25 prilli, opozita e bashkuar brenda janarit publikon listën e kandidatëve

“Nuk kërkojmë privilegje”, Mediu: Të bashkohemi për fitoren e opozitës

Opozita e bashkuar brenda muajit janar do të publikojë listën e kandidatëve që do të garojnë për zgjedhjet parlamentare të 25 prillit. Aktualisht PD- ja po zhvillon negociata me aleatët e saj, ndërkohë që nuk ka përmbyllur ende marrëveshjet me PR- në, PDIU- në dhe PBDNJ- në. Parimisht marrëveshjen demokratët e kanë mbyllur me PAA- në e Agron Dukës, LZHK- në dhe PDK- në. PDIU dhe PR ende nuk janë gati për marrëveshje me PD- në. Te PDIU ka pakënaqësi, pasi më herët Vangjel Dule ka dalë deputet nga listat e PD- së. Këtë herë Dule mund të kandidojë në qarkun e Korçës. Vështirësinë e këtyre negociatave e pranoi edhe Fatmir Mediu, i cili i kërkoi kryedemokratit që të vlerësojë peshën elektorale të forcës politike që ai drejton, bazuar në historikun e votave të republikanëve, të cilët kanë prodhuar në zgjedhje 4 mandate deputetësh. Kreu i LZHK- së, Dashamir Shehu konfirmoi dje se lista e kandidatëve do të bëhet publike javën e fundit të janarit. “Disa thonë këtë javë, por maksimumi javës tjetër do të jetë gati, shqiptarët do të mund të njihen me kandidatët”, - deklaroi z. Shehi për “TCH”. Shehi e sheh marrëveshjen mes partive të djathta si domosdoshmëri. “Të gjitha grupet e reja që kanë dalë nga PD- ja, siç kam dalë unë para 20 vitesh, ia vlen të bashkohen, sepse vendi është në krizë të madhe. Ky mund të jetë ‘ teatri’ i fundit që luhet me demokracinë shqiptare, dhe unë gjykoj që vërtet mund të mos jemi të kënaqur me Bashën, por një përsëritje e mandatit të Ramës do të thotë vdekje klinike e demokracisë në Shqipëri. Do t’u kërkoja kolegëve opozitarë ta mendojnë këtë punë, që do të shërbejë për rrëzimin e një qeverie që ka një rrezik shumë të lartë”, - deklaroi z. Shehi. Por apelin e tij, kryetari i LZHKsë e shtrin përtej partive politike: “Po i bëj edhe njëherë ftesë, jo vetëm PD- së, hajde të bëjmë një front të madh.

DASHAMIR SHEHI

“Ky mund të jetë ‘ teatri’ i fundit që luhet me demokracinë shqiptare, dhe unë gjykoj që vërtet mund të mos jemi të kënaqur me Bashën, por një përsëritje e mandatit të Ramës do të thotë vdekje klinike e demokracisë në Shqipëri. Do t’u kërkoja kolegëve opozitarë ta mendojnë këtë punë, që do të shërbejë për rrëzimin e një qeverie që ka një rrezik shumë të lartë”, - deklaroi z. Shehi.

Përtej partive, do të nxisja sindikatat, intelektualët, opinionbërësit. Të gjithë duhet ta kuptojnë rrezikun që i kanoset demokracisë në Shqipëri dhe duhet të bashkohen në interes të vendit”. Sipas tij, nuk është koha për inate, kështu që propozon idenë e një koalicioni të madh “me PD- në në krye, nga Topi te Topalli”, duke lënë mënjanë çdo mosmarrëveshje të mëparshme.

MOSMARRËVESHJET

Kreu republikan, Fatmir Mediu gjatë prezantimit të kandidatëve në Shkodër deklaroi se ajo që kërkojnë, është që të ndërtojnë një raport të drejtë, “në mënyrë që dhe votat e PR në Kukës, në Dibër, në Gjirokastër, apo në çdo rreth, t’i shtohen PD- së”. Sipas Mediut, “edhe në këtë rast interesi është i PD- së”. Mediu nënvizoi se PD- së i duhen votat e PR- së ndaj, “ajo që i kemi kërkuar PD është, le të vendosim disa kritere, të cilat janë të barasvlershme për Partinë Demokratike, për PDK, për PBDNJ, për PDIU dhe të gjitha partive që janë në koalicion”. “PD në vitin 2013 në Shkodër, për 40 vota nuk ka marrë mandatin e deputetit. Pyetja është e thjeshtë: A i duhen PD- së 4,800 votat e PR- së? Unë mendoj që, po të bëjmë një aritmetikë të thjeshtë, patjetër i duhen, se

në 2017- ën humbëm edhe 4000 vota të tjera. Pra duhet të shtojmë për të marrë mandatin e pestë edhe 4000 të tjera. Atëherë si mund të përjashtojmë nga procesi kandidimin e njerëzve të Partisë Republikane? Ajo që i kemi kërkuar PD- së është e tillë; le të vendosim disa kritere, kritere të cilat janë të barasvlershme për PD, për PDK, për PBDNJ, për PDIU dhe të gjitha partive që janë në koalicion, sepse një transparencë dhe kritere të barabarta, ndërtojnë një raport të drejtë, në mënyrë që edhe votat e Partisë Republikane në Kukës, në Dibër, në Gjirokastër, apo në çdo rreth, t’i shtohen PD- së dhe në këtë rast interesi është i PD- së. Por si mund të shtohen votat e PRsë, në qoftë se PR përjashtohet nga mundësia e kandidimit në Shkodër? Nuk kërkuam privilegj, as zonë të lirë, por po kërkojmë njerëz që të kontribuojnë në fitoren e opozitës. Prandaj të bashkohemi në Shkodër dhe mbarë Shqipërinë në 25 prill, për ta rikthyer vendin në rrugën dhe vlerat europiane”.

PREZANTIMI

Edmond Spaho u prezantua dje me strukturat e PD- së në Korçë, një ditë pasi u zgjedh drejtues i këtij qarku. Në një deklaratë për mediat, Spaho tha se vendimi për zgjedhjen e tij ishte kolegjial

dhe shprehu bindjen se do të dalin forcë e parë. “Kam gjetur një angazhim shumë të madh të strukturës. Vendosja ime në krye të qarkut ka qenë vendim kolegjial, i vendosur nga zoti Basha dhe i diskutuar me strukturat vendore. Është kënaqësi të rikthehem në Korçë. Do të dalim forca e parë në zgjedhjet qendrore të 25 prillit. Duhet ta heqim këtë të keqe ( qeverinë) nga ky vend”, - tha Spaho. Ndërkohë, ish- deputeti i PDsë, Ervin Salianji gjatë takimit me strukturat në Korçë shprehu bindjen se demokratët synojnë 6 mandate dhe do të luftojnë për të 7in. “Spaho sjell edhe një kapacitet të ri, një element me shumë rëndësi për PD- në në qarkun e Korçës, që qarku të ketë gjashtë mandate për PDnë, dhe do luftohet për mandatin e shtatë. Nuk ka asnjë diskutim që emërimet e sforcuara që bën Edi Rama për t’u dhënë ‘ pilula’ drejtuesve të vet politikë, tregojnë jo vetëm dëshpërimin e tyre, pamundësinë për t’u përballur me gjithë premtimet që i kanë bërë Korçës, por edhe me gjithë abuzimin që ka bërë duke e kthyer qytetin në një çiflig personal, për 2- 3 persona. Si drejtuesi më i lartë politik, ndihem borxhli, por edhe krenar për secilin”, - u shpreh Salianji.