“Mos e shisni të drejtën tuaj”, Kim apel qytetarëve: Mos ia dorëzoni fuqinë kriminelëve
25 prilli, diplomatja amerikane takon shefen e misionit të OSBE: Edhe vetë do të jem në terren Takimi para zgjedhjeve, ambasadorja e SHBA dhe BE: Shumë sfida para nesh
Ambasadorja ameri kane, Yuri Kim, u bëri thirrje qytetarëve shqiptarë që mos ta shesin votën në zgjedhjet e 25 prillit. Ajo u bën thirrje që mos ta dorëzojnë pushtetin tek kriminelët dhe shprehet se vetëm qytetarët mund ta zgjedhin të ardhmen. Në një postim në rrjetin social ‘Twitter’ diplomatja amerikane shpërndau faqen e re të Komisionit Qendror të Zgjedhjeve ku qytetarët mund të denoncojnë çdo presion për votën; duke tërhequr veçanërisht vëmendjen tek ndikimi i grupeve kriminale. “Mos e shisni të drejtën tuaj! Mos ia dorëzoni fuqinë tuaj kriminelëve. Vetëm ju duhet të zgjidhni të ardhmen tuaj”, shkruan Kim. Postimin e saj, ambasadorja e shoqëron me apelin e kryekomisionerit shtetëror të zgjedhjeve Ilirjan Celibashi për të raportuar dhe denoncuar rastet korruptive të shitblerjes së votës dhe rastet e financimit të paligjshëm në fushatën zgjedhore. “Qytetarë! Raportoni dhe denonconi rastet korruptive të shitblerjes së votës! Raportoni dhe denonconi rastet e financimit të paligjshëm të fushatës zgjedhore! Që prej datës 10.03.2021”,-shkruan Celibashi, ndërsa bën publik edhe portalin e denoncimeve. Ambasadorja amerikane në Tiranë Yuri Kim është një prej zërave më të fortë në mbrojtje të standardit të zgjedhjeve parlamentare të 25 prillit. Gjatë javëve të fundit ajo u ka bërë shpesh apel partive politike të mos kandidojnë persona me rekorde kriminale si dhe të shmangin incidentet gjatë fushatës zgjedhore. Por përveç apelit, diplomatja ka paralajmëruar se Shtetet e Bashkuara do të marrin masa ndaj atyre që nxisin dhunën, nxisin shkeljen e ligjeve zgjedhore dhe standardeve ndërkombëtare, dhe përpiqen të minojnë integritetin e procesit zgjedhor.
TAKIMET
Ambasadorët e SHBA dhe BE, Yuri Kim dhe Luigi Soreca u takuan dje duke pasur në focus të bisedimeve zgjedhjet parlamentare të 25 prillit. Nën rrezet e diellit dhe të buzëqeshur, znj.Kim theksoi se shumë sfida kanë përpara si zgjedhjet, Reforma në Drejtësi apo integrimi në BE. Sipas saj, një gjë është e sigurt, bashkëpunimi SHBA- BE për Shqipërinë është më i fortë se kurrë. “Shumë sfida para nesh – zbatimi i reformës në drejtësi, zgjedhjet 4/25, oferta e Shqipërisë për në BE – por një gjë është e sigurt: Luigi Soreca dhe jam dakord që bashkëpunimi SHBA- BE në mbështetje të Shqipërisë është më i fortë se kurrë”, shprehet ambasadorja e SHBE-ve në Tiranë. Po dje ambasadorja Yuri Kim priti në një takim, Urszula Gacek, shefen e misionit të OSBE-ODIHR për zgjedhjet parlamentare të 25 prillit. Siç shkruan edhe vetë Kim në Twitter, SHBA mbështesin misionin në fjalë, ndërsa shton se edhe vetë do të jetë në terren ditën e zgjedhjeve. “Diskutova me Ambasadoren Urszula Gacek, shefe e OSCE-ODIHR mbi procesin e monitorimit dhe përgatitjet për zgjedhjet e 25 prillit. SHBA mbështet këtë mision të rëndësishëm, përfshirë edhe vëzhguesit. Ambasada Amerikane gjithashtu do të dërgojë ekipin e saj ( përfshirë edhe mua) në zona të
ILIRJAN CELIBASHI
IIlirian Celibashi u bën thirrje qytetarëve të denoncojë dhe raportojnë rastet korruptive të shitblerjes së votës. Ai shpjegon mënyrën se si mund të behën denoncimet përmes "Portalit të denoncimeve" i cili është në funksion që prej datës 10 mars. "Qytetarë! Raportoni dhe denonconi rastet korruptive të shitblerjes së votës! Raportoni dhe denonconi rastet e financimit të paligjshëm të fushatës zgjedhore! Që prej datës 10.03.2021? Portali i denoncimeve!KQZ",shprehet kreu i KQZ.
ndryshme të vendit”, - shprehet diplomatja Yuri Kim. Misioni i OSBE-ODIHR, që udhëhiqet nga ambasadorja Urszula Gacek, përbëhet nga një ekip prej 12 ekspertësh zgjedhor të ndodhur në Tiranë si dhe 24 vëzhgues afatgjatë të cilët do të shpërndahen në të gjithë vendin duke nisur nga data 26 mars.