Doli nga dera e shtëpisë për të shkuar në market, makina përplas për vdekje 10- vjeçaren në Tiranë
Shoqërohet drejtuesi i mjetit: Nuk mund ta shmangia aksidentin, më doli para Vajza e mitur jetonte prej 4 ditësh në atë banesë
Një vajzë 10- vjeçare humbi dje jetën në Tiranë, pasi u përplas nga një makinë. Mësohet se aksidenti ndodhi në orën 12: 30, në rrugën “Njazi Meka”. Në atë orë, vajza po dilte nga banesa e saj për të shkuar në market mirëpo u përplas për vdekje nga mjeti me drejtues Alban Gurin. Përplasja rezultoi fatale pasi e mitura nuk mundi t’ia dilte mbanë dhe pse u dërgua me urgjencë në spital. Në ato momente drejtuesi i mjetit u largua nga vendngjarja mirëpo u kap pak minuta më pas nga efektivët, të cilët e shoqëruan në komisariat. “Më datë 17.01.2021, rreth orës 12: 30, në rrugën “Njazi Meka”, mjeti me drejtues A. G., ka aksidentuar këmbësoren e mitur me iniciale A. P., 10 vjeçe, e cila si pasojë e plagëve të marra, ka ndërruar jetë në spital. Drejtuesi i mjetit është shoqëruar në Komisariatin e Policisë Nr. 4, për veprime të mëtejshme. Grupi hetimor dhe shërbimet e policisë ndodhen në vendngjarje dhe po punojnë për sqarimin e rrethanave të ngjarjes”, thuhej në njoftimin zyrtar të policisë së kryeqytetit.
Mësohet se vajza e mitur jetonte në atë banese prej katër ditësh, pasi ishte me qira së bashku me babain dhe vëllezërit e motrat. Dalja nga dera e shtëpisë rezultoi fatale për 10- vjeçaren, pasi nuk mundi të shpëtonte. Familjarët dhe fqinjët janë të tronditur nga ngjarja, pasi ka ndodhur shumë shpejt, dhe për pak ajo mund të kishte përfunduar në një tragjedi, pasi e mitura ndodhej në derë të shtëpisë së bashku me vëllanë e saj, sepse kishin qenë në supermarket për të blerë pambuk sheqeri. 10vjeçarja pasi është përplasur është dërguar menjëherë në spital, por ka ndërruar jetë si pasojë e plagëve të rënda që ka marrë. Shoferi është shoqëruar në Komisariatin e Policisë Nr. 4, për veprime të mëtejshme, ndërsa makinës së tij po i bëhet ekspertiza. Shkak i aksidentit dyshohet se ka qenë shpejtësia e lartë. Banorët e lagjes thonë se rruga “Ramë Sadria” është prob
FAMILJA E VAJZËS
Detaje të reja kanë dalë në dritë nga aksidenti që i mori jetën vajzës 10- vjeçare në Tiranë. Mësohet se e mitura kishte dalë nga shtëpia për të shkuar në dyqan për të blerë bashkë me një fëmijë tjetër. Familja e së miturës jeton me qira në këtë banesë dhe kishin vetëm katër ditë që kishin ardhur për të jetuar në këtë zonë. E mitura ishte jetime, ata janë katër fëmijë dhe jetonin vetëm me babain e tyre.
DESHMIA E SHOFERIT
Alban Guri, drejtuesi i mjetit që u përfshi në aksidentin që i mori jetën një 10- vjeçareje është shoqëruar në Komisariatin e Policisë Nr. 4. Në dëshminë e tij fillestare ka treguar se në momentin e aksidentit, e mitura ka dalë nga dera e shtëpisë dhe i ka prerë rrugën. Për pasojë, nuk ka mundur ta kontrollojë mjetin për të shmangur ngjarjen tragjike. “Nuk munda të shmang aksidentin”, është shprehur ai.
lematike dhe aksidenti ishte paralajmëruar. Sipas tyre rruga ka shumë lëvizje dhe mungesë trotuari, ndërkaq edhe makinat lëvizin me shpejtësi, duke rrezikuar jetën e banorëve. Ndërkaq, drejtuesi i mjetit Alban
Guri, ka rrëfyer në polici se nuk mundi kurrsesi ta shmangte aksidentin, pasi dera e banesës së vajzës ishte ngjitur me rrugën dhe se e vogla i kishte dalë para. Për pasojë, nuk ka mundur ta kontrollojë mjetin për të
shmangur ngjarjen tragjike. “Nuk munda të shmang aksidentin”- mësohet të ketë thënë shoferi. Aktualisht Alban Guri ndodhet në ambientet e komisariatit, aty ku do të qëndrojë derisa të njihet me masën e sigurisë.