe infermierëve, të dy spitaleve COVID, "Shefqet Ndroqi"- t dhe
Infektivit, pastaj vazhdojmë me treshin dhe katrën, por paralelisht, sot kemi filluar vaksinimin edhe të epidemiologëve. E kemi nisur tek
ata të Tiranës, Durrësit, Kavajës dhe Krujës e më pas në gjithë Shqipërinë", - informoi ministrja Manastirliu. Vaksina Pfizer është siguruar që të ruajë të gjitha karakteristikat e saj falë edhe ndjekjes me përpikmëri të procedurave të ruajtjes së saj në frigoriferë. "Vaksina ka ruajtur të gjitha karakteristikat e zinxhirit ftohës. Vjen nga Instituti i Shëndetit publik ku ruhet në frigoriferin - 80 gradë dhe sillet këtu", - u shpreh ministrja e Shëndetësisë. Ndërkohë që Kryeministri teksa pa nga afër procesin e vaksinimit falënderoi ekipet për punën e tyre. "Faleminderit për punën se keni bërë punë të jashtëzakonshme dhe keni qenë në risk gjatë gjithë kohës",- i tha ai një prej epidemiologeve që po merrte dozën e vaksinës në ato momente. Vaksinat antiCovid po mbahen në kushtet e ngrirjes në Institutin e Shëndetit Publik. Ajo transportohet në mjediset e stadiumit ku po kryhet procesi në temperaturën plus 2 deri ne plus 8 gradë. Pas hapjes së flakonit ai reziston deri në 2 orë në temperaturën e ambientit dhe 5 orë nëse ruhet në kushte frigoriferike plus 2 plus 8 gradë.