“’ Tirja’ i qeverisë i ka ditët të numëruara”, Basha: Shqiptarët do ta ndëshkojnë Ramën me votë
“Shqipëria, vendi me krizën ekonomike më të thellë në rajon”
Lideri demokrat, Lulzim Basha, zhvilloi dje një takim online me drejtuesit e lartë të Bashkimit Europian, të cilin e njoftoi vetë përmes një komunikimi me mediat pak minuta pas deklaratave të kryeministrit Edi Rama lidhur me qëndrimin e tij për BE. Basha gjatë u fokusua tek debati mbi vaksinat COVID19, transparencën mbi origjinën dhe koston e tyre si dhe në mënyrë të veçantë sasinë dhe kohën që ata do të vijnë në vendin tonë. Basha bëri të ditur se është në komunikim me autoritetet e BE- së për këtë çështje kaq të rëndësishme. Kreu i PD- së fajësoi Ramën për krizën ekonomike në të cilën ndodhet vendi duke e cilësuar më të thellën në rajon. Ai u shpreh gjatë një prononcimi për gazetarët se ka falënderuar BE- në për ndihmën që i ka ofruar Shqipërisë në këtë kohë krizë. Për këtë të fundit, kreu i opozitës bëri fajtor kryeministrin Edi Rama. “Sapo kam patur një komunikim në Zoom me disa prej përfaqësuesve më të lartë të BE- së, përfshirë dhe Komisionerin e Zgjerimit Varhelyi, kryetarin e Komisionit të Jashtëm në PE, David McCallister, drejtues të tjerë të KE- së, dhe PE- së, ku kam folur për ndihmën e madhe që BE i ka ofruar Shqipërisë. Një gjë është e qartë si drita e diellit, për shkak të dështimit të Edi Ramës, Shqipëria është sot në krizën më të thellë, krahasuar me vendet e rajonit. Në 8 vite Edi Rama ka rritur taksat duke u marrë shqiptarëve 3 mld euro. 97% e shqiptarëve paguajnë më shumë taksa se më parë. Numri i shqiptarëve që kanë humbur vendin e punës është më i larti në rajon. Ndihma ekonomike që qeveria shqiptarë ka dhënë është më i ulëti në botë. Kjo është arsyeja pse Shqipëria
DEKLARATA
“Lajmi i mirë është që ditët e kësaj qeverie janë të numëruara. ‘ Tirja’ i qeverisë, që iu ka marrë paratë shqiptarëve, biznesit shqiptar, në vend t’i kthejë në shërbime e investime ia ka dhënë një grushti klientësh, nuk mund të fshihet dhe as të fshehë dështimin e vet duke fajësuar BE. Është koha për ndryshim, për të larguar këtë qeveri dhe këtë kryeministër të papërgjegjshëm”,- deklaroi Basha.
është vendi me krizën më të thellë në rajon. Ky është realiteti dhe nuk mund të fshihet”, - informoi Basha.
AKUZA
Kreu i opozitës Lulzim Basha nuk la pas as ironitë teksa e krahasoi kreun e qeverisë me Tiren, sanitaren e spitalit Covid 2. Ai u shpreh se qeveria i ka ditët e numëruara. “Lajmi i mirë është që ditët e kësaj qeverie janë të numëruara. “Tirja” i qeverisë që u ka marrë para shqiptarëve, ku 97% e shqiptarëve paguajnë më shumë taksa dhe ua ka dhënë një grushti klientësh nuk mundet më të fshehë dështimin e tij, duke fajësuar këdo edhe BE”, - theksoi kreu demokrat. Basha bëri të qartë se opozita ka një plan konkret ekonomik dhe se më 25 prill nis rruga e ndryshimit. Përplasjen e kryeministrit Rama me vendet e Bashkimit Europian, sa i përket shpërndarjes së vaksinës, Lulzim Basha e sheh si tentativë të Edi
Ramës për të mbuluar dështimet e kreut të qeverisë. “Nuk mundet më të fshihet dhe as të fshehë dështimin e tij duke fajësuar këdo, përfshirë së fundmi edhe Bashkimin Europian”, - deklaroi z. Basha. Ndryshe nga kryeministri Rama, kreu i opozitës shprehet se vendeve mike u njeh jo pak merita për ndihmën që i kanë dhënë Shqipërisë.
MANDATI
Teksa Edi Rama mandatin e tretë e kërkon jo vetëm për premtimet e mbajtura, por edhe reformat e papërfunduara, Lulzim Basha e akuzoi për dështime në 8 vite qeverisje. “Një gjë është e qartë si drita e diellit. Për shkak të dështimit të Edi Ramës, Shqipëria është sot në krizën më të thellë ekonomike krahasuar me çdo vend tjetër të rajonit”, - deklaroi z. Basha. Aritmetikën e shifrave e ka të ndryshme nga ajo e kundërshtarit të tij politik, i cili foli për 225 mijë vende punë në
dy mandate qeverisje. “Numri i shqiptarëve që kanë humbur vendin e punës është më i larti në rajon dhe ndihma ekonomike që qeveria e Edi Ramës që i ka dhënë shqiptarëve, është më e ulëta në botë. Në 8 vite, Edi Rama i ka rritur taksat duke iu marrë shqiptarëve 3 miliardë euro më shumë. 97% e shqiptarëve, paguajnë sot më shumë taksa se 8 vite më parë. 40% pothuajse e të ardhurave të biznesit shkon kosto e taksave të rritura të Ramës”, - tha Basha. Sipas kreut të opozitës është koha për të larguar qeverinë dhe se për rimëkëmbjen e vendit, Partia Demokratike ka gati planin e saj ekonomik, që synon hapjen e vendeve të reja të punës dhe uljen e taksave. “Është koha për ndryshim. Ne, një plan për ringjalljen e ekonomisë. Bashkë me BE, do të ringremë sipërmarrjen shqiptare. Ka shpresë, ne do ta rikthejmë Shqipërinë në rrugën e rritjes dhe zhvillimit”, - tha Basha.