Panik në Lezhë, banorët alarmohen pas dy shpërthimeve dhe ‘ ngrenë në këmbë’ policinë: U trondit e gjithë zona!

LEZHË– Dy shpërthime të fuqishme kanë tronditur Lezhën dhe Shëngjinin mbrëmjen e sotme. Dosja. al mëson se shpërthimet kanë ndodhur të dy brenda një minuti, njëri pas tjetrit. Konkretisht, shpërthimi i parë është regjistruar në orën 19: 40, me vendndodhje ne Ishull Shëngjin, ndërsa i dyti në orën 19: 41 me vendndodhje në Ishull Lezhë.

Policia e Lezhës është vënë në alarm nga banorët e zonës, të cilët kanë telefonar menjëherë autoritetet, pasi është tronditur e gjithë zona e Lezhës dhe e Shëngjinit. Një prej banorëve, mësohet të ketë thënë se kanë dëgjuar zhurmën që kanë krijuar dy shpërthimet. Ai tregon se në momentin që janë tronditur po hanim bukë dhe janë trembur. Sipas banorit, shtëpia u drodh dhe të gjithë kanë dalë jashtë, ndërkohë që kanë menduar mos bëhet fjalë për ndonjë tsunam. Efektivët blu kanë zbarkuar në terren për të mësuar detaje dhe rrethanat e ngjajres.

Shpërthimet në Lezhë, banori rrëfen frikën nga tronditja: Po hanim bukë kur u drodhën shtëpitë, mos është tsunam se erdhi nga ajri Banorët në Lezhë kanë rrëfyer tmerrin që kanë ndjerë pas dy shpërthimeve të fuqishme që u raportuan mbrëmjen e sotme në Lezhë dhe Shëngjin. Një prej banorëve tregon se në momentin që janë tronditur po hanim bukë dhe janë trembur. Ai shton se shtëpia u drodh dhe të gjithë kanë dalë jashtë, ndërkohë që kanë menduar mos bëhet fjalë për ndonjë tsunam. “Ama ça goditje ishte. Ne po hanim bukë, ishte një goditje e jashtëzakonshme, shtëpia u drodh, dolëm në sekond përjashta. Kur erdhi goditja tjetër, ishte goditje nga ajri, ishte nga ajri dhe kanë shpërthyer në ajër. Ishin dy goditje punë sekondash. Kam lajmëruar operativin e zonës, ata thanë nuk dimë asgjë. Ne kishim frikë, mos vjen ndonjë tip cunami. Dolëm jashtë nga frika, por nuk pamë gjë, për mua ishin goditje nga ajri,”- tha banori.