Takimi në KQZ, PD dhe PS pa konsensus për votimin e numërimin elektronik
PD: Të bëhet në Fier dhe Korçë. PS: Vetëm në 1 ZAZ, ka kosto të lartë
Partia Demokratike dhe Partia Socialiste nuk gjetën dje dakordësinë mes tyre për testimin e votimit dhe numërimit elektronik për zgjedhjet e 25 prillit. PS- ja nuk pranon që testimi të bëhet në Tiranë, Fier dhe Korçë. Për shkak të kostos së lartë, PS- ja pretendon që testimi të bëhet vetëm në një Zonë të Administrimit Zgjedhor ( ZAZ). Ky testim sipas PS- së, mund të bëhet nga KQZ- ja. Ndërkohë, Partia Demokratike i qëndron variantit që testimi të bëhet në Korçë dhe në Fier. Ndërsa në lidhje me votën e emigrantëve, nuk ka një vendim përfundimtar nga palët, dhe opozita nuk ka një verdikt final as po dhe as jo. PS- ja gjithashtu kërkon disa korrigjime teknike, ndërsa LSI- ja shprehet skeptike për postën. Për votën e emigrantëve deri më tani alternativa e PS- së është që ajo të bëhet me postë dhe se emigrantët duhet të regjistrojnë fillimisht vendbanimin e tyre. Komisioneri Shtetëror, Ilirjan Celibashi thirri dje në një takim përfaqësuesit e partive politike për të diskutuar teknologjinë në zgjedhjet e 25 prillit, një risi e këtyre zgjedhjeve parlamentare. Socialistët u përfaqësuan në takim nga Eridian Salianji, kurse demokratët nga Ivi Kaso. Identifikimi biometrik nuk ka marrë ende vulën përfundimtare për sa i përket kompanisë që ka shprehur interesin dhe ofertën e saj për pajis
PROPOZIMET
PS- ja nuk pranon që testimi të bëhet në Tiranë, Fier dhe Korçë. Për shkak të kostos së lartë, PS- ja pretendon që testimi të bëhet vetëm në një Zonë të Administrimit Zgjedhor ( ZAZ). Ky testim sipas PS- së, mund të bëhet nga KQZ- ja. Ndërkohë, Partia Demokratike i qëndron variantit që testimi të bëhet në Korçë dhe në Fier.
MBLEDHJA
Komisioneri Shtetëror, Ilirjan Celibashi thirri dje në një takim përfaqësuesit e partive politike për të diskutuar teknologjinë në zgjedhjet e 25 prillit, një risi e këtyre zgjedhjeve parlamentare. Socialistët u përfaqësuan në takim nga Eridian Salianji, kurse demokratët nga Ivi Kaso.
jet, që do të kushtojnë rreth 16 milionë euro pa TVSH. Për pilotimin e votimit elektronik, partitë politike ende nuk kanë rënë dakord për zonat zgjedhore, ku PD- ja ka propozuar Korçën dhe Fierin, ndërsa PS- ja Tiranën dhe Korçën. Gjithashtu LSI- ja ka rënë dakord me propozimet e demokratëve, kurse Bindja Demokratike ka rënë dakord për Tiranën. Sipas PD- së, nuk mund të pilotohet votimi në Tiranë, sepse janë më shumë se 20% e zgjedhësve në rang vendi. Tre muaj e pak nga data e zgjedhjeve, ende nuk është shpallur kompania që do të mundësojë për herë të parë
identifikimin biometrik. E vetmja që ka shfaqur interes është “Smartmatic”, me një fond limit të vendosur nga Komisioni Qendror i Zgjedhjeve prej 19 milionë dollarësh. Në fakt, deri më tani qeveria shqiptare i ka mundësuar KQZ- së për identifikimin biometrik vetëm 20 për qind nga 2 miliardë lekët që ka kërkuar. Procesi i pilotimit është edhe në një fazë më të vonë. Për të Komisioni Rregullator ende nuk ka një vendimmarrje ku do të zbatohet. Deri tani dy partitë kryesore, ajo socialiste sugjeron Korçën ose pjesërisht Tiranën, ndërsa selia blu, Korçën ose Fierin. Për këtë
projekt ende nuk është dhënë asnjë lek nga fondi 1 miliard. Vota e emigrantëve, edhe ky një proces i parashikuar për t’u përmbushur në zgjedhjet e prillit, është në fazë fillestare të diskutimit mes palëve. As mënyra e votimit, as kostoja financiare nuk janë vendosur. Për të tria këto procese që përmbushin detyrimet që imponon Kodi i ri Zgjedhor, përfaqësuesit e partive do të ulen për të shprehur qëndrimet apo diferencat mes tyre, me qëllimin që gjithçka e arritur në 5 qershor të mos ndëshkohet, jo vetëm për arsye financiare, por edhe dakordësie politike.