Basha firmos paktin me PAA- në, Duka futet te lista fituese në Durrës, LSI e vetme
Kreu i PR- së prezanton 36 kandidatët e Tiranës: Opozita jo qoshe rehatie e ndonjë partie Mediu: PD të jetë e ndershme, kërkojmë reciprocitet në hartimin e listave
Lideri demokrat Lulzim Basha firmosi dje marrëveshjen e parë me aleatin e Partisë Agrare Ambientaliste, Agron Dukën për të garuar me listë të përbashkët kandidatësh në zgjedhjet e 25 prillit. Basha ka pranuar që Duka të jetë në tre emrat e parë të listës së koalicionit në qarkun e Durrësit, praktikisht te pjesa fituese. Në 11 qarqet e tjera të vendit, PAAja do të ketë kandidatë në çdo qark, por jo në listën fituese. Ndërkohë që në përfundim të procesit zgjedhor votat e marra nga kandidatët e PAA- së do të mblidhen për t’u përkthyer në poste në rast se arrijnë të qeverisin vendin ose zgjedhjet e ardhshme. Kërkesat e mëparshme të Agron Dukës kanë qenë për kandidat të në një listë të sigurtë të PAA edhe në qarkun Fier dhe Tiranë. Kreu i PAA- së, Agron Duka pas firmosjes së marrëveshjes me Lulzim Bashën u shpreh i kënaqur për të qenë pjesë e koalicionit opozitar për zgjedhjet e 25 prillit. Një kandidat i kësaj partie, që pritet që të jetë vetë Duka, do të jetë te lista fituese në Durrës. Duka deklaroi për mediat se pretendimet ishin më të mëdha, por shtoi ai më tej, rëndësi ka fitorja e opozitës. “Nuk ka kohë për të humbur. Kemi arritur një marrëveshje që në thelb ka interesin e opozitës për të qenë fituese në zgjedhjet e 25 prillit. Sigurisht që në kushte të tjera pretendimet dhe kërkesat e forcës që unë drejtoj do të ishin më të mëdha. Por ajo që ka më shumë vlerë tani është që çdo emër të përfaqësojë një zë opozitar për të sjellë një rezultat fitues. Kandidati i PAA në Durrës do të jetë pjesë e listës fituese, ndërsa kandidatët tanë do të jenë pjesë e listave të Partisë Demokratike në 12 qarqe të vendit” – u shpreh kreu i PAA- së. Gjithashtu, bëhet me dije se Lulzim Basha në vijim të punës për zgjedhjet e 25 prillit të 2021
AGRON DUKA
“Kemi arritur një marrëveshje që në thelb ka interesin e opozitës për të qenë fituese në zgjedhjet e 25 prillit. Sigurisht që në kushte të tjera pretendimet dhe kërkesat e forcës që unë drejtoj do të ishin më të mëdha. Por ajo që ka më shumë vlerë tani është që çdo emër të përfaqësojë një zë opozitar për të sjellë një rezultat fitues. Kandidati i PAA në Durrës do të jetë pjesë e listës fituese, ndërsa kandidatët tanë do të jenë pjesë e listave të PD në 12 qarqe të vendit”, – tha z. Duka.
LISTA
Lideri demokrat Lulzim Basha ka pranuar që Agron Duka të jetë në tre emrat e parë të listës së koalicionit në qarkun e Durrësit, praktikisht te pjesa fituese. Në 11 qarqet e tjera të vendit, PAA- ja do të ketë kandidatë në çdo qark, por jo në listën fituese.
vijon takimet me aleatët e tjerë. Po dje Lulzim Basha takoi edhe kreun e Partisë Republikane, Fatmir Mediu. Sa i përket aleatit kryesor të Bashës, LSI- ja do të dalë me listat e veta në zgjedhjet parlamentare.
PREZANTIMI
Lideri demokrat Lulzim Basha ende nuk ka mbyllur marrëveshjen me aleatin tradicional, kryerepublikanin Fatmir Mediu. Ndërsa bisedimet vazhdojnë Fatmir Mediu ka hedhur një hap drejt daljes më vete në zgjedhjet e 25 prillit. Mediu prezantoi dje 36 kandidatët e tij për qarkun e Tiranës duke i dhënë një mesazh kryetarit të PD Lulzim Basha. Gjatë fjalës së tij, Mediu u shpreh se po kërkon reciprocitet, respekt dhe vlerësim të njerëzve të PR- së, sepse beson tek vlera e partisë së tij. Ndonëse fitoren e sheh në krah të Partisë Demokra
tike, Lulzim Bashës në këto ditë të fundit që i kanë mbetur përpara regjistrimit të koalicioneve në KQZ i kërkon ndershmëri dhe vlerësim për kandidatët e propozuar nga partia e tij, ku vetë mendon të garojë në qarkun e Tiranës. “Kërkojmë reciprocitet dhe vlerësim të njerëzve të PR dhe peshës e ideve te PR. Ne duam të fitojmë me PD- në dhe i takon PD- së që të caktojë se cilat janë rrugët e fitores dhe e vetmja është rruga e ndershmërisë për të ndërtuar një koalicion vlerash dhe e vetmja mënyrë është kur respekton vlerat e çdo partie, dhe kush janë kandidatët që përcaktojnë këto vlera në mënyrë që në parlament nesër të jetë zëri i qytetarëve”, - deklaroi z. Mediu. Përpara bashkimit të shqiptarëve në 25 prill, kreu republikan shprehet se nevojitet bashkimi i së djathtës rreth vlerave dhe kon
tributeve të çdo force brenda saj. “Për të bashkuar shqiptarët në 25 prill të bashkojmë në radhë të parë atë që është identiteti politik i të djathtës, të përndjekurit politikë, pronarët, themeluesit e lëvizjeve demokratike. E djathta duhet të bashkohet por jo për të shërbyer si aneks apo qoshe për çdo politikan por në çdo qendër votimi për të garantuar zgjedhje të lira e të ndershme, duhet të ndërtojë një koalicion vlerash për besim”, - theksoi z. Mediu. Formula e koalicionit dhe pozicionimi i aleatëve në lista janë dy nga çështjet që Lulzim Basha po i negocion personalisht prej javësh me aleatët e tij. Parimisht është rënë dakord që në funksion të maksimalizimit të votave në disa qarqe opozita do të dalë me një listë të përbashkët, e në zona të caktuara të vegjlit do të kenë kandidatët e tyre.