COVID- 19, konfirmohen 474 raste të reja pozitive dhe 7 humbje jete brenda 24 orësh
Rreth 26 mijë pacientë aktivë, më shumë se gjysmat në kryeqytet
Kurba e koronavirusit në vendin tonë prej disa ditësh paraqitet e qëndrueshme. Respektivisht në 24 orët e fundit janë konfirmuar 474 raste të reja pozitive me sars cov2 si dhe 7 humbje jete. Të dhënat janë bërë me dije nga Ministria e Shëndetësisë dhe Mbrojtjes Sociale. "Ministria e Shëndetësisë dhe Mbrojtjes Sociale ju njeh me situatën e COVID- 19 në 24 orët e fundit si vijon: Janë kryer 2521 testime dhe kanë rezultuar pozitivë 474 qytetarë. Rastet pozitive të konfirmuara janë identifikuar në këto bashki: 167 raste në Tiranë, 39 raste në Vlorë, 35 raste në Durrës, 29 raste në Lushnje, 20 raste në Fier, Elbasan, 12 raste në Lezhë, 10 raste në Shkodër, Krujë, Kurbin, 9 raste në Berat, 8 raste në Kukës, Kamzë, Gjirokastër, Sarandë, Patos, 7 raste në Kavajë, Kuçovë, 6 raste në Librazhd, Dibër, 5 raste në Delvinë, 4 raste në Mat, Peqin, Gramsh, Poliçan, 3 raste në Divjakë, Përrenjas, Shijak, 2 raste në Korçë, Tropojë, Malësi e Madhe,
Bulqizë, 1 rast në Devoll, Has, Mirditë, Mallakastër, Tepelenë, Belsh, Himarë, Vorë, Cërrik",- bën me dije Ministria e Shëndetësisë. Në 24 orët e fundit janë shëruar 363 qytetarë, duke e çuar numrin e të shëruarve 40,453 që nga fillimi i epidemisë.
TË HOSPITALIZUAR DHE VIKTIMA
Aktualisht në 4 spitalet COVID, po trajtohen 282 pacientë, 30 në terapi intensive nga të cilët 4 pacientë janë të intubuar. Që prej fillimit të pandemisë në vendin tonë, numri i viktimave që kanë humbur jetën nga sars cov2 ka arritur në 1277 persona, pas 7 vdekjeve të djeshme. "Fatkeqësisht me gjithë përpjekjet e mjekëve 7 qytetarë nuk e kanë fituar betejën me COVID- 19: 3 qytetarë nga Tirana, 1 qytetar nga Vlora, 1 qytetar nga Lushnja, 1 qytetar nga Gjirokastra, 1 qytetar nga Shkodra të moshave 65- 83 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve",thuhet në njoftimin e Ministrisë së Shëndetësisë.
APELI
Ministria e Shëndetësisë dhe Mbrojtjes Sociale ju bëri
apel qytetarëve të mos e ulin vigjilencën në zbatimin e rregullave antiCOVID. "Vendosni maskën mbrojtëse në çdo ambient jashtë shtëpisë; shmangni grumbullimet dhe ruani distancimin fizik; kujdesuni për higjienën vetjake, vetëm kështu parandaloni përhapjen e COVID- 19. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes
për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID- 19 apo nëse keni nevojë për trajtim të specializuar spitalor në spitalet COVID",- apeloi MSH.