ATP zbardh listën: Emrat e pronarëve që do të marrin kompensimin financiar

Pagesat përkatëse për secilin do të jenë disponibël në llogaritë e tyre në bankat e nivelit të dytë Si do të ndahen rreth 630 milionë lekë, shifrat për secilin

Agjencia e Trajtimit të Pronave ka bërë me dije se kanë përfunduar procedurat për lëvrimin e këstit të radhës për subjektet që kanë përfituar kompensim financiar. "Gazeta Shqiptare" zbardh sot listën e plotë me emrat e përfituesve. "Në zbatim të detyrimeve ligjore të përcaktuara në nenin 17 të ligjit nr. 133/ 2015 "Për trajtimin e pronës dhe përfundimin e procesit të kompensimit të pronave" dhe në

Kreun IV, pika 23, të VKM nr. 223, datë 23.03.2016 "Për përcaktimin e rregullave dhe të procedurave për vlerësimin dhe ekzekutimin e vendimeve përfundimtare të kompensimit të pronës dhe shpërndarjen e fondit financiar e fizik për kompensimin e pronave", i ndryshuar,

Agjencia e Trajtimit të Pronave ( ATP) njofton se, në fillim të vitit buxhetor 2021, ka përfunduar procedurat për lëvrimin e këstit të radhës për 209 ( dyqind e nëntë) vendime të subjekteve të shpronësuara, që kanë përfituar kompensim financiar, me kërkesë të veçantë, gjatë viteve 20172020, nga të cilët: për 6 ( gjashtë) vendime, subjektet përfitojnë këstin e pestë, për 56 ( pesëdhjetë e gjashtë) vendime, subjektet përfitojnë këstin e katërt, për 80 ( tetëdhjetë) vendime, subjektet përfitojnë këstin e tretë, dhe për 67 ( gjashtëdhjetë e shtatë) vendime, subjektet përfitojnë këstin e dytë",- bën me dije ATP. Vlera totale e fondit, të vënë në dispozicion nga Buxheti i Shtetit, që do të lëvrohet menjëherë në fillim të vitit buxhetor 2021, si këst i radhës për 209 vendimet e subjekteve përfitues, është 629' 568' 910,35 lekë. Agjencia e Trajtimit të Pronave njoftoi subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.