COVID-19 nuk ndalet, 538 të infektuar në 1918 testime brenda 24 orësh

Vijojnë vdekjet te moshat e reja, humb jetën një 29-vjeçar

Pavarësisht se numri i testimeve ditore ishte dy herë më i ulët se ai i së dielës, shifrat e infektimeve nga koronavirusi në vendin tonë vijojnë të mbeten të larta. Sipas Ministrisë së Shëndetësisë, në 24 orët e fundit janë regjistruar 538 raste të reja pozitive me Sars COV 2. Ndërkohë numri i humbjeve të jetëve është rritur duke shënuar 9 vdekje, mes tyre edhe një qytetar të moshës 29 vjeçare. Për të dytën ditë radhazi, ndër viktimat ka pasur të rinj, çka e bën edhe më shqetësuese situatën. "Ju njohim me situatën e COVID-19 në 24 orët e fundit si vijon: Janë kryer 1918 testime dhe kanë rezultuar pozitivë 538 qytetarë. Rastet pozitive të konfirmuara janë identifikuar në këto bashki: 208 raste në Tiranë, 39 raste në Durrës, 36 raste në Lushnje, 28 raste në Vlorë, 27 raste në Fier, 20 raste në Elbasan, 18 raste në Shkodër, 19 raste Mirditë, 11 raste në Kamzë dhe Gramsh, 10 raste në Kurbin, 9 raste në Lezhë, 8 raste në Mallakastër, Divjakë, 7 raste në Kuçovë, 6 raste në Kavajë, Mat, Gjirokastër, Sarandë, 5 raste në Has, Delvinë, Dibër, Peqin, 4 raste në Tepelenë, Ura Vajgurore, Përrenjas, Vorë, 3 raste në Vau i Dejës, 2 raste në Krujë, Pukë, Rrogozhinë, Malësi e Madhe, Kolonjë, Poliçan, 1 rast në Kukës, Librazhd, Përmet, Skrapar",-thekson Ministria e Shëndetësisë dhe Mbrojtjes Sociale. Sakaq, në 24 orët e fundit janë shëruar 401 qytetarë, duke e çuar numrin e të shëruarve 44,291 që nga fillimi i epidemisë.

TË TË HOSPITALIZUAR HOSPITALIZUAR DHE DHE VIKTIMA VIKTIMA

Aktualisht në 4 spitalet COVID, po trajtohen 282 pacientë, 19 në terapi intensive nga të cilët 4 pacientë janë

të intubuar. Pas 9 vdekjeve të djeshme, numri I viktimave që kanë humbur jetën me sars cov 2 në vendin tonë ka arritur në 1324 persona. Fatkeqësisht mes viktimave të djeshme ishte edhe një 29 vjeçar. "Me gjithë përpjekjet e stafit mjekësor, 9 qytetarë e kanë humbur betejën me

COVID19 në spitalet COVID. 3 qytetarë nga Tirana, 2 qytetare nga Durrësi, 2 qytetar nga Librazhdi, 1 qytetar nga Kurbini, 1 qytetar nga Lushnja, të moshave 29-84 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve",-thuhet në njoftimin e Ministrisë së Shëndetësisë.

APELI

Ministria e Shëndetësisë dhe Mbrojtjes Sociale u është drejtuar qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. "Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën dhe të vijojnë të zbatojnë rregullat antiCOVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjienën vetjake, në mënyrë që të parandalohet përhapja e COVID-19. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID",-apeloi MSH.